1 Samuel 17:55 - Dios Iwene

⁵⁵ Ajayinö David Goliat ö̧jobekwö i̧'yenama, Saulma edö abebö a̧ja̧kwinobe ömöayo̧ ölakwabikwawa jojodö tjuluwo̧ Abner mikwo̧nö, —Abner, bite Davidma ti itji̧da? —jö̧ba̧lö. Aebökwe, Abner atadinobe, —Wajwita chuluwo̧, isabenö yötawakwö, David abe'donö wajwita, —jö̧ba̧lö.

1 Samuel 17:55 ပူးပေါင်းရင်းမြစ်များ

Génesis 42:15

Jo̧kwaijayonö ökwödö yöka̧laduwaja̧ isabenö yöka̧laduwojobö baikwö weta: Kwö̧jawo̧duwinöma baikwö kwichejebaduwo. Yöta̧laduwakwö: Jo̧banö kwichejebökötjö̧ma ökwödöma belö lakebaduwökakobe. Ja̧ yöta̧laja̧tjö̧ wainö ja̧titjö̧ma faraón lȩebakwo̧sa.

1 Samuel 1:26

Ichibajadö, Anama Elinö yöja̧linobe: —Chuluwo̧, belö kwöba a'otjö Isabenö Jo̧ Diosnö abebinanö kwomukwatiji̧? Isabenö yötawakwö, ötjöma damötjö kwöba a'otjö Isabenö Jo̧nö abebinujusa.

1 Samuel 14:50

Ja̧danö Saul ilekwoma Ahinoam mikwuju, Ahimaas mikwo̧ itjiju. Ja̧danö Saul ömöayedö ölakwabikwawa jojodö la'aka tjuluwo̧ma Abner mikwo̧, Saul abe'do öjawo̧ Ner miwko̧ itji̧.

1 Samuel 16:12

Weökwe, itji̧ bajalia jojonö öbibö tji̧'yobö weinobe Isaima, ja̧danö Isai itji̧ bajalia jojo David mikwo̧nö tjichejebinobe. Jo̧banö edö, Samuelma ö'wöchö̧kö̧ otiwanö duwo̧nö edinobe, öbajalebi, itebiabi otiwo̧nö. Ja̧danö, Isabenö Jo̧ma Samuelnö weinobe, —Biteda omudawö chujunökwema, a̧la̧ibi, uunö o̧tesobu tobebi, omudawö chujunaja̧ wene i̧sebö.

1 Samuel 17:54

Jemi tupakwö Davidma ubulataja̧ Goliat uu e'ewinobe Jerusalenbe, jo̧kwaijayonö Goliat itea ölakwabikwawa jawama, iteda ölöwöte okwa ujuninobe.

1 Samuel 17:56

Atadökwe, la'aka luwo̧ Saulma weinobe, —Abebö kwa̧ja̧kwo, abe'donö döwaisakobetjö̧, —jö̧ba̧lö.

1 Samuel 17:58

Ja̧danö Saulma Davidnö abebö a̧ja̧kwinobe: —Möayo̧, ökwöma ti itji̧köba? —jö̧ba̧lö. Aebökwe, —Ötjöma kwömöayo̧ Belen jojo Isai mikwo̧ itji̧sa, —jö̧ba̧lö atadinobe Davidma.

1 Samuel 26:5

Yötjawökwe, ja̧ yö̧te Davidma a̧la̧ibö i̧'yinobe Saul abemi yöneawinö, ja̧danö ödökwönönö ja̧nö, Saulnöbi, ömöayo̧ ölakwabikwawa luwo̧ Abnernöbi nijinö tjabobe edinobe. Ju'wedö ölakwabikwawa jojodö tjö̧'da̧de tjabekwobe edinobe.