1 Samuel 17:33 - Dios Iwene

³³ Yöa̧lökwe, Saul atadinobe, —Ökwöma jo̧ba filisteo jojokwö kwölakwabikwawoböma jwibo̧ja, ökwöma ina möayo̧köba, jo̧kwaijayonö jo̧bama ida̧ökö lekwe möle ölakwabikwawö jo̧. Möayo̧ ö̧jayitjö̧ baikwö bajalenö ba̧kwelöjatebö ölakwabikwawö ö̧jajabe Goliatma, isabenö ökwötjö bajalekwönönö juluwo̧ jo̧bama, —jö̧ba̧lö.

1 Samuel 17:33 ပူးပေါင်းရင်းမြစ်များ

Deuteronomio 9:2

Jobe ju̧kwadöma isabenö juluwadö, jobadötjö ju'wedöma kwöwaisaduwawö̧, inesö ödöbaedö anaquitas jojodönö. Jobadönö yötja̧li̧ a̧ja̧kwinadöja chömöledö, –Ayö, jobadö ödöbaedö anaquitas jojodönö ti ujuluwakwajö, –jö̧ba̧lö yötja̧li̧ a̧ja̧kwinadöja.

Apocalipsis 13:4

Ja̧danö, jobadöma toba'dadanöso̧nöbi nöinö ösödadö, ojwe okwatjö labebajo̧nö iteda ujulu iyiawö̧, la'aka luwo̧ baibanö. Ja̧danö, ojwe okwatjö labebajo̧nöma edö, ¡Ayö! Bitema jwiinö juluwo̧, jo̧badanö juluwo̧ma deobe, jö̧ba̧lö, tjösödobe chedijatö. Ja̧danö, ¿Tida jo̧banötjö o̧penönö juluwo̧ma? ¿Tida jo̧banö kwabö lobo̧ma? ¿Tida jo̧banö ujuluwakwo̧ma? Deobe, jö̧ba̧lö, ojwe okwatjö labebajo̧nö tjösödobe chedijatö.

1 Samuel 17:34

Yöa̧lökwe, Davidma Saulnö atadinobe: —Ötjö kwömöayo̧ma, ajayinö chabe'do ajwimu obejadönö teada̧lö chö̧jijatö. Ja̧danö, teada̧lö chö̧jena, didibadöbi ojwe yawidö ödöbaedöbi chajwimunö tjukwotö jö̧ba̧lö tjichibinobe. Ja̧danö, bakwo̧ didibaö̧kö̧, ojwe yawi̧ nöbo̧ö̧kö̧ chajwimutjö ja'yuwo̧nö emibenama,

1 Samuel 17:42

Ja̧danö yö̧ne ichibö, Davidnö edö öpöjödinobe, —Bitema juluwö̧kö̧, möayo̧, —jö̧ba̧lö. Davidnö edö, otiwo̧nö edinobe, öba otiwanö duwo̧nö edinobe, ina möayo̧.

1 Samuel 17:56

Atadökwe, la'aka luwo̧ Saulma weinobe, —Abebö kwa̧ja̧kwo, abe'donö döwaisakobetjö̧, —jö̧ba̧lö.