1 Samuel 2:33 - Dios Iwene

³³ Okobe deinö ju'wedö debö tji̧'yonö, ökwö kwi̧tji̧mu tupadanö jojodötjö sule bakwo̧nöda wetocha tjö'da̧de pjabato̧ otidobö, jo̧kwaijayonö jo̧babi jwiinö usula emawakobe. Nöinö budekwabinö ö̧jajabetjö̧ öbajale tjewawinö baibakwo̧, ja̧danö okobe deinö ju'wedö kwi̧tji̧mu tupadanö jojodönö kwölöte'onö kwabö lotjakwedö jojodöma.

1 Samuel 2:33 ပူးပေါင်းရင်းမြစ်များ

1 Reyes 1:19

Jau, ba̧jȩkwadö pakayadönöbi, obejadönöbi, ju'wedö o̧tewadönöbi kwabö juwö iyajabe, ja̧danö okobe deinö ju'wedö ökwö inesö la'aka luwo̧ kwitji̧munö ba'ali tjujunobö a̧debajabe, ja̧danö ö'weje pjabato̧ Abiatarnöbi, ölakwabikwawa jojodö la'aka tjuluwo̧ Joabnöbi a̧debajabe, ichö tjukwobö. Jo̧kwaijayonö, ju'wedönö a̧debijayonö kwömöayo̧ kwitji̧ Salomonnö a̧debökötö, ichö jobadökwö ba'ali ujunoböma.

1 Samuel 2:32

Isabenö o̧'wo tjo̧achö kwö̧jaduwakwedöja, ja̧danö ju'wedö israel jojodönönö otiwanö pjatatakwa̧ edö kwo̧'woduwi suli̧nö kwedaduwakwedöja, ökwödöbi jejenö demowe jö̧ba̧lö, ja̧danö kwitji̧mu tupadanö jojodötjö bakwo̧bi damö ichibökakwo̧.

1 Samuel 2:34

Ja̧danö baikwö kwöwaisakwo̧ja Eli, yötawi̧ wenema isabenö yötawobe jö̧ba̧lö, bakwöta möle, kwi̧tji̧mu Ofnibi, Fineesbi bakobe debö tji̧'yakwedö. Ja̧danö, jejenö yötawaja̧danö baibenama, ju'wibi öwaetjöda öwawakobe, okobe jwiinö ju'wi jaye kwömöledönö yötawaja̧bi isabenö baledakobe jö̧ba̧lö.

1 Samuel 22:18

Jejenö tjöpöjödiökwe, Saulma Doegnö weinobe, —Ökwöda, bidö tjö'da̧de pjabatadönö kwabö lobidönö, —jö̧ba̧lö. Weökwe, jo̧ba edomita jojo Doegma jobadönö meibinobe, ja̧danö ja̧ möle ochenta y cinco tjö'da̧de pjabatadönö kwabawö loinobe, Dios öba a'otjö tjö'da̧de pjabatadö 'dutjawi̧ linotjö otikwa̧do̧ 'dubawadönö.