1 Samuel 18:9 - Dios Iwene

⁹ Ja̧danö jemi ikenama Saulma Davidnö o̧'wo sulinö edinobe, —Chö̧bemi iteda ö̧bobö ösödena, —jö̧ba̧lö.

1 Samuel 18:9 ပူးပေါင်းရင်းမြစ်များ

Génesis 31:2

Ja̧danö, Jacobma öjaba Labánnö edö waisachibijetö, Chedemi chöjabama belö ötjönö ösödiainajayonö babema jwiinö öpöjöda ötjönöma, jö̧ba̧lö.

Proverbios 27:4

Ja̧danö, ju'wibi yötawa: Jwiinö dameakwo̧ma jojodönö lȩ lö̧jökönö edö labo̧. Yelösöda, jo̧ba dameakwo̧ma ödameakwi̧ tjöbeba̧lökönö jo̧, ödameakwi̧ma labinö ojwe usuwi̧danö usuwö dameakwö jwöeba̧lawö̧nö. Jao jo̧ba dameakwo̧ma jwiinö labo̧ijayonö, jo̧ba ölabi̧tjö bajalekwönönö labo̧ ö'wöyabikwawö jo̧ma. Yelösöda ö'wöyabikwawö jo̧ma jwiinö labo̧.

Mateo 20:15

Jejenö omukwatö chujunoböma ¿suliji̧? Sulökö chömöledö. Ötjöda chitea baladaobetjö̧, ötjöda omukwatö chujuni̧danö chimidobö jo̧be. Ötjöma jobadönö otiwanö chiyobetjö̧, ¿kwo̧'wo̧ sulinö kwedaduwobeji̧? jö̧ba̧lö atadinobe batjo la'aka luwo̧ma.

Marcos 7:22

Nöinö jo̧be Dios öba a'otjö tjomajade okwatjö suli̧ jwöebi̧ laebi̧ma. Biya̧ jawabi: Ju'wedö tjujuna̧li̧ ba̧wa̧lö̧jinö edawa, ja̧danö, ju'wedönö sulabenö ja̧awa, ja̧danö, bakwo̧ sulabenö ja̧ina yöbawökönö ö̧ji̧, ja̧danö, jwiinö taba̧lö̧ji̧ jawa ja̧awa, tjomajade okwatjö laebi̧ suli̧ jwöebi̧ma. Ja̧danö ju'wibi: Tjo̧'wo̧ sulinö edawa, ja̧danö, ju'wedönö omöna yöba̧lö jwöeba̧lakwawa, ja̧danö, ju'wedönötjö o̧penönö otiwanö jo̧sa, jö̧ba̧lö, omukwatakwawa, ja̧danö, o̧'wo̧ jwibo̧danö omukwatökönö ja̧awa. Nöinö jo̧be tjomajade okwatjö suli̧ laebi̧ma.

Efesios 4:27

Jau chömöledö, kwo̧'wo̧ suladuwi̧ma kwo̧'wo̧ sököbaduwo. Lekwe kwo̧'wo̧ kwusulawaduwenama Awetja iteda ösödi̧da ja̧köbaduwinö weobö jo̧be. Chömöledö ja̧bökönaduwi Awetja ökwödönö sulabenö ja̧köbaduwinö weobö ji̧ma.

Santiago 5:9

Ja̧danö, ju'wedönö yöka̧laduwoko, Sulabenö ja̧tjajabe, jö̧ba̧lö. Ökwödöma lȩbebö yökawaduwobö ¿jo̧beji̧? Jwiobe chö̧ja̧wo̧dö. Bakwo̧da, Duluwo̧ Jesucristoda lȩbebö yöbawo̧. Ju'wedönö lȩbebö yökawaduwoko, Jesucristoma ökwödönö, Sulabenö yökawaduwobe, jö̧ba̧lö, lȩbebö yöawapji jö̧ba̧lö. Ja̧danö, a̧ja̧kwaduwi chö̧ja̧wo̧dö. Inesö lȩebakwo̧ Jesucristo ichakwa̧ma lekwokobe. Kwömöledöso̧ ödötjö ichajo̧, ida̧ökö kweju apjudenö jo̧danö öwanekwachobe Jesucristoma. Ichakwa̧ma lekwokobe.

1 Samuel 18:10

Jemi ikena möle, Dios weökwe o̧'wo luwo̧ sulabo̧ Saulnö juluwanö ichibö, usula emawinö ja̧inobe, ja̧danö Saulma ejunö ja̧nö, o̧'wo jwibo̧ ja̧idanö ja̧inobe. Jejenö ja̧onö, ba̧kwelöjatebö pjei̧danö, Davidma Saul öba a'otjö arpa pjeinobe. Ja̧danö, jobe ja̧nö, Saulma otokwöte do̧ba̧lö ö̧jinobe,

1 Samuel 18:8

Jejenö lo̧tjiökwe, ödameakwinobe Saulma, ja̧danö yötja̧li̧ öpöjödö yöa̧linobe itedada, —Davidnö Diez milbedönö kwabawö lobo̧ jö̧ba̧lö yötja̧lonö, ötjö inesö la'aka luwo̧nö sule milbedönö kwabawö lobo̧ jö̧ba̧lö yötja̧lajabe, jejenö yötja̧li̧ma, ja'yubenö lekwajabetjö la'aka luwo̧ chö̧bemibi jo̧banö wetjobö jö̧tja̧lena, jo̧bada inesö la'aka luwo̧ baibanö, —jö̧ba̧lö omukwatinobe Saulma.

1 Samuel 19:1

Okobe deinö otiwanö Davidnö tjösödiökwe, Saul öpöjödinobe, ja̧danö Davidnö kwabö loobö omukwatinobe. Jejenö omukwatö, itji̧ Jonatannöbi, okobe deinö ju'wedö yö̧ne ömöayedönöbi yöa̧linobe, —Davidnö kwabö lodobö jo̧be, —jö̧ba̧lö. Jejenö yöa̧liökwe, Saul itji̧ Jonatanma öpöjödinobe, isabenö jwiinö Davidnö osödobetjö̧.