1 Samuel 14:17 - Dios Iwene

¹⁷ Jejenö dötjibajiökwe, Saulma öwaisachibinobe, —Ökwödötjö ju'wedöma filisteo jojodönö metjibajena, —jö̧ba̧lö, jo̧kwajabetjö̧ ömöayedönö weinobe, —Bemi jojodönö ba̧ja̧daduwi, ökwödötjö ti deojobö döwaisakobetjö̧, —jö̧ba̧lö. Weawö̧, tjö̧ba̧ja̧dinobe, ja̧danö ba̧ja̧dö, tjöwaisachibinobe, —Jonatanbi, ömöayo̧ ölakwabikwawa jawa kwebato̧bi detjobe, —jö̧ba̧lö.

1 Samuel 14:17 ပူးပေါင်းရင်းမြစ်များ

Jueces 9:54

Jejenö balediökwe, Juluwanö ö'wö batibakwo̧sa jö̧ba̧lö, ömöayo̧ itea ölakwabikwawa jawa kwebato̧nö weinobe, —Juluwanö kwölöte'o do̧batö, kwabö lobitjö, biwa jikwawatjö debö chi̧'yapji. Jau, jejenö kwabö loköbobö wetakwö, jojodö ötjönö, –Jojosujuda kwabö lojinökwe, –jö̧ba̧lö otjapji jö̧ba̧lö. —Ja̧danö, weökwe, Abimelec ömöayo̧ma weaja̧danö Abimelecnö kwabö loinobe kwölöte'onö.

1 Samuel 14:16

Jejenö baledonö, Saul ömöayedötjö tjöbeba̧lö eda̧ladöma Benjamin niji̧ comunidad Guibeanö ja̧nö tjedinobe, ja̧danö filisteo jojodö wainökwena dötjibajobe tjedinobe.

1 Samuel 14:18

Ja̧ möle, Diostjö jojodötjö tjö'da̧de pjabato̧ma, israel jojodökwö kwebachö, Dios öba a'o 'duawa̧do̧ 'dubawö ö̧jinobe, jo̧kwajabetjö Saulma tjö'da̧de pjabato̧ Ahias mikwo̧nö weinobe, —Dios öba a'otjö 'dukawa̧do̧ 'dubawö, baikwö ichi, Diosnö abebö cha̧ja̧kwobö jö̧ta̧la, —jö̧ba̧lö.