1 Reyes 7:23 - Dios Iwene

²³ Ja̧danö ju'wibi otidinobe Hiramma. Bronce tubinö tobebö, isobu baibanö tobebajo̧, jwiinö jalapa̧ otidinobe, ja̧danö otidaja̧pa̧ma, Jwaibalawa, jö̧ba̧lö tjimidinobe. Ja̧ nöa̧pa̧ma, ö̧sȩko̧inö otidinobe, ösö'bötjö jakwölakwösö'böbe cuatro metro ja'ö ja̧la̧pa̧, ja̧danö möakwö dos metro ja'ö möa̧pa̧, ja̧danö söpödöma trece metro ja'ö ödöa̧pa̧ nöa̧pa̧ otidinobe.

1 Reyes 7:23 ပူးပေါင်းရင်းမြစ်များ

1 Reyes 7:22

Ja̧danö, wamenö lirio o̧bubiya o̧'wo jawa tjöwaninobe. Jejenö wanö, broncetjö otikwa'o otidaja̧ma kaatakwawinobe.

1 Reyes 7:44

nöa̧pa̧ Jwaibalawa ötjaba̧pa̧bi, teebe wanawedö pakayadö a̧li̧nösamutjö du̧jutajabedönöbi,

2 Reyes 16:15

Jobekwö pjolatö junajo̧, la'aka luwo̧ Acazma ö'weje pjabato̧ Uriasnö weinobe: —Nöapjo 'yayapjotjö yȩayitenia jwiinö ubinö iyawa kwujuwo, ja̧danö yi̧benatenia trigoso̧pja iyawa japjotjö kwiyo. Ju'wibi ötjö inesö la'aka luwo̧ chiyi̧ jwiinö ubinö iyawa japjotjö kwujuwo, ja̧danö chiyi̧ trigoso̧pja iyawa japjotjö kwiyo. Okobe deinö ditebo jojodö tjiyi̧bi ja̧danö, jwiinö ubinö tjiyi̧bi, trigoso̧pja iyawa tjiyi̧bi, owawa toekwa jawabi, japjotjö kwiyo. Ja̧danö japjonö sa̧sa̧köbo, okobe jwiinö jwiinö ubinö iyawö̧ tjökwösobubi, ösökwö ja̧kwawa iyawö̧ tjökwösobubi. Jo̧kwaijayonö Isabenö Jo̧nö abebö cha̧ja̧kwenama, damösapjo broncetjö otikwapjotjöda kwabö juwö kwiyo, —jö̧ba̧lö weinobe Acazma.

2 Reyes 16:17

Ju'wibi ja̧inobe Acazma, Dios eju ö'öbö ji̧ dȩja̧pi̧yama, teebe ökiya 'wibebö, dȩja̧piya meatö ödinobe. Ja̧danö inesö nöa̧pa̧ jwaibalawa ötjaba̧pa̧ma, broncetjö otikwawö̧ pakayadö tjoma'atjö meatö, inawatjö otikwa la'aka wame ujuninobe.

2 Reyes 25:13

Ju'wibi Isabenö Jo̧ eju jawa e'ewö tjewa̧jinobe, bi̧ya jawa: Broncetjö otikwa okwi'ijubi, dichawa ö̧piya wanawa ökiyabi, nö̧a̧pa̧, jwaibalawa ötjaba̧pa̧bi. Ja̧ jawa 'debatö lotjinobe, otiwanö tje'ewakobetjö̧, ja̧danö emö tjȩwa̧jinobe Babilonia nijibe.

1 Crónicas 18:8

Ju'wibi, Hadad Ezer itebo niji Teba comunidadtjöbi, Cun comunidadtjöbi, La'aka luwo̧ Davidma nöinö bronce jawa do̧batö e'ewinobe. Ja̧danö lekwe möle baledibaja̧ ikena, David itji̧ Salomon Dios eju otidenama, ja̧ David do̧a̧tina bronce jawatjö otidinobe, nöa̧pa̧ jwaibalawa jö̧ba̧lö ötjabapa̧bi, okwi'o nöa'o ji̧danö, broncetjö do'olataja o'oawi̧bi, ju'wi broncetjö otikwa ö̧piyabi.

Éxodo 30:17

Ina webijetö Isabenö Jo̧ma Moisésnö:

Éxodo 38:8

Ja̧danö, ya̧dötjö ju'wedö, Isabenö Jo̧ eju teachakwawemi ja̧nö pjabatadöma iyijadötö idöda tjitea tjöba ediakwawöte, broncetjö otikwötema. Ja̧ broncetjö otidijetö Bezaleelma dichawa'do, ja̧danö, ja'do la'aka pjaeba̧la'o isa'obi.