1 Reyes 6:36 - Dios Iwene

³⁶ Ja̧danö Dios eju otidajadö, a̧petu tjöekwemi tjotidinobe. Ja̧ tjöekwemi, otiwanö lötjaja̧ inawiyakwöbi, cedro towi okwi'ijukwöbi tjotidinobe. Jejenö tjotidinama, baikwö tjotidinobe, möakwö wapötakwanö inawiya lödajadö, wame cedro okwi'o bakwa'o tjöwaninobe, möakwö bajalenö jejenö tjotidinobe.

1 Reyes 6:36 ပူးပေါင်းရင်းမြစ်များ

1 Reyes 6:35

Ja̧danö, apjude wamenö, 'dȩbö otidinobe querubines o̧'wo jawabi, ö̧sö̧yö̧ o̧'wo jawabi, o̧bubiya o̧'wo jawabi ji̧nö, jadanö ja̧ wamenö, oro pöebinobe, oro 'da̧jö̧ki̧nö.

1 Reyes 7:12

Ja̧danö, Isabenö Jo̧ eju tjöekwemi tjotidinadanö, jadanö Isabenö Jo̧ eju teachakwawȩko̧ tjöekwemi tjotidinadanö, bakwainö Salomon eju comunidad a̧petu tjöbebö tjotinobe, otiwanö lötjaja̧ inawiyakwöbi, cedro okwi'okwöbi. Möakwö wapötakwanö inawiya lödajadö, wame cedro okwi'o bakwa'o tjöwaninobe, möakwö bajalenö jejenö tjotidinobe, Dios eju tjöekwemi tjotidinadanö.

Apocalipsis 11:2

Jejenö ba̧ja̧dö kwedobö wetijayonö cheju a̧petuma ba̧ja̧döma kwedoko. Jobema judío jojodöböködö sulabenö ja̧tjobö jo̧be. Jobadöma, ötjö 'da̧batö chujuninemi comunidadnö tebachö, tjujuluwakwedö. Ja̧danö, ja̧wo̧dö cuarenta y dosnö, jobetjöma, la'aka luwedödanö sulabenö webö tjö̧jakwedö— weijatö Diosma ötjönöma.