1 Samuel 17:46 - Dios Iwene

⁴⁶ Ja̧danö babema Isabenö Jo̧ma ökwönö kwabö lotobö iyakobe, ja̧danö ökwönö kwakibanö kwatocha, ja̧danö kwuu bulatö lotocha. Ja̧danö kwömöledö filisteo jojodö tjiteba'o pji̧yu̧ tjukwobö chiyocha, ja̧danö tebonö ju̧kwadö tjukwobö chiyocha, okobe deinö bö̧je jojodö Diosnö tjöwaisachibakobetjö̧, isabenö Diosma Israelnö ö̧jobe, jö̧ba̧lö.

1 Samuel 17:46 ပူးပေါင်းရင်းမြစ်များ

Génesis 40:19

Ja̧danö, wa̧pötakwa möle baibena kwuluwo̧ faraónma ökwönöma kwuu bulatö lotjobö weakobe. Ja̧danö, bulatajadö ökwönöma towinö di̧batö tjö̧nobö weakobe. Ikenama pji̧yu̧ ichibö tjukwakobe ökwö kwitebiyama— yöbawijetö Joséma pan otikwa jojonöma.

2 Samuel 18:28

Ja̧danö, yöne ichibö, Ajimazma la'aka luwo̧ Davidnö jwöinobe, —Otiwa, wene jwia, —jö̧ba̧lö. Ja̧danö David öba a'o ichibö, öba nijakwö bȩbachibö yöawinobe, —Isabenö Kwuluwo̧ Isabenö Jo̧ Diosnö dösödobö jo̧be, kwöpöjojodötjö, ökwönö suli̧ tjöwaedobö jö̧ba̧lajadötjö kwö̧jibinö pjaatajobetjö̧, —jö̧ba̧lö yöawinobe.

2 Samuel 21:10

Jejenö ji̧tji̧munö mö nönö lotjioko, Aya itjiju Rizpama tuda'wo jawa sabana'wo emö, jobe yöne inawa nöawanö pjabebö jödinobe, jobe ji̧tji̧mu tjiteba'iju jiteada̧lobö. Ja̧danö ajayinö batjo̧ wa̧ji̧ emajitena möle jenanö jamatö, bajalianö ojwiyo o̧benanö baibanö tjöbeba̧löjönö jiteada̧linobe, möle pji̧yu̧ tjiteba'iju tjukwapji jö̧ba̧lö, ja̧danö yöte tebonö ju̧kwadö tjukwapji jö̧ba̧lö.

1 Reyes 8:43

Jejenö abebö tjichenama, mölejebe kwö̧jelö ja̧nö jobadö atjebi̧bi kwa̧ja̧kwobö atebakwö chuluwo̧. Jau chuluwo̧, okobe deinö jelobetjö ichajadö ökwönö atjebi̧ a̧ja̧kwö kwatadobö atebakwö, jejenö kwatadiawö̧ okobe deinö tjitebotenia jojodöma ökwönö tjöwaisakobetjö̧, –Isabenö juluwo̧ Isabenö Jo̧ma, –jö̧balö, ja̧danö ökwönö waisachibajadö, ökwönö yebabinö ösödö, weköbi̧ a̧ja̧kwö tjö̧jakobetjö̧. Jau chuluwo̧, jejenö jobadö atjebi̧bi kwatadiawö̧, ökwö kwömöledö israel jojodö ökwönö yebabinö tjösödi̧danö tjösödakwedö, ja̧danö tjöwaisakwedö, –Dios eju baibanö Salomon otidinejuma, isabenö Dios ö̧jeju, isabenö jobe Diosnö dösödobö jo̧be, –jö̧ba̧lö.

1 Reyes 8:60

Ja̧danö, jejenö ökwödönö pjaatiawö̧, okobe deinö bö̧jȩnö ju̧kwadö tjitebotenia jojodöma jo̧banö tjöwaisachibakwedö, –Isabenö Jo̧da Diosbo̧ma, jelo̧ma deobe, –jö̧ba̧lö.

2 Reyes 19:19

Jobadödanöbö̧kö̧ja chuluwo̧ Isabenö Jo̧ Dios, jo̧kwajabetjö̧ atebakwö, jo̧ba Senaquerib ujulutjö dö̧jibinö pjakatobö, okobe deinö tjitebotenia jojodöma edö ökwönö tjöwaisakobetjö̧, ökwö Isabenö Jo̧daja isabenö Diosbo̧ma, jelo̧ma deobe jö̧ba̧lö —Diosnö aebinobe Ezequiasma.

2 Reyes 5:15

Jobekwö balediökwe, okobe deinö ömöayedö jo̧bakwö kwebachadönö öbibö tjeachajinobe Dios yöawi̧ yöbawo̧ Eliseo ö̧jobekwö, ja̧danö öba a'o öjamatinobe. Ichibajo̧, Eliseonö yöa̧linobe, —Isabenö yötawakwö, babe chöwaisachibajabe, bö̧jȩ ba̧kwemeachibanö jelo̧ Diosbo̧ma deobe, sule bemi niji israeltjöda isabenö Diosbo̧ma ö̧jobe. Ja̧danö, babe atebakwö, ötjö kwömöayo̧ma, bi̧ya iyawa ökwönö chiyobö chichejebajabe, ja̧danö kwemobö atebakwö, —jö̧ba̧lö.

Éxodo 9:16

Jo̧kwaijayonö 'yaka̧laduwinöda wetijatö chujulu chi̧sebi̧ma kwedaduwobö, ja̧danö böjenö ju̧kwadöma, okobe jwiinö böjenö tjöwaisachibakobetjö̧, Isabenö Jo̧ma jwiinö juluwo̧, jö̧ba̧lö.

Isaías 37:20

Jobadödanöbö̧kö̧ja chuluwo̧ Isabenö Jo̧ Dios, jo̧kwajabetjö̧ atebakwö, jo̧ba Senaquerib ujulutjö dö̧jibinö pjakatobö, okobe deinö tjitebotenia jojodöma edö ökwönö tjöwaisakobetjö̧, ökwödaja Isabenö Jo̧ma, jelo̧ma deobe jö̧ba̧lö, —Diosnö aebinobe Ezequiasma.

Isaías 52:10

Tjitebotenia jojodö tjö̧ba a'otjö iteda ujulu öwaetjöda öwawinö i̧sȩbajabe, ja̧danö bö̧jȩ ba̧kwemeachibanö ju̧kwadöma edö tjöwaisakwedö, —Duluwo̧ Diosma iteda ömöledönö tjö̧jibinö pjaatajabe, —jö̧ba̧lö.

Isaías 56:9

Baikwö wanedö yöta̧la, israel jojodö tjöpöjojodönö: Ökwödö tebonö ju̧kwadöbi, mejenö ju̧kwadöbi ichö, israel niji mebibö kwukwaduwo.

Daniel 2:47

Ja̧danö Nabucodonosorma Danielnö yöawinobe: —Chi̧'wi̧dikwina jawa jweinö yökawi̧tjö̧, chöwaisobe, isabenö kwuluwo̧ Diosda ju'wedö diosbedö tjuluwo̧ Diosma jö̧ba̧lö, ja̧danö jo̧bada la'aka luwedö inesö la'aka tjuluwo̧ma jö̧ba̧lö, ja̧danö isabenö jojodö wajwitji̧ jawa i̧sebo̧ kwuluwo̧ Diosma— jö̧ba̧lö.

Daniel 3:29

Jo̧kwajabetjö̧ babema 'yayi̧ weawa wetobe baikwö: Bakwo̧bi bidö tjuluwo̧ Diosnö sulabenö yöa̧lobö jwiobe, okobe deinö chömöayedötjö tjitebotenia jojodöbi, bakwosokwena jojodöbi, wainökwena yöba̧ladöbi, otiwanö yötja̧lobö jo̧be bidö Sadracbi Mesacbi Abednegobi tjösödökwe Diosnö. Ja̧danö bakwo̧ jo̧banö sulabenö yöa̧litjöma, jo̧banö bulabinö lotjakwo̧, ja̧danö ejuma jwiinö pjolö lotjakweju, inasoda baibanö. Isabenö tjuluwo̧ Diosdanöbo̧ma deobe, jo̧ba pjaataja̧danö ömöayedönö tjö̧jibinö pjabato̧ma deobe— jö̧ba̧lö yöa̧linobe Nabucodonosorma.

Mateo 24:28

Jau chömöledö, kwöwaisaduwa, bo̧lö̧ jwitjachenama. Juluwanö kwöwaisaduwa, Aaa, wobiya ba̧ jö̧ba̧lö, ¿jö̧tö? Ja̧danö, chichakwa̧ baledi̧ jawa edö Jesúsma ichaji̧ jö̧ba̧löma akebaduwökena, öwaetjöda kwöwaisaduwakwedöja, yemidanö ichajabe jö̧ba̧lö waapjida öwawakobetjö̧.

Deuteronomio 28:26

Debö kwi̧'yaduwenama, kwiteba'oduwima, pji̧yu̧ tju̧kwa baibakwa'o, ja̧danö tebonö ju̧kwadö tju̧kwa baibakwa'o, ja̧danö kwiteba'oduwi wainö tjukwakwedö, bakwo̧bi a'dewö loakwo̧ deakobetjö̧.

Deuteronomio 7:2

jo̧kwaijayonö kwuluwo̧duwi Isabenö Jo̧ Diosma ökwödönö iyakobe, jobadönö kwujuluwaduwobö chömöledö, ja̧danö jejenö kwujuluwaduwobö pjaatena, baikwö wetaduwakwö chömöledö: Jwiinö jobadönö söbebö loköbaduwobö ja̧kobe. Jobadökwö dösölö̧jinö ölakwabikwawökönö kwö̧jaduwakwa̧ wenema jobadökwö yöbawö kwujunaduwoko, ja̧danö jobadönö lȩlöjinöma kwedaduwoko, jwaikwöda kwabö loböda jobadönö söbebö loköbaduwo, bakwo̧bi ö̧jibökenanö.

Deuteronomio 7:23

Jo̧kwaijayonö kwuluwo̧duwi Isabenö Jo̧ Diosma isabenö tjo̧'omanö jobadönö bakwasokwena kwujuluwaduwobö pjaatakobe. Jwiinö yetjaibobö weakobe, bajaliyanö okobe deinö jobadönö söbebö loköbaduwenanö kabatö.

Josué 10:8

Ja̧danö, Isabenö Jo̧ma Josuenö yöawinobe, —Josue, jobadö amorreo jojodö ölakwabikwawa jojodönö yekaboko. Jau Josue, isabenö jobadönö kwujuluwobö chiyajabe, jo̧kwajabetjö jobadötjö bakwo̧bi kwöba a'o ö̧joböma jwiakobe, isabenö okobe deinö jobadönö kwujuluwakobe, —jö̧ba̧lö.

Josué 4:24

Jobekwö iteda ujulu i̧sȩbajabe dösödökwe Isabenö Jo̧ Diosma chömöledö, bö̧jȩ ba̧kwemeachibanö ju̧kwadö jojodöma a̧ja̧kwö tjöwaisachibakobetjö̧, Isabenö Jo̧ Diosma isabenö jwiinö juluwo̧, jö̧ba̧lö. Ja̧danö, ju'wibi, ökwödö israel jojodö ba̧kwelöjatebö kabatökönö kwuluwo̧duwi Isabenö Jo̧ Diosnö yebabinö omukwatö, Jwiinö juluwo̧ Dösödökwe Isabenö Jo̧ma jö̧ba̧lö omukwatö kwö̧jaduwakobetjö̧, jejenö kwöba a'oduwitjö iteda ujulu i̧sȩbajabeta, —jö̧ba̧lö yöawinobe Josuema, inawiya Guilgaltjö ödenama.

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.

1 Samuel 17:44

Ja̧danö Goliatma Davidnö jwöinobe, —Baikwö chö̧jobekwö ichi, ja̧danö ökwönö kwabö lobö, kwiteba'o pji̧yu̧ tjukwobö chiyocha, ja̧danö tebonö ju̧kwadö kwiteba'o tjukwobö kwabö lobö chiyocha, —jö̧ba̧lö.