1 Samuel 14:45 - Dios Iwene

⁴⁵ Yöa̧liawö̧, jojodöma tjöpöjödinobe, ja̧danö öpöjödö Saulnö yötja̧linobe: —Ja̧maökö, Jonatan debö i̧'yoböma jwiobe. Jo̧bada babe filisteo jojodötjö dö̧jibobö pjabatajo̧ma. Isabenö babe möle Jonatanma Dioskwö bakobe otidö, ökwödö israel jojodönö dö̧jibinö pjaatajabe, jo̧kwajabetjö̧ ja'yubebi jo̧banö kwaköbökakobe, öwö'yetjö bakwa'yebi tjoduwökönö. Jau, Isabenö Jo̧ yaba̧lo̧ ö̧ji̧ wenedanö, ju'wibi isabenö yödawakwö, Jonatannö kwabö lököbökakobe, —jö̧ba̧lö yötja̧linobe israel jojodöma, Jonatannö tjöbeba̧lö. Jejenö Israel jojodöma Jonatannö ö̧jibinö pjatjatinobe, debö i̧'yapji jö̧ba̧lö.

1 Samuel 14:45 ပူးပေါင်းရင်းမြစ်များ

2 Samuel 14:11

Jö̧a̧loko, —Chuluwo̧ la'aka luwo̧, Kwuluwo̧ Isabenö Jo̧ öba a'otjö yöbawö kwujunobö atebakwö, öjawo̧nö kwabö löiökwe balekwa mikwa kwabö lobo̧ma, la'akatjöda chitji̧nö kwabö loobö jwiakobe jö̧ba̧lö, —ajebökwe, Davidma atadinobe, —Isabenö Jo̧ ö̧ji̧ wene ji̧danö isabenö yötawakwö, ja'yubebi sulabenö baledökakobe kwitji̧nö, wanedö yötawa, kwitji̧ öwö'yetjö bakwa'yebi tjoduwökakobe, —jö̧ba̧lö atadinobe Davidma.

1 Reyes 1:52

Jejenö yötja̧liökwe, Salomonma atadinobe: —Isabenö yötawaduwakwö, Adoniasma isabenö chömöayo̧ otiwo̧ ö̧jitjö̧ma, isabenö ja'yubebi sulabenö ja̧tökakwo̧sa jo̧banöma. Jo̧kwaijayonö, chömöayo̧ sulabo̧ ja̧nö, sulabenö jaitjö̧ma, isabenö ö'wö baibakwo̧, —jö̧ba̧lö atadinobe.

Isaías 13:3

—Baikwö yöawobe Diosma: –Ötjödasa 'da̧batö chujuninawö̧nö webinama, jobekwö metjibobö. Chömöayedötjö juluwadönö jwötajabe, ötjö chödameakwi̧ jobadönötjö lȩtebobö, ja̧danö weti̧danö tjujuluwenama, tjösödakwedö, -Otiwanö juluwadösa, -jö̧ba̧lö, –yöawobe Diosma.

Mateo 10:30

Ja̧danö, Diosma isabenö ökwödönö waiso̧ otiwanö ökwödönö ite'ada̧lakobetjö̧. Jau chömöledö, isabenö otiwanö waiso̧ Diosma ökwödönö, okobe jwiinö kwöwö'yebi waiso̧ Diosma, dokwa ba̧jekwa'yebiya jö̧ba̧lö.

Lucas 21:18

jo̧kwaijayonö isabenö ja'yubebi suli̧ tjöwaedökakobe ökwödönöma, sule kwiteba'oduwida suli̧ tjöwaedobetjö̧.

Hechos 14:27

Ida̧ökö kabatakwawajadöma ȩwa̧jijadötö. Jobe ȩwa̧jadöma jwöbijadötö okobe deinö Jesúsnö ösödadönöma tjuju̧kwobekwö ichö tjoko̧ko̧kwachobö. Ichö ko̧ko̧kwajadönöma yöbawijadötö okobe jwiinö Dios pjaatina, Jesúsnö yötjawonö pjaatina jobadönöma. Baikwö wanedö yöbawijadötö: —Chömöledö, Diosma apjude po̧ebinobe judío jojodöböködöbi Jesúsnö ösödadöma jweinö tjichibobö Diosnö— wanedö yöbawijadötö.

Hechos 15:12

Ikenama Pedro yöba̧lö kaatena okobe deinö a̧ja̧kwadöma wi babibö ju̧kwijadötö, atadakwawa jwiinö. Ikenama Bernabébi, Pablobi yöbawijadötö okobe jwiinö, Dios ujulunö, jojodö edajitjökö jawa tji̧sebinama judío jojodöböködökwö tjuju̧kwonö, judío jojodöböködöma edö tjöwaisachibobö, Bidöma Dios ujulunö otidadö, jö̧ba̧lö.

Hechos 21:19

Jeju tebachö Pabloma, Dokwa chömöledö, abebajo̧ jobadönö yöawijatö okobe jwiinö Dios judío jojodöböködönö pjaatinama, Pablo jobadökwö yöbawö ö̧jonö.

Hechos 27:34

Yötawaduwakwö, kwaduwi kwujuluwachibaduwo. Ökwödötjö bakwo̧bi debö i̧'yakwo̧ma deobe. Inia tjöinö baledakwo̧bi deobe— jö̧a̧lijatö Pabloma jobadönö.

Romanos 15:18

Jau chömöledö, tabada̧lökönö yötawa ötjö chotidinama, jo̧kwaijayonö ötjöda chotidinamaökö, Cristo ötjönötjö otidinada yötawa chömöledö. Judío jojodöböködönö yöbawöbi, i̧seböbi yötawijatö Dios iwene, jobadöbi Dios wei̧ ja̧tjo jö̧ba̧lö.

1 Corintios 3:9

Jau chömöledö, ötjöbi, Apolosbi bakobe Dios wei̧ otidö batjo otikwa jojodödanö ichejekwadösa. Ja̧danö, ökwödö Corintio jojodöma Dios öbatjodanö ichejekwadöja chömöledö. Ja̧danö ju'wi wanedö yötawa chömöledö: Ökwödöma Dios ejudanö ichejekwadöja.

2 Corintios 6:1

Jejenö laebobe otiwa jawa wenema chömöledö, ja̧danö Dioskwö bakobe otidö, budekwödanö abebadösa jojodönö, Dios mikwa jwiinö otiwanö iyö pjaati̧ma kwöpöjödaduwa jö̧ba̧lö. Jau chömöledö, Dios iwene damötjö tjiwȩyudinadanö jo̧be, baikwö laebobe Dios iwene: Ökwödönö pjatatakwa̧ möle baibenama, ökwödönö cha̧ja̧kwijatö, ja̧danö kwö̧jibaduwinö pjatatakwa̧ möle baibenama, ökwödönö pjatatijatö, jö̧ba̧lö laebobe Dios iwene. Jejenö laebobe Dios iwene chömöledö, ja̧danö Dioskwö bakobe otidö yödawobe: Dios ökwödönö pjaatakwa̧ möle jö̧ba̧lö badekwachi̧ma, babe möleda badekwachobe, ja̧danö kwö̧jibaduwinö pjaatakwa̧ möle badekwachi̧ma babe möleda badekwachobe, jo̧kwajabetjö̧ Dios iyi̧ öpöjödökönö, Cristonö kwösödaduwo jö̧ba̧lö yödawobe jojodönö.

Apocalipsis 17:14

Ja̧danö, jobadöma Obeja Itji̧danö Jo̧nö tjujuluwobö tji̧'yakwedö. Jo̧kwaijayonö waekwakwawö̧ yelösöda. Obeja Itji̧danö Jo̧ma jobadönö jwiinö ujuluwakwo̧. Jo̧bama inesö Duluwo̧obetjö̧, inesö La'aka Luwo̧obetjö̧ jobadönö jwiinö ujuluwakwo̧. Ja̧danö, Obeja Itji̧danö Jo̧kwö ja̧döma, jo̧ba jwöbö, omudawö ujuninawö̧ma, jo̧banö kabatibökönö tjo̧'wo̧ wana̧ladö— yöawijatö ángelma ötjönöma.

Apocalipsis 19:14

Ja̧danö, jo̧ba ökömanö ba̧jekwadö 'bötjabikwawakwedönö chedijatö, ka̧ba̧yu̧dö dewadö tjoma'anö 'ya̧dönöma. Jobadöma kamisi jwiinö otiwi̧ salöinö dewi̧ o̧do̧ 'dubawadö.

1 Samuel 11:13

Yötja̧liökwe, Saulma atadinobe, —Ja̧maökö, babe möle dömöledötjö bakwo̧nöbi kwabö lodökakobe, Isabenö Jo̧ma isabenö babe möle otiwanö ökwödönö pjaatajabetjö̧, —jö̧ba̧lö.

1 Samuel 14:23

Jobekwö laebobe Isabenö Jo̧ israel jojodönö tjö̧jibinö pjaatina wene, ja̧danö ja̧ möle israel jojodöma filisteo jojodönö lutjinobe, Betaven comunidad tupakwö.

1 Samuel 14:46

Ja̧danö, Saulma filisteo jojodönö lubö kaatinobe, ja̧danö filisteo jojodöma tjitebobe tjȩwa̧jinobe.

1 Samuel 19:5

Ja̧danö filisteo jojo Goliatnö kwabö loina omukwati chabe'do, isabenö debö i̧'yo jö̧a̧linobe, Goliatma jwiinö juluwo̧ ö̧jinobetjö̧. Jo̧kwaijayonö iteda otiwanö ö̧jakwa̧ omukwatökönö, Goliatnö kwabö loobö i̧'yinobe, ja̧danö Davidnötjö̧ Isabenö Jo̧ma okobe deinö israel jojodönö dö̧jibanö otiwanö pjaatinobe. Ja̧ möle ökwöbi edö, kwo̧'wo ösödachibanö kwedijatö chabe'do, ¿jö̧tö? Jo̧kwajabetjö̧ tajawedö babe Davidnö kwabö loawa kwösöda chabe'do? Isabenö jo̧banö suli̧ kwöwaedoböma jwiobe chabe'do, isabenö ja'yubebi ökwönö sulabenö ja̧okobetjö̧, —jö̧ba̧lö.