1 Reyes 8:26 - Dios Iwene

²⁶ Ja̧danö chuluwo̧ ökwödö israel jojodö dösödökwe Dios, weköbi̧ da̧ja̧kwiökwe, ja̧ yöbawö kwujuninabi badekwachinö pjakatobö atebakwö.

1 Reyes 8:26 ပူးပေါင်းရင်းမြစ်များ

1 Reyes 8:23

—Chuluwo̧ israel jojodö dösödökwe Isabenö Jo̧ Dios, mölejebetjöbi, bö̧jetjöbi bakwo̧bi ökwödajayo̧ma deobe la'akatjöda. Ökwöma isabenö jwaikwöda yöbawö kwujuni̧danö badekwachinö ja̧bo̧ja chuluwo̧. Ökwöma yöbawö kwujunijatö, –Weti̧ a̧ja̧kwö ju̧kwadönö ösödö pjatatakwo̧sa, –jö̧ba̧lö, ja̧danö yöbawö kwujuninadanö, weköbi̧ a̧ja̧kwö, jwaikwöda weköbi̧danö ja̧tjobö isakwadönö ile nibebö, otiwanö pjabato̧ja chuluwo̧.

1 Reyes 8:27

—Chuluwo̧ Dios, ökwö kweju chotidajabe, jo̧kwaijayonö bö̧jȩnöda jö̧kö̧ja chuluwo̧. Jau chuluwo, inesö nöbo̧ja, mölejȩ inesö möjȩnöbi kwobiökenanö, jokwajabetjö̧ chöwaisa, beju bö̧jesejunö kwobioböma jwibo̧ja, jö̧balö.

1 Crónicas 17:23

Ja̧danö, babe atebakwö Chuluwo̧ Isabenö Jo̧. Isabenö otiwanö ökwödö israel jojodönö pjakatajabe, ja̧danö otiwanö ötjönöbi chi̧tji̧mu tupadanö jojodönöbi pjakatakwa̧ wene yökawajabe. Jejenö yöbawö kwujunaja̧danö ba̧kwelöjatebö badekwachinö pjakatobö atebakwö chuluwo̧, chi̧tji̧mu tupadanö jojodönö yöka̧laja̧danö pjakatobö atebakwö,

Éxodo 24:10

Nöchajadöma idöda, Israel jojodö tjösödökwe Diosnö edijadötö. Ja̧danö, Dios ömasapa teebekwöchobe, nijakwö ö̧jatemi zafiro mikwawa inawiyama nijinö bijetö, ja̧linö. Ja̧ ö'wiyama mölejȩbe wajuwanö ö'dö̧wi̧danö ö̧'döwinö öwawijetö.

Isaías 41:17

Ja̧danö ökwödötjö usula jojodöbi, ju'wedö jwibadöbi o̧ti̧ tjöbö tjö̧jena, ja̧danö ojwiyo jwibö ja̧nö, tjinene kököachibenama, ötjö Isabenö Jo̧ma jobadönö pjabatö chichakwo̧sa, ötjö Israel jojodö tjösödökwe Diosma, la'akatjöda jobadönö le'dedö lotökakwo̧sa.

Isaías 45:3

Ja̧danö jojodö tjitea mikwawi̧ jawa, ju'wedö tjöbadekwapji jö̧ba̧lö otiwanö tojö tjujunina jawama, ötjöda ökwönö chiyocha, chiyiökwe ötjönö kwöwaisachibakobetjö̧. Jau Ciro, ötjö ökwö a̧dekwanö kwimi yöba̧lö ökwönö jwöbo̧ma, Israel jojodö tjösödökwe Isabenö Jo̧ Diossa, ja̧danö ötjönö kwöwaisachibakobetjö̧, jobekwö pjatatakwo̧sa.

1 Samuel 1:17

Jatadökwe, Elima yöa̧linobe, —Otiwa, wene jwiinö otiwanö kwȩwa̧jo, ja̧danö ökwödö israel jojodö dösödökwe Diosma akebaja̧danö iyobö chösöda, —jö̧ba̧lö.