1 Reyes 8:7 - Dios Iwene

⁷ Ja̧danö, jejenö tjujunobema, jobadö querubines ötjabawö̧ tjö̧wa̧jaöpiyama, Dios iteapjobi, iteapjo e'ewakwawö̧'a ö̧sö̧'abi tjumuchebinobe ichejekwa.

1 Reyes 8:7 ပူးပေါင်းရင်းမြစ်များ

1 Reyes 6:27

Querubines o̧'wo jawa otidajo̧, Dios ejutjö inesö okwasȩko̧ okwa ujuninobe, baikwö: Jȩko̧ma, jakwölakwö nueve metro jali̧nobe, ja̧danö o̧'wo jawama, bakwo̧nökwena cuatro metro ja'ö jakwölakwö jalinobe. Jo̧kwajabetjö bakwo̧ öwaja̧pa̧ debatö tjöekwemi junekwinö ji̧nobe, ja̧danö badeibö jelo̧ öwa̧ja̧pa̧ debatö bakwachobe tjöekwemi junekwinö ö̧jinobe, ja̧danö i̧sȩko̧ ja'ö, bakwo̧ öwa̧ja̧pa jelo̧ öwa̧ja̧pa debatö töa̧linö tjö̧jinobe.

1 Reyes 8:6

Ja̧danö, Dios iteapjo, wei̧ wȩyukwa öbiya döbölataja a̧ja̧pjo e'ewajadö, jo̧ jö̧a̧lemi tjujuninobe, Dios ejutjö okwasȩko̧nö, inesö 'da̧batö junawȩko̧nö, querubines ötjabawö̧ angeledö tjöwa̧ja̧pa teebe.

1 Reyes 8:8

Ja̧danö, jejenö tjujunenama, jelȩko̧ nöȩko̧tjö Dios iteapjo öwawinököjayonö, ö̧sö̧'a ödöobetjö̧, nöȩko̧tjö ina öwawinobe ö̧sö'ama. Jo̧kwaijayonö tupakwösȩko̧, teachakwawȩko̧tjöbi, tupakwötjöbi öwawinokobe. Ja̧danö, jejenö tjujuninobema, ina babebi jobeda jo̧be Dios iteapjoma.

Éxodo 25:20

Jobadöma idödada badekwakwanö tjö̧jinö, ja̧danö muchekwapikwö eda̧lö tjujukwinö tjotido. Ja̧danö, tjo̧wa̧ja̧piya kabeba̧lö ja̧nö muchekwapi̧ tjöbeba̧lö tjujukwinö tjotido.

Isaías 6:2

Ja̧danö jo̧ba öba a'o wamekwöchobe, ömöayedö serafines ötjabawö̧ tjuluwo̧nö tjiteada̧lobe chedijatö. Jobadö serafinesbedöma, tjöwa̧japa jelemutjö bakwapa̧ juna̧ladönö chedijatö, ja̧danö tjuluwo inesö otiwiawö̧, dö̧pa̧latajanö tjöba muchekwö tjö̧jobe chedijatö, ja̧danö dö̧pa̧latajanö tjömasapiya muchekwö tjö̧jobe chedijatö, ja̧danö dö̧pa̧latajanö kötjobe chedijatö.

Hebreos 9:5

Japjo muchekwapi wamenö du̧ju̧taja otikwedö ángelesdödanö ichejekwadö tjö̧wajinobe, tjo̧wa̧ja̧pi̧ya juna̧ladö. Jobadöma Dios jwiinö dejatinö ö̧jemi 'da̧denö wa̧nö tjö̧wa̧ja̧pi̧ya jelo̧ o̧wo̧ja̧pa̧kwö badekwakwanö ja̧pjo muchekwapikwö eda̧lö tjö̧wajinobe. Japjo isapjo muchekwapi wamenöma pakaya itji̧ kwabö tjiyökwe ökwösobubi, chiwo kwabö tjiyökwe ökwösobubi lilinemi. Japjo muchekwapi wamema Dios jojodönö lȩlö̧jino edi̧ wanekwachinemi. Dios jojodönö lȩlö̧jino edi̧ wanekwachobetjö̧, japjo muchekwapi wamenöda tjökwösobuma liliinobe Diostjö jojodötjö ö'weje la'aka pjabato̧ma. Chömöledö, ja̧ jawa nöinö ji̧jayonö, babema ja'yubeda yötawa, okobe jwiinömaökö.