1 Reyes 9:20 - Dios Iwene

²⁰ Salomon iteda ömöayedö batjibanö 'diinö tjotidobö weinawö̧nö labebö loawama, baikwö laebobe: Damötjö̧ Dios israel jojodönö, okobe deinö canaan nijinö ju̧kwinadönö söbebö lotjobö weinajayonö, waekwinobe, söbebö lotjinokobe jwiinöma. Ba̧jȩkwadönö söbebö lotjinajayonö, amorreos jojodötjöbi, hititas jojodötjöbi, ferezeos jojodötjöbi, heveos jojodötjöbi, jebuseos jojodötjöbi, ju'wedöma ina israel nijinö tjö̧jinobe.

1 Reyes 9:20 ပူးပေါင်းရင်းမြစ်များ

1 Reyes 5:15

Ja̧danö, inawa jawa otidadöbi Salomon ömöayedö tjö̧jinobe. Inawiya öwiyawi̧ löbö otidadö ochenta milbedönö weinobe, mösa'ijutjö inawiya löbö tjotidobö, jadanö ju'wibi ja̧ inawiya e'ewadö setenta milbedönö weinobe, ju'wedö lötjaja̧ öwiya tje'ewobö.

1 Reyes 9:19

Ju'wibi kwakwawa ko̧ko̧dö lödawemi comunidadbiyabi otidinobe, ja̧danö kolukiyabi, kabayudönö teada̧lakwawemi comunidadbiyabi otidinobe. Jerusalentjöbi, Libanotjöbi, weemi ba̧kwemeachibanöbi, okobe jwiinö otidobö ösödi̧danö, otidinobe Salomonma.

1 Reyes 9:21

Ja̧danö, jobadö tji̧tji̧mu tupadanö jojodönöda iteda wei̧ 'dii̧nö otidadö batjibanö omudawö ujuninobe Salomonma, jadanö babe mölebi baibanö, ina jejenö israel jojodö tjömöayedö ju̧kwadö.

1 Crónicas 1:15

heveo jojodöbi, araceo jojodöbi, sineo jojodöbi,

1 Crónicas 22:2

Jobekwö yöbawajo̧, Davidma weinobe, okobe deinö israel nijinö ju̧kwadö, israel jojodöböködönö tjo̧ko̧kodobö. Ja̧danö, tjo̧ko̧kodajawö̧nö weinobe, Dios eju tjotidakwa̧ inawiya öwiawi̧ löwö tjotidobö, tjotidakwa̧ möle badekwachenama ida̧ökö tjotidakwa̧ jawa tjujuna̧lakobetjö̧.

Éxodo 23:23

Ja̧danö, wetökwe ángelso̧ma, kwabönöduwi 'yo̧ma ju'wedö tjiteboduwi tebachö öibakwo̧, Amorreo jojodö tjitebonö, heteo jojodö tjitebonö, ferezeo jojodö tjitebonö, cananeo jojodö tjitebonö, heveo jojodö tjitebonö, jebuseo jojodö tjitebonö. Ötjöma okobe deinö jobadönöma jwiinö söbebö lotakwo̧sa.

Josué 11:3

jawo̧ laebobekwöbi meajobekwöbi cananeos la'aka luwedönöbi, amorreos la'aka luwedönöbi, hititas la'aka luwedönöbi, ferezeos la'aka luwedönöbi, mösa'ijunö ju̧kwadö jebuseos la'aka luwedönöbi, heveos jojodö, Hermon mösa'o pjea niji̧ Mizpanö ju̧kwadö la'aka luwedönöbi, yöbawadönö weinobe Jabinma, —Okobe deinö ko̧ko̧kwö, bakobe israel jojodönö dölakwabikwawo, ju'wedönö tjujuluwinadanö ökwödönöbi tjujuluwapji jö̧ba̧lö, —yötjawobö.

Jueces 3:3

Damötjö̧ Isabenö Jo̧ma Moisesnötjö̧ israel jojodönö weinobe, canaan niji ju̧kwadökwö pjabacha̧lökönö, jwaikwöda jobadönö söbebö lotjobö, ja̧danö otiwanö weina tja̧ja̧kwojobö tja̧ja̧kwokojobö jö̧ba̧lö öwawakobetjö̧, cananeo jojodö ina tjitebonö tjö̧jobö weinobe, jobadökwö tjölakwabikwawakobetjö̧. Jobadö ina tjitebonö ji̧nadöma bidö: Filisteo jojodötjö bakwamu la'aka luwedöbi, tjitebokwena ju̧kwadöbi, ja̧danö cananeos jojodöbi, Libano niji mösa'iju, Baal Hermon mösa'otjö Lebo Jamatbe ichibanö ju̧kwadö sidonio jojodöbi, heveo jojodöbi.

Jueces 3:5

Jo̧kwaijayonö, wei̧ tja̧ja̧kwojobö jö̧ba̧lö jejenö weinajayonö, tja̧ja̧kwinokobe israel jojodöma. Jobadökwö ölakwabikwawö a'dewö lobökönö, tjö̧'da̧de tjö̧jinobe israel jojodöma. Jobadökwö tjölakwabikwawo jö̧tja̧lijayonö, israel jojodöma jobadö cananeo jojodöbi, hitita jojodöbi, amorreo jojodöbi, ferezeo jojodöbi, heveo jojodöbi, jebuseo jojodöbi tjö̧'da̧de tjö̧jinobe, jobadönö a'dewö lobökönö.