1 Reyes 7:48 - Dios Iwene

⁴⁸ Ju'wibi okobe jwiinö Dios eju jawa, orotjö otikwa jawa otidinobe, Diosnö iyawötebi, mesasöte Diosnö iyawa pan wanawötebi,

1 Reyes 7:48 ပူးပေါင်းရင်းမြစ်များ

2 Reyes 12:13

Jo̧kwaijayonö, ja̧ baladatjö Isabenö Jo̧ eju dȩja̧piyabi, dȩju̧wa'yu tiekwa jawabi, ju'wi dȩja̧piyabi, trompeta jawabi tjotidinokobe. Ja̧ jojodö Isabenö Jo̧ itea balada baibanö tjiyaja̧ baladatjö, oro otikwa jawabi, plata otikwa jawabi tjotidinokobe,

2 Reyes 24:13

Ju'wibi okobe jwiinö Isabenö Jo̧ ejunö ji̧ mikwawi̧ jawa 'döebinobe, ja̧danö okobe jwiinö la'aka luwo̧ ejunö ji̧ mikwawi̧ jawabi 'döebinobe, ja̧danö 'döbebajo̧ iteda itebobe e'ewinobe Nabucodonosorma. Jobekwö Isabenö Jo̧ ajayinö baledakwa̧ yöawinadanö, okobe jwiinö Isabenö Jo̧ eju jawa baibanö Salomon orotjö otidina jawama, Nabucodonosor 'döbebö eminobe.

2 Reyes 25:15

omewinö ubi̧ jawa deja̧pi̧yabi, ju'wi dȩja̧piyabi emö tjȩwa̧jinobe Babiloniabe. Ju'wibi, orotjö otikwa jawabi, platatjö otikwa jawabi emö ȩwa̧jinobe ölakwabikwawa luwo̧ Nabuzaradanma.

Diosnö ösödo̧ Job mikwo̧ usula emawina jawa 28:1

Tupakwö yöa̧linobe Jobma: —Isabenö nöinö otidö tjöbadekwajobö waisadö jojodöma baikwö yöta̧la: Niji okwa sobö tjotidobe, plata jawa niji okwatjö tjemobö, ja̧danö oro otikwemibi tjujuna̧lobe, bakwai̧ oloda baibanö tjotidobö.

Éxodo 39:36

Ja̧danö, pan wanawöte mesasötema, jöte e'ewakwawö'i̧ya̧ , ja̧danö, okobe jwiinö mesasöte lödawa dȩja̧pi̧ya̧bi, deja̧'di̧ju̧bi ju'wi jawabi ichejebijadötö. Ja̧danö, inesö ji̧ pan, Isabenö Jo̧nö iyawa pan ichejebijadötö.

Éxodo 39:38

Ja̧danö, isapjo söinö 'dö̧ekwa'be juwawapjo ichejebijadötö. Ja̧danö, o̧tesobu, Diostjö jojodötjö tjö'da̧denö pjabatadönö tjuunö tjotjebakwobu, ja̧danö, söinö 'dö̧ekwa'be juwawa'be ichejebijadötö. Ja̧danö, jeju teachakwawemi tjöekwado̧ ichejebijadötö.

Éxodo 40:26

Ja̧danö, söinö 'dö̧ekwa'be juwawapjo tebatö junijadötö jeju okwa, abönösȩko̧, la'akasȩko̧nö, okwasȩko̧, inesö la'akasȩko̧ tjöekwa'wo badeibö.

1 Corintios 10:21

Jau chömöledö, baikwö wanedö yötawa: Ökwödö Duluwo̧ midawö woina omukwatö owadöma, sulabedö ángelesdönöbi ösödö kwowaduwoböma jwiobe chömöledö. Ja̧danö, ökwödö Duluwo̧ midawö woina omukwatö kwadöma, sulabedö ángelesdönöbi ösödö kwukwaduwoböma jwiobe chömöledö.