1 Reyes 8:44 - Dios Iwene

⁴⁴ —Ja̧danö ju'wibi atebakwö chuluwo̧, ju'winö kwömöledö israel jojodönö weköbakwo̧ja, jelobe 'ya̧nö, tjöpöjojodökwö tjölakwabikwawobö. Ja̧danö, jejenö tjölakwabikwawobö labebajadö, tjölakwabikwawakwa̧ abönö, bemi comunidad ökwöda omudawö kwujunina comunidad jo̧bekwö, jadanö beju ökwönö otiwanö omukwatö chotidineju jo̧bekwö edö, ökwö Isabenö Jo̧nö atjebenama,

1 Reyes 8:44 ပူးပေါင်းရင်းမြစ်များ

2 Samuel 5:19

Jejenö tjichibiökwe, Davidma abebö a̧ja̧kwinobe Isabenö Jo̧nö, —Chuluwo̧, filisteo jojodökwö ölakwabikwawö labebö chi̧'yakwa̧ji̧? Latebitjö̧ma, jobadönö chujuluwobö kwiyakwa̧ji̧? —jö̧ba̧lö. Aebökwe Isabenö Jo̧ma, —Jau, labebö ölakwabikwawaji, isabenö filisteo jojodönö kwujuluwobö chiyakobetjö̧, —jö̧ba̧lö atadinobe.

2 Samuel 5:23

Tjichiökwe, Davidma yemidanö Isabenö Jo̧nö abebö a̧ja̧kwinobe, —Filisteo jojodönö ölakwabikwawö latebakwa̧ji̧? —jö̧ba̧lö. Aebökwe, Isabenö Jo̧ma atadinobe, —Jweinöma jobadönö ölakwabikwawö lakeboko. Lakebenama, söpödibö, balsamo towibiya jo̧bekwö kwi̧'yö, tjö̧kö̧manö ichö jobadönö mekibobö.

1 Reyes 8:16

Jau chömöledö, baikwö yöawinobe chabe'do Davidnö: –Chömöledö israel jojodönö Egipto nijitjö latebinemi baikwöma, la'akatjöda israel jojodö sasokwena jojodö tjitebo comunidadkwenatjö, ju'wi comunidadbi omudawö chujunijökötö, jobe chö̧jakweju baibanö o̧do tjotidoböma. Jo̧kwaijayonö, ökwö Davidnö omudawö chujunajabe, ökwöda chömöledö israel jojodönö öbibö jwekebobö, –jö̧ba̧lö chabe'donö yöawinobe.

1 Reyes 8:45

mölejȩbe kwö̧jelö otiwanö kwa̧ja̧kwobö atebakwö chuluwo̧. Jau chuluwo̧, jejenö pjakatobö atjebiökwe, a̧jakwö otiwanö pjakatobö atebakwö, tjöpöjojodönö tjujuluwakobetjö̧.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Jueces 4:6

Ja̧danö, ju'wi möle bakwo̧ Neftalisaso comunidad Cedes jojo Barac mikwo̧nö jwöjinobe, jö̧jobekwö ichobö, ja̧danö ichibioko, jo̧banö yöjawinobe: —Barac, israel jojodö tjuluwo̧ Isabenö Jo̧ Diosma ökwönö weobe, –Neftalisaso jojodötjöbi, Zabulonsaso jojodötjöbi ölakwabikwawadö diez milbedönö ko̧ko̧di, ja̧danö ko̧ko̧dajo̧, jobadönö öbibö 'ya̧wi, Tabor mösa'obe.

Jueces 6:14

Atadökwe, Isabenö Jo̧ma Gedeon ö̧jobekwö edö yöawinobe, —Ötjöda ökwönö 'da̧batö wetakwö, israel jojodö madianitas jojodö tjujulutjö tjö̧jibanö pjakatobö. Kwujulu baibanö jejenö iyö wetakwö, jo̧kwajabetjö̧ tjö̧jibanö ölakwabikwawö 'ya̧wi, —jö̧ba̧lö.

1 Samuel 15:18

Ja̧danö, ökwönö omudawö junajo̧, Isabenö Jo̧ma ökwönö weinobe, 'Ya̧wi, okobe deinö sulabenö ja̧bö ju̧kwadö amalecita jojodönö kwabawö lobaji, ja̧danö jobadönö kwabawö lobö kwö̧jo, bakwo̧bi ö̧ji̧bökönö okobe deinö jobadönö kwabö loköbenanö baibanö, jö̧ba̧lö weinobe, ¿jö̧tö?

1 Samuel 15:3

Jo̧kwajabetjö̧ baikwö wetakwö, kwömöayedö ölakwabikwawa jojodökwö jobadö amalecita jojodönö kwabawö loköbaduwonö, jobadötjö bakwo̧bi ö̧ji̧bökönö. Okobe deinö amalecita jojodönö kwabö loköbo, ömadönöbi, ya̧dönöbi, tjemunöbi, i̧ya̧nö tjemajawö̧nöbi. Ja̧danö ju'wibi okobe deinö tjajwimunöbi kwabawö loköbo, pa̧ka̧yadönöbi, obejadönöbi, kameyudönöbi, bu̧lö̧dönöbi, jwaikwöda okobe deinö amalecita jojodönöbi tja̧jwi̧munöbi kwabawö loköbo, bakwo̧bi ö̧ji̧bökönö, —jö̧ba̧lö Dios wei̧ yöawinobe Samuelma Saulnö.

1 Samuel 30:8

ja̧danö Davidma Isabenö Jo̧nö abebö a̧ja̧kwinobe, —Chuluwo̧, dömöledönö eminadö tjökömanö lubö di̧'yobö jo̧beji̧? Lubö di̧'yitjö̧ma, lubö dichibakwa̧ji̧? —jö̧ba̧lö. Abebö a̧ja̧kwökwe, —Jau, lukibaduwo, isabenö kwichibaduwakwedöja, ja̧danö ju'wibi isabenö kwömöledöduwinö tjö̧jibinö pjakataduwakwedöja, —jö̧ba̧lö atadinobe Isabenö Jo̧ma .