1 Samuel 15:15 - Dios Iwene

¹⁵ Aebökwe, —Aaa, jobadö jwöbadöma jojodö kwabö juwö Diosnö tjiyakwawö̧. Jojodöma jobadönö amalecita jojodötjö 'döbebö tjichejebajabe. Obejadötjöbi, pa̧kayadötjöbi sule inesö otiwadönöda 'dötjebajabe, Kwösödökwe Isabenö Jo̧ Diosnö ösödö, kwabö juwö tjiyakobetjö̧. Ja̧danö ju'wedö Diosnö tjiyobö mikwawöködönö okobe deinö kwabawö lodajabe, —jö̧ba̧lö atadinobe Saulma.

1 Samuel 15:15 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 31:33

—Ju'wibi, jojodö ja̧biatji̧danö, sulabenö ja̧bajo̧, sulabenö jataja̧ tojö chujuninatjö̧ma Dios lȩebobö jȩna. Jau, jojodönö yebabinö omukwatö, –Jojodö sulabenö ja̧taja̧ tjöwaisitjö̧ma tjö̧dameakwena, chömöledö ötjönö tjöpöjödachibapji jö̧ba̧lö, 'wiinö ja̧nö, chejutjö labebökönö, yöbawökönö sulabenö jataja̧ chotojocha, –jö̧ba̧lö, sulabenö ja̧tijayonö, sulabenö ja̧bö̧kö̧sa i̧sebö chö̧jinatjö̧ma, Dios lȩebobö jȩna.

Proverbios 28:13

Ja̧danö, ju'wibi yötawa: Ökwödö jojodöma, sulabenö ja̧daja̧ma Diosnö yöbawö lodobö jo̧be. Bakwo̧, suli̧ ja̧aja̧ yöbawö loökötjö̧ma bö̧jȩnö ja̧nö otidawama sulabenö baledakwo̧. Jobekwö baledokobe suli̧ ja̧aja̧ yöbawö lobo̧nöma. Jo̧ba̧nö Diosma lȩ lö̧jinö edö pjaatakwo̧, sulabenö ja̧aja̧ yöbawö lobö, kabatibö öbalewachobetjö̧.

Mateo 2:8

Abebö a̧ja̧kwawö̧, sili'i ajayinö öwawachina yötjawinobe. Ja̧danö jemi ikenama, jobadönö weinobe: —Belenbe 'ya̧duwi, ja̧danö otiwanö tjemunö kwisakwaduwo. Ja̧danö, jo̧banö badekwajadö, yemidanö ichö ötjönö yökawaduwo, ötjöbi jo̧banö ösödö chi̧'yakobetjö̧— jö̧ba̧lö weinobe.

Lucas 10:29

Jo̧ba Moisés iwȩyudina ba̧ja̧do̧ma öwaisinobe, okobe deinö jojodönö ösödö̧kö̧sa jö̧ba̧lö. Jo̧kwaijayonö ju'wedönö öpöjödijayonö, omukwatinobe, jobadönö chöpöjödi̧ma sulökö, ötjö chömöledötjokobetjö̧ jö̧ba̧lö. Jejenö omukwatö, Jesúsnö abebö a̧ja̧kwinobe: —Chömöledöso̧nö chösödobö jo̧be jö̧ba̧lö laebi̧ma, ¿ditenö wanekwachobeda? ¿Didönö chösödobö wanekwachobeda? Okobe deinö jojodönö chösödobö laebokobe, ¿jö̧tö?— jö̧ba̧lö.

1 Samuel 15:16

Atadökwe, —Yöba̧lökönui, jo̧da yöte Isabenö Jo̧ ötjönö yöawaja̧ yötawakwö, —jö̧ba̧lö yöa̧linobe Samuelma. Yöa̧lökwe, —Jau, yöbawitjö, —jö̧ba̧lö atadinobe Saulma.

1 Samuel 15:21

Ja̧danö tja̧jwi̧mu kwabawö lodo jö̧da̧lawö̧ma, obejadöbi pa̧ka̧yadöbi sule inesö otiwadönöda do̧tjatajabe jojodöma, baikwö ichejebö, Gilgaltjö kwuluwo̧ Isabenö Jo̧ Diosnö kwabö juwö tjiyakobetjö̧, isabenö otiwanö Dios ösödo jö̧a̧li̧danö kwabawö lotajabe, —jö̧ba̧lö atadinobe Saulma.

1 Samuel 15:9

Ju'wedö jojodönö kwabawö lotjinajayonö, Saulbi, ömöayedö ölakwabikwawa jojodöbi la'aka luwo̧ Agag mikwo̧nö kwabö lotjinokobe, ja̧danö ju'wibi, tjajwimutjö otiwadönö kwabawö lotjoböma tjöpöjödinobe. Amalecita jojodö tjajwimu 'dalukadönö, ja̧danö ju'wedö tjöpöjödawö̧nö kwabawö lotjinobe, jo̧kwaijayonö tjajwimutjö inesö otiwadö, obejadönöbi, pa̧kayadönöbi, o̧tewadö ja̧danö ju'wedö tjösödawö̧nöbi kwabawö lobökönö, idöda tjajwimu batjibanö tjeminobe.