1 Samuel 14:15 - Dios Iwene

¹⁵ Ja̧danö kwabawö lotjiawö̧, jemi filisteo tjabemi ju̧kwadöma tjö̧bawö yetjaibinobe, ja̧danö mejenö ju̧kwadöbi tjö̧tja̧winobe, ja̧danö okobe deinö filisteo jojodö yebaibö, tjö̧tja̧winobe. Filisteo tjabemi ju̧kwadöbi, tjabelö labebö Israel jojodönö tjujuluwobö 'ya̧jadöbi tjö̧bawö yetjaibinobe. Ja̧danö Diosma niji̧bi tjö̧awobö weinobe, okobe deinö filisteo jojodö jwiinö yetjaibanö, —Dakwö ja̧dakwajö, —jö̧ba̧lö.

1 Samuel 14:15 ပူးပေါင်းရင်းမြစ်များ

Génesis 35:5

Ja̧danö, jobe Shequemtjö labebö Betelbe ȩwa̧jijadötö. Tjȩwa̧jobe okobe deinö tjöbaledemi comunidadesnö ju̧kwadöma jwiinö yebabijadötö jobadönö. Jwiinö yetjabobetjö ölakwabikwawö lubijöködötö Jacob i̧tji̧munö balekwa mikwa kwabö lotjobö.

2 Samuel 5:24

Jobe ichibajo̧, kwiteada̧lo̧, balsamo towi wa̧pekwowitjö ökwöakwa̧ kwa̧ja̧kwenanö kabatö. Towi wa̧pekwowitjö, ba̧jȩkwadö ölakwabikwawadö kwetjachobedanö ökwöakobe, ja̧danö ja̧ ökwöi̧ kwa̧ja̧kwenama, jenada filisteo jojodönö mekibobö ja̧kobe, kwöwaisakobetjö̧, –Isabenö Jo̧ma ida̧ökö chabönö filisteo jojodönö kwabawö i̧'yajabe jö̧ba̧lö, —yöawinobe Isabenö Jo̧ma, Davidnö.

Diosnö ösödo̧ Job mikwo̧ usula emawina jawa 18:11

—Okobe jwiinö sulabo̧ kweachi̧tenia, yeabikwawa jawa meibobe ichejekwa sulabo̧nö, okobe jwiinö kweachi̧tenia, jo̧banö luanobedanö jo̧be.

Éxodo 19:18

Sinaí mö'ösa'oma okobe jwiinö imiyu'woda li̧jetö, Isabenö Jo̧ mö'ösa'onö ökwöla nöola ubi̧danö jwiachajabetjö̧. Ubi̧ma labinö kaamijetö ökwöla ubi̧ kaamidanö, letiyatjö otikwa juawakatjö ökwöla ubi̧ kaamidanö. Ja̧danö, okobe jwiinö mö'ösa'oma labinö tjö̧ebijetö.

Daniel 5:6

Jejenö edö, yeaibinobe yelösöda, ja̧danö yeaibobetjö öbama deöja baibinobe, ja̧danö u̧yu̧kijuma tjö̧awinobe, ime'dawachibanö.

Mateo 24:6

Ja̧danö, guerra kwakwatjakwawi̧ wene kwa̧ja̧kwaduwakobe, yöne kwakwatjakwawi̧ wenebi, jelobe ödötjö kwakwatjakwawi̧ wenebi, jo̧kwaijayonö ja̧ baledi̧ a̧ja̧kwö, kwo̧'wo̧ tjo̧achaduwa chömöledö. Jau chömöledö, ja̧ jawa isabenö baledobö jo̧be, jo̧kwaijayonö ina 'dö̧ibaji̧ möle baibokobe.

Josué 2:9

Ja̧danö, jobadönö yöja̧linobe, —Chöwaisa, Isabenö Jo̧ma ditebo nijima juluwanö ökwödö israel jojodönö iyakobe, jö̧ba̧lö. Isabenö okobe deinö chitebo jojodöma yebabinö tjö̧bawö tjö̧jobe kwöbaduwi a'otjö, jwiinö yedabobetjö̧.

Jueces 7:21

Okobe deinö Gedeon ömöayedöma, mebibökönö jenada tjö̧jamatinobe, jo̧kwaijayonö okobe deinö madianitas jojodöma jwöbeba̧liabö dötjibajotö jö̧ba̧lö ö'ötjakwawinobe.

1 Samuel 13:17

Ja̧danö, jobe Micmastjö, filisteo jojodö ölakwabikwawa jojodöma labebö, israel jojodönö tjujuluwotö jö̧ba̧lö latjebinobe. Wapösokwa latjebinobe, bakwaso jakwölakwö Sual niji comunidad Ofrabe 'ya̧kwawamabenö tji̧'yinobe,

1 Samuel 13:18

jeleso jawo̧ meajobekwö Betsoronbe 'ya̧kwawamabenö tji̧'yinobe, ja̧danö jeleso ja̧wo̧ ichobekwö israel niji bakwachobe, Zeboim wabeko ötjabobe, jojodö deobekwö 'ya̧kwawamabenö tji̧'yinobe.

1 Samuel 13:23

Ja̧danö, jobe Micmas pjeanö, mösa'iju 'da̧alakaemi ja'yuwemi ji̧nobe, ja̧danö filisteo jojodö ölakwabikwawa jojodöma jobe 'ya̧nö 'da̧alakaemi tjöbeba̧lö tjö̧jinobe, israel jojojodötjö ölakwabikwawa jojodö jobe tjöbaledapji jö̧ba̧lö.

1 Samuel 14:14

Ja̧ ajayinö kwabawö lotjinama, juluwanö ja'yuwelö veintebedö ömadönö kwabawö lotjinobe.

1 Samuel 14:16

Jejenö baledonö, Saul ömöayedötjö tjöbeba̧lö eda̧ladöma Benjamin niji̧ comunidad Guibeanö ja̧nö tjedinobe, ja̧danö filisteo jojodö wainökwena dötjibajobe tjedinobe.

1 Samuel 7:10

Samuel kwabö juwö Diosnö iyonö, filisteo jojodöma yö̧ne tjichibinobe, israel jojodönö metjibotö jö̧ba̧lö, jo̧kwaijayonö yö̧ne tjichibiökwe, Isabenö Jo̧ma böba labinö ökwöi̧danö, mölejȩbetjö labinö ökwödinobe, dakwö ja̧dakwajö jö̧ba̧lö filisteo jojodö yetjaibanö. Ja̧danö, yebabinö dakwö ja̧dakwajö jö̧ba̧lö ja̧badönö, tjujuluwinobe israel jojodöma.