1 Reyes 9:11 - Dios Iwene

¹¹ Ja̧danö, ja̧ jawa otidö ö̧jonö, Tiro comunidad la'aka luwo̧ Hiram mikwo̧ma Salomonnö pjabatö nöinö cedro towibiyabi, cipres towibiyabi, orobi iyinobe, okobe jwiinö Salomon ja̧ jawa ösödi̧ ba̧jȩkwachinö otiwanö iyinobe Hiramma. Jejenö pjaatiökwe, otidö kaatenama Salomonma balekwa mikwa Hiramnö iyinobe, Galilea nijitjö̧, veinte comunidadbiya Hiramnö iyinobe, itebo comunidad baibanö.

1 Reyes 9:11 ပူးပေါင်းရင်းမြစ်များ

1 Reyes 9:10

Veinte o̧biya baledibanö, Isabenö Jo̧ ejubi, iteda eju comunidadbi otidö ö̧jinobe Salomonma.

1 Reyes 9:12

Jo̧kwaijayonö, Salomon iyaja̧ comunidadbiya otiwojobö jö̧ba̧lö Hiram edö i̧'yenama, öpöjödinobe, mikwawökö ji̧ comunidadda iyajabe, jö̧ba̧lö.

1 Reyes 9:14

Hiram Salomonnö iyina oroma, isabenö nöinö oro iyinobe, cuatro mil kilo jenanö iyinobe.

Josué 20:7

Jejenö yöawawö̧, bi̧ya comunidadbiya 'da̧batö tjujuninobe, tjöeba̧lakwawa comunidad baibanö: Galilea niji comunidad Cedes 'da̧batö tjujuninobe, tjöeba̧lakwawa comunidad baibanö. Cedesma, Neftalisaso jojodö tjitebo comunidad, mösa'iju jȩmi comunidad. Ju'wibi Siquen comunidad 'da̧batö tjujuninobe. Siquenma Efrainsaso niji mösa'iju jȩmi comunidad. Ju'wibi Quiriat Arba ju'wi imi Hebron comunidad 'da̧batö tjujuninobe. Hebronma Judasaso niji mösa'iju jȩmi comunidad. Jejenö Jordan ojwetjö jawo̧ meajobekwö wapötakwa comunidad 'da̧batö tjujuninobe, tjöeba̧lakwawa comunidad baibanö.