1 Reyes 9:25 - Dios Iwene

²⁵ Isabenö Jo̧ eju otidö kaataja̧ ikenama, jobetjö kwabö juwö Diosnö iyiainobe Salomonma. O̧bakwena, wapötakwanö Isabenö Jo̧ ejube ichibö, otidinöte Isabenö Jo̧nö iyawötebe ichibö, jwiinö ubinö iyawabi, Dioskwö ösökwö ja̧kwawa iyawabi kwabö juwö iyiainobe Salomonma, ja̧danö ja̧ iyenama, omewi̧ jawa juwöbi iyinobe.

1 Reyes 9:25 ပူးပေါင်းရင်းမြစ်များ

1 Reyes 6:14

Ja̧danö, o̧dosaka kabatibajo̧, okwa jawabi otidinobe Salomonma.

1 Reyes 6:38

Ja̧danö, la'aka luwo̧ baibaja̧ ikena, a̧li̧nösa̧mutjö bakwaba o̧batjö, Bul ötjabökwe jawo̧nö, otidö katjatinobe. Bakwainö tjotidakwa̧ omudawö junö, tjotidakwa̧ tjiwȩyudinadanö, bakwainö otidö katjatinobe. Ja̧danö, ja̧ otikwama, jelemutjö dötölataja o̧biya baledibanö tjotidinobe, bajaliyanö katjatakwawenanö baibanö.

1 Reyes 6:9

Ja̧danö, Salomon o̧do isaka otidö kaatenama, mö otidinobe. Ja̧ mö otidinama, cedro okwi'ijutjöbi, ösötetjöbi otidinobe.

1 Crónicas 23:13

Ja̧danö Amram itji̧mu tupadanö jojodötjö ju'wedöma Aaron mikwo̧bi, Moises mikwo̧bi. Ja̧danö Aaronnöbi, Aaron itji̧mu tupadanö jojodönöbi Dios 'da̧batö ujuninawö̧, inesö 'da̧batö junawa jawa Diosnö ösödakwawa jawa tjotidobö. Jobadönö 'da̧batö ujuninobe, Isabenö Jo̧ öba a'otjö iyawa iyö tjotidobö, ja̧danö Isabenö Jo̧ wei̧ jawa tjotidobö, ja̧danö Isabenö Jo̧ jojodönö pjaatakwa̧ yöawi̧ma, jobadöda ba̧kwelöjatebö ju'wedö israel jojodönö yötjawakobetjö̧.

Éxodo 30:7

Ja̧danö, inesö la'akasȩko̧ tjöekwemi badeibösapjo wame Aarónma söinö 'dö̧ekwa'be ujuwakobe. Bakwöta yȩayikwena dȩju̧wa'yu o'di̧ju̧ ja̧ka otidö teachena, ju'wibi, söinö nöekwa'be ujuwo.

Éxodo 34:23

Ja̧danö, ju'wi jawabi wetakwö. O̧ba Bakwabakwena wa̧ptakwanö ko̧ko̧kwaduwobö jo̧be, Israel jojodötjö okobe deinö ömadöma ötjönö, Isabenö Jo̧ Diosnö, ökwödö kwösödaduwökwe Diosnöma.

Deuteronomio 16:16

—O̧ba bakwabakwena, ökwödö israel jojodötjö ömadöma wapötakwanö kwuluwo̧ Isabenö Jo̧ Dios omudawö ujunakwemibe kwichibaduwobö ja̧kobe, Dios öba a'o ba'ali kwujunaduwobö, 'Ye'yeachi̧ jawa jwii̧ pan kwakwawa ba'alibi, Batjo waji̧ ko̧ko̧dakwawa jawa ba'alibi, Löwötenö ja̧kwawa ba'alibi. Ja̧danö, Isabenö Jo̧ öba a'o kwichibaduwenama, jwiböma kwichibaduwoko chömöledö,