1 Reyes 6:5 - Dios Iwene

⁵ Ja̧danö, a̧dekwanö Dios eju ö'öbönö, jakwölakwöbi, jakwölakwöbi, okwasȩko̧ o̧pekwöbi, ö'öböseju pöa̧linö otidinobe a̧petukwöchobema. Jeju o̧do otidinama, möakwöma wa̧pötakwanö möeju baibanö otidinobe, ja̧danö okwa ȩkiju ji̧nö otidinobe.

1 Reyes 6:5 ပူးပေါင်းရင်းမြစ်များ

1 Reyes 6:16

Ja̧danö, okwa tjöekwemitjö, apjudekwö nueve metro jenanö, okwa tjöekwi̧ otidinobe, jemi o̧pe Dios ejutjö okwa sȩko̧, inesö 'da̧batö junawemi Dios iteapjo jȩko baibanö. Ja̧danö otidajo̧, nijitjö möakwö bajalenö cedro ötebiya pöchö otidinobe.

1 Reyes 6:31

Ja̧danö, okwasȩko̧ apjudebi otidinobe, olivo towi ötebiyatjö. Ja̧danö, apjude ö'öbösa'obi, wamesa'obi, bakwamu jawa 'do̧'do̧kwitenia ji̧nö otidinobe.

1 Reyes 6:6

Ja̧danö, jeju ö'öböseju tjotidenama, tjöekwemi isaju po̧tjebapji jö̧ba̧lö, nijakwöchobe tjöekwemima böinö tjotidinobe, 'dibatö otikwemi baibanö tjödenama, tjöekweminö wame ötöla jena tjöwanakobetjö. Ja̧danö, jejenö otidinobetjö, nijakwösȩko̧ma, dos metros ja'ö jalȩko̧ ji̧nobe, ja̧danö ikenasȩko̧ma, tres metros ja̧lȩko̧ ji̧nobe, ja̧danö mösȩko̧ma, tres metros ja'ö ja̧lȩko̧ ji̧nobe, tjöekwemi isaju jwiinö.

1 Crónicas 23:28

Jobadö Levisaso jojodönö weawama baikwö laebobe: Aaron itji̧mu tupadanö jojodöma Diostjö jojodötjö ö'weje pjabatadö tjö̧jinobe, ja̧danö Isabenö Jo̧ ejutjö otidö tjö̧jonö, ju'wedö Levisaso jojodöma jobadönö pjatjatobö ji̧nobe. Ju'wibi Dios eju ȩkijubi, ö'öböseju ȩkijubi teada̧ladö tjö̧jinobe, ja̧danö Diosnö ösödakwawa jawa dichawa jojodö tjö̧jinobe. Ja̧bi, okobe jwiinö ju'wi Dios eju otikwa otidadö tjö̧jinobe Levisaso jojodöma.

1 Crónicas 28:11

Ja̧danö, jobekwö yöba̧lajo̧, Davidma itji̧ Salomonnö iyinobe, o̧do otikwa wȩyukwa'yema. A̧dekwanö Dios ejubi, o̧do teachakwawȩko̧bi, ju'wi Dios eju ö'öbö ejubiyabi, mikwawi̧ jawa lödawa ȩkijubi, mö ȩkijubi, okwa ȩkijubi, inesö okwasȩko̧, Dios iteapjo jojodönö lȩlöjinö edi̧ i̧sȩkwapi̧ möchekwapi̧ ja̧kwȩko̧bi otikwa wȩyukwa'ye Salomonnö iyinobe.

1 Crónicas 9:26

Levisaso jojodötjö ö'wejemubedö la'aka teada̧ladö tjö̧jinobe, okobe deinö, —Bidöma tjotido jö̧tja̧lidanö otidadö, —jö̧ba̧lö tjöwaisawö̧ma. Ja̧danö jobekwö jobadönö tjöwaisobetjö̧, Dios eju ȩkijubi, Dios eju jawa nöinö mikwawi̧ jawa teada̧ladö tjö̧jinobe.

Éxodo 25:22

Moisés, jobeda, ökwönö yöba̧lö chichocha, ö̧tjö weti̧ wȩyukwa öbiya a̧ja̧pjo muchekwapi wamenö. Ja̧pi wamenö ja̧dö, queribines mikwadö tjö'da̧denö chichocha. Jobetjöda ökwönö yötawocha kwö̧jaduwobö weti̧ma, Israel jojodönö yökawobö— webijetö Isabenö Jo̧ma Moisésnö.