1 Samuel 17:29 - Dios Iwene

²⁹ Yöa̧lökwe, Davidma atadinobe, —Sulabenö ja̧taja̧ma di̧ya? Sulabenö ja̧tökötö, sule abebö a̧ja̧kwöda abebö cha̧ja̧kwajabe, —jö̧ba̧lö.

1 Samuel 17:29 ပူးပေါင်းရင်းမြစ်များ

Proverbios 15:1

Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.

1 Corintios 2:15

Ja̧danö, okobe deinö Dios O̧'wo̧ Luwo̧nö juna̧ladöma, okobe jwiinö edö tjöwaisobö juna̧ladö, Aaa, biya̧ma mikwa ji̧, mikwawökö ji̧ jö̧ba̧lö. Ja̧danö, jejenö edö tjöwaisijayonö, Dios O̧'wo̧ Luwo̧nö juna̧löködöma jobadö juna̧ladönö edö tjöwaisoböma jwibadö, Aaa, bitema mikwawo̧, mikwawö̧kö̧ jö̧ba̧lö.

1 Pedro 3:9

Ju'wedö ökwödönö sulabenö ja̧tjenama, balekwa mikwa sulabenöma ja̧köbaduwoko, ja̧danö ökwödönö sulabenö yötja̧lenama, balekwa mikwa jobadönö sulabenöma kwatadaduwoko. Jau chömöledö, jobadönö balekwa mikwa sulabenöma ja̧bökönö, Diosnö akebaduwo, jobadönö pjaatobö. Jau chömöledö, Diosma ökwödönö jwöinobe, okwödönö dösölö̧jinö pjaatobö, ja̧danö Dios ökwödönö jejenö pjaatobetjö̧, ja̧ omukwatö ju'wedönö pjabatö Diosnö akebaduwobö jo̧be.

1 Samuel 17:28

David jojodönö yöa̧lemi, David öpöe Eliabma a̧ja̧kwinobe, ja̧danö a̧ja̧kwö, Davidnö ölabinobe, ja̧danö Davidnö yöa̧linobe: —Tajawedö baikwö kwichaja̧da? Obejadö ja'yubeda kwajwimunö kwiteada̧lo̧ jö̧ka̧lijayonö, jobadönö le'dedibö kwichaji̧? Ökwönö chöwaisökweja, chöjawo̧, otiwo̧sa jö̧ba̧lö kwomukwati̧ma, ja̧danö kwomajadenö sulabenö kwomukwati̧ma. Ökwöma sule ölakwabikwawö kwakwatjakwawi̧ kwedotö jö̧ba̧lö baikwö sulabenö ichajo̧ja, —jö̧ba̧lö yöa̧linobe Eliabma, öjawo̧ Davidnö.

1 Samuel 17:30

Ja̧danö atadajo̧, Davidma jalachibö ajayinö yöa̧laja̧danö ju'wedönöbi abebö a̧ja̧kwinobe, ja̧danö ju'wedö tjatadaja̧danö jobadöbi bakwainö tjatadinobe.