1 Reyes 6:38 - Dios Iwene

³⁸ Ja̧danö, la'aka luwo̧ baibaja̧ ikena, a̧li̧nösa̧mutjö bakwaba o̧batjö, Bul ötjabökwe jawo̧nö, otidö katjatinobe. Bakwainö tjotidakwa̧ omudawö junö, tjotidakwa̧ tjiwȩyudinadanö, bakwainö otidö katjatinobe. Ja̧danö, ja̧ otikwama, jelemutjö dötölataja o̧biya baledibanö tjotidinobe, bajaliyanö katjatakwawenanö baibanö.

1 Reyes 6:38 ပူးပေါင်းရင်းမြစ်များ

1 Reyes 6:1

Ja̧ jawa ko̧ko̧dajo̧, Isabenö Jo̧ eju jamatö otidinobe Salomonma. Ja̧ Salomon jamatö otidina möle wȩyukwa'yema, baikwö laebobe: Damötjö Diosma israel jojodönö egipto nijitjö labebö ichejebinobe, idöda tjitebo israel nijinö tjö̧jobö, ja̧danö Egipto nijitjö latjebina möle ikena, cuatro cientos ochenta o̧biya baledaja̧ ikenama, ikena jawo̧ Zif ötjabökwe jawo̧nö, Isabenö Jo̧ eju jamatö otidinobe Salomonma. Ja̧ mölema, Salomonma ida̧ökö ö'wejemu jawa o̧biya baledibanö webö ö̧jinobe.

1 Reyes 6:14

Ja̧danö, o̧dosaka kabatibajo̧, okwa jawabi otidinobe Salomonma.

1 Reyes 6:37

Lekwe möle ja̧ Isabenö Jo̧ eju otidö tjö̧jinobe. Salomon la'aka luwo baibaja̧ ikena, ö'wejemu jawa o̧batjö Zif ötjabökwe jawo̧nö, jamatö o̧do la'aka tjödinobe.

1 Reyes 6:9

Ja̧danö, Salomon o̧do isaka otidö kaatenama, mö otidinobe. Ja̧ mö otidinama, cedro okwi'ijutjöbi, ösötetjöbi otidinobe.

1 Reyes 7:1

Iteda eju comunidadbi otidinobe Salomonma, ja̧danö a̧li̧nösamutjö wa̧pötakwa o̧biya baledibanö otidö ö̧jinobe.

1 Reyes 9:10

Veinte o̧biya baledibanö, Isabenö Jo̧ ejubi, iteda eju comunidadbi otidö ö̧jinobe Salomonma.

1 Crónicas 28:19

Okobe jwiinö ja̧ otidakwa̧ jawa wȩyukwa'ye Salomonnö iyö yöawinobe: —Salomon, Isabenö Jo̧ma iteda eju jawa ötjönö i̧sȩbinobe, ja̧danö otiwanö chöwaisachibanö pjaatinobe, bejenö otiwanö wȩyukwa'yenö wȩyudö, ökwönö chiyakobetjö̧. Jo̧kwajabetjö, kwotidenama bi'ye laebi̧danö kwotidobö jo̧be, Diosda jobekwö kwotidakwa̧ jawa weinobetjö̧, —jö̧ba̧lö.

1 Crónicas 28:20

Ja̧danö wȩyukwa'ye Salomonnö iyajo̧, tupakwö yöawinobe Davidma: —Chitji̧, kwujuluwachibanö yebabökönö ja̧nö kwotido. Yebabökönö ja̧nö, dakwö ja̧takwajö jö̧ba̧lö omukwatökönö kwö̧jo, ötjö chösödökwe Dios, Isabenö Jo̧ Dios ökwökwö ö̧jobetjö̧. Kwö̧jelö 'da̧bachibökönö, ökwönö le'dedö loökakwo̧ chitji̧, isabenö ökwökwö pjabatö ö̧jakwo̧, okobe jwiinö iteda eju, Isabenö Jo̧ eju, kwotido jö̧ka̧lidanö otidö kakatakwawenanö baibanö.

Éxodo 39:32

Jejenö Israel jojodöma idöda tjotidawatjö okobe jwiinö kabatakwawijadötö, Isabenö Jo̧ inesöeju, jobadökwö tjö̧'da̧denö ö̧jakweju otikwa jawama. Okobe jwiinö Isabenö Jo̧ Moisésnö iteda eju tjotidobö weinadanö otidijadötö Israel jojodöma.

Éxodo 39:42

Jadanö, Isabenö Jo̧ Moisés tjotidobö weinadanö otidijadötö Israel jojodöma, okobe jwiinö otiwanö.

Éxodo 39:43

Moisésma edemi, okobe jwiinö otiwanö kwotidaduwajabe, jö̧ba̧lö, jobadönö ösödö, Isabenö Jo̧nö abebijetö, bidönö otiwanö edö pjakatodönö, jö̧ba̧lö.

Juan 2:20

Jejenö jö̧a̧liawö̧ judío jojodötjö la'aka luwedöma jö̧tja̧linobe: —Beju, Dios ejuma, cuarenta y seis o̧bi̧ya tjotidinejuma. ¿Dakwö yöka̧la, wa̧pötakwa möle o̧penö yemidanö chotidocha, jö̧ba̧löma?— jö̧tja̧linobe.