1 Samuel 17:13 - Dios Iwene

¹³ Ja̧danö, Saul filisteo jojodönö ölakwabikwawobö i̧'yenama, Isai i̧tji̧mu abönö damö wamedukwa Saulkwö tji̧'yinobe, bidö: Abönö pöe Eliab mikwo̧bi, ikena jojo Abinadab mikwo̧bi, ikena jojo Sama mikwo̧bi.

1 Samuel 17:13 ပူးပေါင်းရင်းမြစ်များ

2 Samuel 13:3

Ja̧danö, Amnon ömöledötjö bakwo̧ ö̧jinobe, Jonadab mikwo̧. Jo̧ba Jonadabma, David öpöe Sima mikwo̧ itji̧, ja̧danö jwiinö waisina Jonadabma, iteda ösödi̧ jawa badekwachinö ja̧i̧ma.

2 Samuel 13:32

Jo̧kwaijayonö, David öpöe Sima itji̧ Jonadabma yöawinobe Davidnö, —La'aka chuluwo̧, omukwatökönui, okobe deinö kwi̧tji̧munö kwabö lotjajabe jö̧ba̧löma, sule bakwo̧nöda kwabö lotjajena, Amnonnöda. Jau chuluwo̧, öjawuju Tamarnö 'da̧bö ujuluwinemi möletjö baikwö bajalenö, balekwa mikwa Amnonnö kwabö loobö omukwatö ujuninobe Absalonma, jo̧kwajabetjö̧ babema Amnonnö kwabö lotjajabe.

2 Samuel 21:21

Jo̧bama israel jojodönö obö, juluwöködöja jö̧ba̧lö obö yöa̧linobe, ja̧danö jejenö oiökwe, David öpöe Sima itji̧ Jonatan mikwo̧ma, jo̧banö kwabö loinobe.

1 Crónicas 2:13

Ja̧danö Isai itji̧mu ömadöma bidö: Abönö pöema, Eliab mikwo̧, ikena jojo Abinadab mikwo̧, ikena jojo Simea mikwo̧,

1 Samuel 17:28

David jojodönö yöa̧lemi, David öpöe Eliabma a̧ja̧kwinobe, ja̧danö a̧ja̧kwö, Davidnö ölabinobe, ja̧danö Davidnö yöa̧linobe: —Tajawedö baikwö kwichaja̧da? Obejadö ja'yubeda kwajwimunö kwiteada̧lo̧ jö̧ka̧lijayonö, jobadönö le'dedibö kwichaji̧? Ökwönö chöwaisökweja, chöjawo̧, otiwo̧sa jö̧ba̧lö kwomukwati̧ma, ja̧danö kwomajadenö sulabenö kwomukwati̧ma. Ökwöma sule ölakwabikwawö kwakwatjakwawi̧ kwedotö jö̧ba̧lö baikwö sulabenö ichajo̧ja, —jö̧ba̧lö yöa̧linobe Eliabma, öjawo̧ Davidnö.