1 Reyes 8:48 - Dios Iwene

⁴⁸ Isabenö tjomajadenö otiwanö ökwönö ösödö, tjöpöjojodö jobadönö juluwinadö tjitebonö ja̧nö, bemi niji tja'dödönö kwiyinemi jo̧bekwö, ökwöda omudawö kwujuninemi comunidad jo̧bekwö, beju ökwönö otiwanö omukwatö chotidineju jo̧bekwö edö atjebenama,

1 Reyes 8:48 ပူးပေါင်းရင်းမြစ်များ

1 Reyes 8:33

—Ja̧danö ju'wibi atebakwö chuluwo̧, ju'winö kwömöledö israel jojodöma, kwöba a'otjö sulabenö jabinadö, tjöpöjojodö tjujuluwaja̧wö̧ tjö̧jakwedö. Jejenö balediawö̧, tjebachajö, yemidanö ökwönö ösödö, –Isabenö Jo̧ wei̧da da̧ja̧kwobö jo̧be, –jö̧ba̧lö sulabenö tjomukwatina balewachajadö, bejutjö pjakatobö atjebitjö̧ma,

1 Reyes 8:49

otiwanö atjebi̧ kwa̧ja̧kwobö atebakwö chuluwo̧. Inesö mölejȩbe kwö̧jemi janö, –Pjakatobö adebakwö, –jö̧ba̧lö ökwönö atjebi̧ kwa̧ja̧kwobö atebakwö chuluwo̧, ja̧danö tjöpöjojodötjö tjö̧jibinö pjakatobö atebakwö.

2 Reyes 23:25

Isabenö otiwanö Isabenö Jo̧ wei̧ a̧ja̧kwö ö̧jinobe Josiasma, jo̧ba ö̧jakwa̧ abönö ajayinö ji̧nadö inesö la'aka luwedötjöbi, ö̧jaja̧ ikena ju̧kwadö inesö la'aka luwedötjöbi, bakwo̧bi Josias jwaikwöda Moises i̧wȩyudina'ye Dios wei̧ wȩyukwa'ye a̧ja̧kwi̧danö a̧ja̧kwö jo̧ma deinobe. Josiasma isabenö okobe jwiinö omajadenö, okobe jwiinö o̧'wonö, okobe jwiinö ujulunö, jwaikwöda Dios wei̧ a̧ja̧kwö ö̧jinobe.

Proverbios 23:26

Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawi̧danö: Chitji̧, ötjö yötawi̧ma ö'wöyawakwawönö omukwatö kwö̧jo. Ja̧danö, ötjö chö̧ji̧ edö kwösödo, ötjöbi chabe'do ö̧ji̧danö chö̧jo, jö̧ba̧lö.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Daniel 6:11

Ja̧danö, Danielnö öpöjödadöma bakobe omukwatö Daniel aebobe edö tjichinobe, ja̧danö ichajadö, Daniel Diosnö aebobe tjedinobe, Dios pjaatobö aebobe tjedinobe.

Daniel 9:13

Jau chuluwo̧ Dios, Moisés iwȩyudinadanö jweinö ökwödönö lȩkebajabe, ja̧danö jejenö lȩkebi̧ edö sulabenö domukwati̧ kabatibö, ökwö kwiwene isabenö wene döwaisacho jö̧da̧lajabe, ja̧danö weköbi̧danö ja̧bö dö̧jo jö̧da̧lajabe, ja̧danö ökwönö adebo jö̧da̧lajabe, ökwödö sulabenö ja̧badönö lȩlö̧jinö kwedobö. Jo̧kwaijayonö, jejenö ja̧bökönö, jwaikwöda sulabenö omukwatö dö̧jajabe chuluwo̧.

Daniel 9:5

Chuluwo̧ Dios, ökwöma isabenö otiwanö ja̧köbijayonö, ökwödö Israel jojodöma sulabenö ja̧dajabe. Isabenö jwiinö suli̧ jawa ja̧bö, ökwö weköbi̧ kadatibajabe, ökwö ja̧bö dö̧jobö weköbi̧ma a̧ja̧kwökönö.

Hechos 8:36

Ikenama, 'ya̧nö Etiopía jojoma edijetö ojwe se'do. Je'do edö jö̧ba̧lijetö: —¡Edi! Ojwese'do be'do. ¿Ojwe okwa kwubu̧datobö jo̧beji̧?— abebijetö.

Romanos 10:10

Jau chömöledö, Jesúsnö ösödö, dö̧jibinö pjabato̧, jö̧ba̧lö dösödiökwe, Diosma ökwödönö yöbawo̧, Bidöma sulabe jwibadö, jö̧ba̧lö. Ja̧danö, Jesúsda la'aka luwo̧ yöba̧lö, dö̧jibobe.

Deuteronomio 4:29

—Jau chömöledö, Diosnö ösösödökönö kwö̧jaduwiökwe, ökwödönö a'dewö loakobe, ju'wedö tjitebonö kwö̧jaduwobö. Jemi ikenama, ju'wedö tjitebonö kwö̧jaduwemi ja'ötjö, kwuluwo̧duwi Isabenö Jo̧ Diosnö omukwatö, kwisakwaduwakwedöja, ja̧danö isabenö bakwainö omukwatö, jwaikwöda jo̧banö kwisakwaduwitjö̧ma, isabenö jo̧banö kwöbadekwaduwakwedöja.