1 Reyes 5:4 - Dios Iwene

⁴ Jo̧kwaijayonö, chabe'do ina 'yaa̧layi otidobö jwiinajayonö, chuluwo̧ Isabenö Jo̧ Dios otiwanö pjaatobetjö̧, babe isabenö chitebo ö'öbötenia wene jwibö, ölakwabikwawökönö chö̧jobe. Jau, Dios pjaatobetjö̧, chöpöjojodö deinö, wene jwiinö jo̧sa.

1 Reyes 5:4 ပူးပေါင်းရင်းမြစ်များ

2 Samuel 7:5

—Natan, chömöayo̧ Davidnö yökawobö wetakwö, –Ökwöma chö̧jakweju kwotidökakwo̧ja David.

1 Reyes 11:25

Ja̧danö, Siria niji la'aka luwo̧ ja̧nö, Salomon la'aka luwo̧ ö̧jena baledibanö, jwiinö israel jojodönö öpöjödö, Salomon öpöjojo ö̧jinobe, ja̧danö Edom niji luwo̧ Hadad sulabenö ja̧bö ö̧ji̧danö, jobabi jwiinö sulabenö jabö ö̧jinobe.

1 Reyes 4:24

Jau, inesö jalobe Salomon webö ö̧jobetjö̧, ejutjö ömöayedö ju̧kwadöma jwiinö ba̧jȩkwadötjinobe. Okobe jwiinö Eufrates ojwetjö jawo̧ meajobekwö tjitebotenia niji la'aka luwo̧ ö̧jinobe, Tifsa comunidadtjö, Gaza comunidadbe ichibanö, ja̧danö okobe jwiinö webö ö̧jemi bakwachobetenia, wene jwiinö ölakwabikwawökönö tjö̧jinobe.

2 Reyes 18:8

Ju'wibi jwiinö ujuluwinobe filisteo jojodönö, ja̧danö Gaza comunidad nijibe ichibanö, okobe jwiinö ja'yuwemi comunidadbiyabi, 'diinö tjöekwemi comunidadbiyabi ujuluwinobe Ezequiasma.

1 Crónicas 22:9

Jo̧kwaijayonö, ökwöma kwitji̧nö kwujunala̧kwo̧ja, ö'wö bakibaja̧ ikena la'aka luwo̧ baibakwo̧ma. Ja̧danö, ökwö ölakwabikwawö kwö̧jinadanöma ö̧jökakwo̧ kwitji̧ma. Jo̧banö pjabatö wetocha, israel niji ö'öbötenia ju̧kwadö tjöpöjojodöma, jo̧bakwö ölakwabikwawökönö dösölö̧jinö tjö̧jobö. Jau, kwitji̧ma Salomon imikwakwo̧, wene jwiobe jö̧ba̧lö, ja̧danö jo̧ba webö ö̧jena baledibanö, israel jojodö wene jwiinö ölakwabikwawökönö tjö̧jobö wetocha.

Isaías 9:7

Isabenö inesö la'aka duluwo̧ ö̧jakwo̧ jo̧ba jitji̧ma, ajayitjö bajalekwönönö, ujulu nöamachibanö ba̧kwelöjatebö 'dö̧bibajökönö webö ö̧jakwo̧. Ja̧danö webö ö̧jobetjö̧ 'dö̧bibajökönö ba̧kwelöjatebö wene jwiinö dö̧jakwedösa. Jo̧bama Davidmine iteaka inesö la'aka luwo̧ ö̧binakanö öbamatakwo̧, jadanö David webö ö̧jinemi webö ö̧jakwo̧. Jau, David webö ö̧jinemima yemidanö ditebo baibanö 'diinö 'dö̧bibajökönö ujunakobe, la'akatjöda 'dö̧ibajökö ditebo baibanö, ja̧danö babe jamatö, ba̧kwelöjatebö 'dö̧ibajökönö baibanö, jweinö jwebebö, Dios wei̧danö webö ö̧jakwo̧. Jau, ökwö Okobe Jwiinö Juluwo̧ Isabenö Jo̧ Diosma jobekwö ö̧jobö kwösödobetjö̧, jobekwö baledakobe, jo̧kwajabetjö̧ kwömöledö israel jojodöma kwöba a'otjö tjo̧'wo ösöwachibanö tju̧ju̧kwobe, jö̧balö yöta̧la, tupakwö otiwanö tjö̧jakwa̧ jawama.

Hechos 9:31

Ja̧ mölema okobe deinö Jesúsnö ösödadöma Judeanö ju̧kwadöbi Galileanö ju̧kwadöbi Samarianö ju̧kwadöbi otiwanö ju̧kwijadötö, usula emawökönö. Ja̧danö, Dios O̧'wo̧ Luwo̧ pjaatobetjö̧ Diosnö omukwatö tjo̧'wo̧ luwo̧nö ösödö juluwijadötö, tjo̧'wo̧ luwo̧ jawama. Ja̧danö, Diosnö otiwanö yebabinö omukwata̧lö ju̧kwijadötö. Ja̧danö, Dios O̧'wo̧ Luwo̧ pjaatobetjö̧ ba̧jekwachijadötö Jesúsnö ösödadöma.

Josué 15:47

Asdod comunidadbi, ö'öbö pjei̧ comunidadteniabi, Gaza comunidadbi, ö'öbö pjei̧ comunidadteniabi. Ja̧danö okobe jwiinö Egipto ö'öbösödö lo̧bekwö ji̧ comunidadteniabi, ju'wi jwaibalawa Mediterreano ötjabawa ö'öbö comunidadteniabi. Okobe jwiinö ja̧ ba̧ba̧lawobe comunidadteniama, juda niji comunidadtenia baibinobe.