1 Reyes 9:15 - Dios Iwene

¹⁵ Salomonma ba̧jȩkwadö jojodönö omudawö weinobe, iteda ömöayedö babibö, wei̧ jawa otidö tjö̧jobö. Ja̧danö, jobadö Salomon ömöayedö tjotidina jawama, baikwö laebobe: Salomon weawö̧, Isabenö Jo̧ ejubi, Salomon ejubi, Jerusalentjö Milo jö̧ba̧lö ötjabemibi, Jerusalen comunidad tjöekwemibi. Ja̧danö ju'wibi, pjolö lotjina comunidadbiya Jazor comunidadbi, Meguido comunidadbi, Guezer comunidadbi, yemidanö tjotidobö weinobe.

1 Reyes 9:15 ပူးပေါင်းရင်းမြစ်များ

2 Samuel 5:9

Ja̧danö 'diinö tjöekwobe Jerusalen comunidad juluwajo̧, Davidma jobe pjolachö ö̧jinobe itebo baibanö. Ja̧danö ja̧ comunidad imidinobe, David itebo comunidad jö̧ba̧lö. Ja̧danö Davidma nöinö comunidad tjotidobö weinobe, jalobe baibanö. Milo ötjabobetjö jamatö, comunidad okwa baibanö nöinö tjotidinobe.

1 Reyes 11:27

Baikwö baledinobe jo̧ba Jeroboan Salomon öpöjojo baibina wenema: Jeroboanma israel jojodötjö ölakwabikwawa juluwo̧ ö̧jinobe, ja̧danö waisanö 'diinö otido̧ ö̧jinobe. Salomonma otiwanö otido̧ ö̧ji̧ edinobe, jo̧kwajabetjö̧ Jerusalen tjöekwemibi, Milo ötjabemibi otidenama, Jeroboannö ujuninobe, okobe deinö Jeroboan ömöledösaso Efrain jojodötjö tjotidobö wetjawö̧ tjuluwo̧ ö̧jobö.

1 Reyes 12:4

—Roboan, kwabe'do Salomonma yelösöda ömökanö dotidobö webiyabina, döpöjödachibanö. Jo̧kwaijayonö, jo̧ba ömökinö weinadanö webökönö, weinatjö baikwönönö ejeanö dotidobö weköbitjö̧ma, ökwönö ösödö, kwömöayedö dö̧jakwedösa, —jö̧ba̧lö yötja̧linobe.

1 Reyes 3:1

Jemi ikenama, Solomonma Egipto niji la'aka luwo̧ Faraonkwö bakobe pjabatakwawö tjö̧jakwa̧ wene yöbawö tjujuninobe. Ja̧danö, ja̧ pjabatakwawö tjö̧jakwa̧ wene yöbawö junö, Faraon itjijunö eminobe, ilekwo bajibanö, —Yö̧ne dömöledö dö̧jobetjö̧, bakobe pjabatakwawö dö̧jakwedösa, —jö̧ba̧lö. Jobujunö emajo̧, ilekwonö öibinobe, itebo comunidad Jerusalenbe, ju'wi imi David itebo comunidadbe. Ja̧danö, jobe tjö̧jinobe, Salomon iteda ö̧jakweju otiwejubi, Isabenö Jo̧ Dios ejubi, Jerusalen comunidad tjöekwemibi otidö kaatenanö baibanö.

1 Reyes 4:12

Ajilud itji̧ Bana mikwo̧ma, Tanac comunidadbi, Meguido comunidadbi, okobe jwiinö Saretan ö'öbö Betsean ötjabobe niji̧bi, Jezrel wabekotjö a̧li̧kwö Betsean comunidadtjö, Abel Mejola comunidadbe baibanö nijibi, Jocmean comunidad tupakwö baibanö nijibi la'aka luwo̧ ö̧jinobe.

1 Reyes 5:13

Ja̧danö, o̧do jawa otidakobetjö̧, Salomon weinobe, israel niji ba̧kwemeachibanö jojodötjö, treinta milbedö otidadönö omudawö wetjobö, joba ömöayedö batjibanö tjotidobö.

1 Reyes 6:38

Ja̧danö, la'aka luwo̧ baibaja̧ ikena, a̧li̧nösa̧mutjö bakwaba o̧batjö, Bul ötjabökwe jawo̧nö, otidö katjatinobe. Bakwainö tjotidakwa̧ omudawö junö, tjotidakwa̧ tjiwȩyudinadanö, bakwainö otidö katjatinobe. Ja̧danö, ja̧ otikwama, jelemutjö dötölataja o̧biya baledibanö tjotidinobe, bajaliyanö katjatakwawenanö baibanö.

1 Reyes 9:10

Veinte o̧biya baledibanö, Isabenö Jo̧ ejubi, iteda eju comunidadbi otidö ö̧jinobe Salomonma.

1 Reyes 9:21

Ja̧danö, jobadö tji̧tji̧mu tupadanö jojodönöda iteda wei̧ 'dii̧nö otidadö batjibanö omudawö ujuninobe Salomonma, jadanö babe mölebi baibanö, ina jejenö israel jojodö tjömöayedö ju̧kwadö.

1 Reyes 9:24

Ja̧danö, ju'wi Salomon otidinama, baikwö laebobe. Ilekwo bajibanö eminoko Faraon itjiju jö̧jakweju otidinobe Salomonma, ja̧danö otidö kaatenama, ajayinö jö̧jinelö, David itebo comunidad ötjabelö labebö, yayeju jejube jopjolachinobe. Jemi ikenama, Milo ötjabemibi otidinobe Salomonma.

2 Reyes 12:20

Ja̧danö, Joas ömöayedötjö ju'wedö omukwatö tjujuninobe, jo̧banö kwabö lotjoböma, ja̧danö ju'wi möle Sila comunidadbe 'ya̧kwawama mana ö'öböseju Milo mikwejunö ö̧jenama, Joasnö kwabö lotjinobe.

2 Reyes 15:29

Ja̧danö, Peka israel la'aka luwo̧ öjonö, Asiria la'aka luwo̧ Tiglat-pileser mikwo̧ma israel nijibe ölakwabikwawö ichinobe, ja̧danö ichibajo̧ Ijon comunidadbi, Abel-bet-maaca comunidadbi, Janoa comunidadbi, Cedes comunidadbi, Hazor comunidadbi, Galaad nijibi, Galilea nijibi, okobe jwiinö Neftalisaso nijibi mebibö ujuluwinobe. Ja̧danö, juluwajo̧, jobe ju̧kwinadönö do̧batö, tjitebotjö labebö öibinobe jobadönö, iteda itebo Asiriabe.

2 Reyes 9:27

Juda niji la'aka luwo̧ Ocoziasma ja̧ baledobe edinobe, ja̧danö edajo̧, iteda iteakanö döibajinobe, Bet-hagan comunidad jo̧bekwö. Ja̧danö jo̧banöbi luinobe Jehuma, ja̧danö ömöayedönö weinobe, —Ocoziasnöbi 'böbaduwinö, —jö̧ba̧lö. Ja̧danö, iteaka kolukanö a̧jonö Ocoziasnö 'bötjinobe, Ibleam comunidad pjeanö, nöchawemi Gur ötjabemi nöchawemi ja'ötjö. 'Bötjökwe, tupakwö döibajinobe, Meguido comunidadbe, ja̧danö jobe Meguido comunidadtjö ö'wö baibinobe Ocoziasma.

1 Crónicas 20:4

Ja̧danö, jemi tupakwö yemidanö filisteo jojodökwö tjölakwabikwawinobe, Gezer comunidadtjö. Ja̧danö jobetjö David ömöayo̧ jusatita jojo Sibecay mikwo̧ma, inesö ödöbaedö tjitjimu tupadanö jojo Saf mikwo̧nö kwabö loinobe. Ja̧danö, jobekwö Filisteo jojodö Gezer comunidadnö ju̧kwadönö tjujuluwinobe.

1 Crónicas 6:67

Mösa'iju jȩmi niji ji̧ tjöeba̧lakwawa comunidad Siquembi, Gezer comunidadbi,

Josué 10:33

Ju'wibi Guezer comunidad la'aka luwo̧ Horan mikwo̧ma, Laquis comunidad jojodökwö tjölakwabikwawi̧ wene a̧ja̧kwö, jobadönö pjabatö ichinobe, ömöayedö ölakwabikwawa jojodökwö. Jo̧kwaijayonö, jo̧banöbi ujuluwinobe Josuema, ja̧danö la'aka luwo̧ Horan mikwo̧nöbi, okobe deinö ömöayedö ölakwabikwawa jojodönöbi kwabawö loinobe, bakwo̧bi ö̧jibökönö.

Josué 11:1

Jazor comunidad la'aka luwo̧ Jabin mikwo̧ma israel jojodö canaan niji̧ a̧li̧kwö ju̧kwadönö tjujuluwina wene a̧ja̧kwinobe, ja̧danö a̧ja̧kwajo̧, bakobe ju'wedö canaan niji la'aka luwedökwö israel jojodönö ölakwabikwawö tjujuluwobö omukwatinobe. Jejenö omukwatö, yöbawadönö weinobe, Madon comunidad la'aka luwo̧ Jobab mikwo̧nöbi, Simron comunidad la'aka luwo̧nöbi, Acsaf comunidad la'aka luwo̧nöbi,

Josué 16:10

Jobekwö laebobe Efrain niji baibanö 'da̧batö tjujuninama, jo̧kwaijayonö, Efrain jojodöma Guezer comunidadnö ju̧kwadö cananeo jojodönö a'dewö lotjinokobe, jo̧kwajabetjö̧ jobadö cananeo jojodöma ina babe mölebi baibanö, ina Efrain jojodö tjö̧'da̧de tjuju̧kwobe. Ja̧danö, a'dewö lobökönö, Efrain jojodöma cananeo jojodönö wetjinobe, tjömöayedö 'diinö otidadö batjibanö.

Josué 16:3

Ja̧danö jobetjö, jawo̧ meajobekwö bajalenö jafletitas jojodö tjitebobe ichibanö, mösa'o la'aka Bet Joron comunidadbe ichibanö, ja̧danö jobetjö Guezer comunidadbe ichibanö, ja̧danö jobetjö jwaibalawa Mediterreano ichibanö dötewobe bakwachobema.

Josué 17:11

Ja̧danö, Aser niji okwabi, Isacar niji okwabi, Manases jojodöma tjitebo comunidad tjujuna̧linobe, Betsean comunidadbi, Ibleam comunidadbi, Dor comunidad ju'wi imi Nafot comunidadbi, Endor comunidadbi, Tanac comunidadbi, Meguido comunidadbi. Ja̧ comunidadbiyabi, ö'öbö pjei̧ comunidadbi̧yabi, jeleso niji okwa ji̧najayonö, Manases jojodö tjitebo comunidad ji̧nobe.

Josué 19:36

Adama comunidadbi, Rama comunidadbi, Jazor comunidadbi,

Josué 21:21

tjöeba̧lakwawa comunidad mösa'iju jȩmi comunidad Siquenbi, Guezer comunidadbi,

Jueces 1:29

Efrainsaso jojodöma Guezer comunidadnö ju̧kwadö cananeos jojodönö a'dewö lotjinokobe, jo̧kwajabetjö̧ cananeos jojodöma jobe Efrainsaso jojodö tjö̧'dade tjö̧jinobe.

Jueces 4:2

Jejenö sulabenö ja̧tji̧ökwe, Isabenö Jo̧ma jobadönö iyö loinobe, tjöpöjojodö cananeo jojodötjö la'aka luwo̧ Jabin mikwo̧ jobadönö suli̧ waedö ujuluwobö. Jo̧ba Jabinma, Jazor comunidadnö ja̧nö, ömöayedönö weinobe. Ja̧danö, Jabin ömöayedö ölakwabikwawa jojodö tjuluwo̧ma Sisara mikwo̧ ö̧jinobe, ja̧danö Sisarama Jaroset Goyim comunidadnö ö̧jinobe.

Jueces 5:19

Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.

Jueces 9:20

—Jo̧kwajabetjö̧, jejenö sulabenö ja̧köbinaduwobetjö̧, baikwö wanedö yötawa: Abimelectjö ökwöla laebobö jo̧be, Siquen luwedönöbi, Bet Milo luwedönöbi ubinö, ja̧danö ökwöla Siquen luwedötjöbi, Bet Milo luwedötjöbi laebobö jo̧be, Abimelecnö ubinö, —jö̧ba̧lö labinö yöa̧linobe Jotanma, Siquen jojodönö.

Jueces 9:6

Ikenama, okobe deinö Siquen comunidad la'aka luwedöbi, Bet Milo comunidad luwedöbi, ko̧ko̧kwö, inesö nöowi Encina towibe tji̧'yinobe, Siquen comunidad ö'öbö towibema, ja̧danö jobetjö̧ Abimelecnö 'da̧batö tjujuninobe, inesö la'aka tjuluwo̧ baibanö ö̧jobö.