1 Samuel 15:17 - Dios Iwene

¹⁷ Ikenama Samuelma Saulnö yöawinobe Isabenö Jo̧ Saulnö yöa̧li̧ma: —Ajayinö kwomukwatinobe, ökwödada, ju'wedö israel jojodötjö baikwönönöbo̧sa jö̧ba̧lö. Jo̧kwaijayonö israel jojodö bakwasokwena jojodö la'aka tjuluwo̧ babibinaja, ¿jö̧tö? Jau, Isabenö Jo̧ma ökwönö omudawö ujuninobe, Israel jojodötjö inesö la'aka luwo̧ bakibanö.

1 Samuel 15:17 ပူးပေါင်းရင်းမြစ်များ

Mateo 18:4

Jau chömöledö, bite tjemu omukwati̧danö ötjöma ju'wedötjö bajalekwönönö otiwö̧kö̧sa jö̧ba̧lö omukwatadöda Dios la'aka luwo̧ ö̧jena ju̧kwadötjö inesö otiwadöma— jö̧ba̧lö yöawinobe Jesúsma.

Jueces 6:15

Weökwe, Gedeonma atadinobe, —Ötjöma luwo̧bö̧kö̧sa, israel jojodö tjö̧jibanö pjatatobö. Okobe deinö Manasesessaso jojodötjö, baikwönönösasobedösa, ökwödö chabe'dö ömöledöma, ja̧danö okobe deinö chömöledötjö baikwönönöbo̧sa ötjöma, luwo̧bö̧kö̧sa, —jö̧ba̧lö.

1 Samuel 10:1

Ikenama Samuelma o̧tesayu̧ ja'yuayu̧ do̧batö, Saul uunö toebinobe, ja̧danö Saulnö du̧batö yöawinobe, —Isabenö Jo̧ma isabenö ökwönö omudawö ujunajabe, iteda ömöledö israel jojodö la'aka tjuluwo̧ bakibanö. Ja̧danö, baikwö baledakwa̧ yötawakwö, isabenö Dios ökwönö omudawö ujunaja̧ kwöwaisobö:

1 Samuel 10:22

Jo̧kwajabetjö̧ yemidanö Isabenö Jo̧nö abebö tja̧ja̧kwinobe, —Jo̧ba Saulja, ina bai deiji̧? —jö̧ba̧lö abebö tja̧ja̧kwökwe, Isabenö Jo̧ma yöawinobe, —Saulma jojodö tjitea tjutuda'wiju 'da̧de uju̧kwawajabe, —jö̧ba̧lö.

1 Samuel 15:16

Atadökwe, —Yöba̧lökönui, jo̧da yöte Isabenö Jo̧ ötjönö yöawaja̧ yötawakwö, —jö̧ba̧lö yöa̧linobe Samuelma. Yöa̧lökwe, —Jau, yöbawitjö, —jö̧ba̧lö atadinobe Saulma.

1 Samuel 9:21

Jejenö, —Ökwöda kwujuna̧lakwo̧ja, —jö̧ba̧lö yöawiökwe, —Ötjöma Benjaminsaso jojosa, ja̧danö Benjaminsasoma, okobe deinö israel jojodötjö baikwönönösasobedösa. Ja̧danö Benjamin jojodötjö, Chabe'do ömöledödöma ju'wedötjö baikwönönöbedösa. Jo̧kwajabetjö̧ tajawedö jejenö yöka̧laja̧da ökwödönö? —jö̧ba̧lö abebö a̧ja̧kwinobe Saulma.