Ikenama, jojodönö ba̧ja̧dajo̧, Davidma jwiinö o̧'wo tjo̧ekwinobe omajadenö, —Sabö, jojojonö tjö̧ba̧jadobö wetinökötjö̧bö, sulabenö Dios öpöjödinö ja̧tajabe, —jö̧ba̧lö. Ja̧danö, o̧'wo tjobekwö, Isabenö Jo̧nö aebinobe, —Chuluwo̧ Isabenö Jo̧, isabenö jwiinö sulabenö ja̧tajabe. Sulabenö omukwatö̧kö̧ ja̧nö, kwöpöjödinö sulabenö ja̧tajabe chuluwo̧ Isabenö Jo̧, jo̧kwajabetjö atebakwö, kwöba a'otjö wene chujuna̧li̧ söbebö loköbobö, —jö̧ba̧lö aebinobe.
1 Reyes 8:35 - Dios Iwene35 —Ja̧danö ju'wibi atebakwö chuluwo̧, ju'winö kwömöledö israel jojodöma weköbi̧ a̧ja̧kwökönö, sulabenö ja̧tja̧kwedö, jadanö sulabenö ja̧tjiökwe, jobadönö lȩbebö, ojwiyo o̧bökönö, mölȩjȩ pje'datö loköbakwo̧ja. Jejenö lȩkebiawö̧, sulabenö tjomukwataja̧ kabatibö, tjebachajö yemidanö ökwönö ösödö, beju jo̧bekwö edö ökwönö atjebenama, အခန်းကိုကြည့်ပါ။ |
1 Reyes 8:35
30 ပူးပေါင်းရင်းမြစ်များ
Weökwe, David ö̧jobekwö ichibö, Dios yöawaja̧ yöawinobe Gadma, ja̧danö David omudawö ujunobö yöawinobe: Bi̧ya Dios lȩebakwa̧ma, ¿dakwö lȩebobö omudawö kwujujunobeda? Wapötakwa o̧biya baledibanö a̧wi̧chi̧ tjöoböö̧kö̧, wamedukwa ja̧wo̧dö baledibanö kwöpöjojodö ökwödönö tjujuluwonö dökibajaduwoböö̧kö̧, wapötakwa möle baledibanö jojodö tjö'wöchobö Dios weoböö̧kö̧. Ökwöda omukwatö yöbawitjö, ötjönö webinanö ȩwa̧bijö chatadakobetjö̧.
Ja̧danö, Galaad niji comunidad Tisbe jojo Elias mikwo̧ma, Acab öba a'o ichibö yöawinobe: —Israel jojodö tjösödökwe Isabenö Jo̧ Diosma isabenö jo̧, ja̧danö chuluwo Isabenö Jo̧ öba a'o ja̧nö, baikwö yötawakwö Acab, biya o̧biyama, ojwiyo o̧bökakobe, ja̧danö si̧li̧'idö tji'olibi tjoduwökakobe, ötjö Eliasma, –Babe ojwiyo o̧bakobe, –jö̧ba̧lö yötawenanö kabatö, —jö̧ba̧lö Acabnö yöawinobe Eliasma.
—Ja̧danö ju'wibi atebakwö chuluwo̧, ju'winö kwömöledö israel jojodöma, kwöba a'otjö sulabenö jabinadö, tjöpöjojodö tjujuluwaja̧wö̧ tjö̧jakwedö. Jejenö balediawö̧, tjebachajö, yemidanö ökwönö ösödö, –Isabenö Jo̧ wei̧da da̧ja̧kwobö jo̧be, –jö̧ba̧lö sulabenö tjomukwatina balewachajadö, bejutjö pjakatobö atjebitjö̧ma,
Jau, niji mikwawökemi baibanö söbebö lotocha chöbatjoma. Bemi tupakwö ubasa'ba bajale 'wibö chotidökakwo̧sa, ja̧danö niji sobö chotidökakwo̧sa, bakwainö tebo jawa sȩakada, ja̧danö ju'wi sula'woda chöbatjotjö pokwakobetjö. Ju'wibi ojwiyo o'wiju tjöteba̧lakwo̧sa, ja̧dano wetökakwo̧sa, chöbatjo ji̧nemi ojwiyo o̧boböma, —jö̧ba̧lö Dios ökwödönö abebö a̧ja̧kwi̧ yötawaduwakwö.
Jau, ajayinö lȩebiawö̧, sulabenö tjomukwati̧ kabatibö, tjöbalewacho jö̧tja̧linobe, ja̧danö tjebachajö jobadönö kwabina Diosnö tjösödo jö̧tja̧linobe, ja̧danö Isabenö Jo̧ Okobe Jwiinö Juluwo̧ Diosnö abebö ta̧ja̧kwo jö̧tja̧linobe, jo̧kwaijayonö balewachökönö jwaikwöda sulabenö omukwatö ja̧dö israel jojodöma.
Ja̧danö, ötjö chujulu chi̧sebobö akebaduwi̧ma, baikwö yötawaduwakwö: Damötjö Elías ö̧jinena baledinadanö, ja̧danö Eliseo ö̧jinena baledinadanö ja̧kobe ökwödönö. Baikwö wanedö yötawa: Dios iwene yöbawo̧ Elías ö̧jina wene kwöwaisaduwa, wa̧pötakwa o̧biya ja'ö baledibanö Diosma mölejȩ utumatinobe, ojwiyo o̧bökönö, ¿jö̧tö? Jau, Israel niji bakwameachibanö jwiinö a̧wi̧chi̧ lö̧jinobe, ja̧danö Israel jojodötjö tji̧lȩkwa̧mu wobekwinadö ya̧döma ba̧jekwadö tjö̧jinobe usula emawö, ¿jö̧tö?
Ja̧danö, judío jojodöböködönöbi pjaatinobe, Dios jobadönö lȩlö̧jinö edobö ja̧inobe. Ja̧danö, judío jojodöböködöbi Diosnö ösödadö batjibinobe, Diosma otiwanö lȩlö̧jinö edo̧, jö̧ba̧lö. Baikwö laebobe Dios iwenema, judío jojodöböködö Diosnö tjösödakwa̧ma: Jo̧kwajabetjö̧ judío jojodöböködökwö ja̧nö, ökwönö chösödocha, Otiwo̧ja, jö̧ba̧lö, ja̧danö ökwönö ösödö lo̧tocha, jö̧ba̧lö laebobe Dios iwenema.
Isabenö Jo̧ma isabenö ödameakwakobe ökwödönö, ja̧danö mölejȩ utumatakobe, ojwiyo o̧bökönö. Ja̧danö, ojwiyo o̧bokobetjö̧, wa̧jökakobe kwöbatjijuduwima, ja̧danö Isabenö Jo̧ma inesö otiwemi niji ökwödönö iyijayonö, juluwanö iyaja̧ nijitjö debö kwi̧'yaduwakwedöja, —jö̧ba̧lö yöawinobe Moisesma, israel jojodönö.
Wanedö yötawa chömöledö, Isabenö Jo̧ma iteda itea lödaweju mölejebe juna̧lo̧, ja̧danö wei̧ a̧ja̧kwö kwö̧jaduwiökwe, ja̧ lödaweju po̧bebö, ökwödönö iyakobe, baikwö yötawa: Kwiteboduwitjö ojwiyo o̧bobö baibenama, lödaweju po̧bebö, ojwiyo o̧bobö weakobe, ja̧danö okobe jwiinö otidö kwö̧jaduwitenia, otiwanö iteatjö ökwödönö iyö pjaatakobe. Ja̧danö, jejenö pjabatö ökwödönö iyobetjö̧, ba̧jȩkwachinö kwujuna̧laduwakwedöja, ju'wedö tjitebokwena jojodönö kwiteaduwi kwöbalewaduwenanö baibanö. Jo̧kwaijayonö, jobadö ökwödönö tjöbalewakwa̧ akebaduwobö jwiakobe, ida̧ökö otiwanö kwujuna̧laduwakobetjö̧.
ကြော်ငြာတွေ