1 Reyes 5:17 - Dios Iwene

^17-18 Ja̧danö, la'aka luwo̧ Salomon weawö̧, inawiya öwiyawi̧ tjeminobe, nöinö mikwawi̧ inawiyama, emajadö, Dios eju la'aka otiwanö lödö tjotidakobetjö̧. Ja̧danö, Guebal comunidadtjö ja otikwa waisadöma ichö Salomon ömöayedönöbi, Hiram ömöayedönöbi pjatjatinobe, inawiya löböbi, towisa'obiyabi waisanö tjotidobö, otiwanö Dios eju tjotidakobetjö̧.

1 Reyes 5:17 ပူးပေါင်းရင်းမြစ်များ

2 Samuel 22:39

Jwiinö jobadönö chujuluwijatö, kwölöteonö jobadönö titatijatö, ja̧danö chömasapiya teebe batjibanö metji̧nobe, yemidanö tja̧la̧ibökenanö.

2 Samuel 7:5

—Natan, chömöayo̧ Davidnö yökawobö wetakwö, –Ökwöma chö̧jakweju kwotidökakwo̧ja David.

1 Reyes 6:7

Ja̧danö, o̧do tjotidakwa̧ abönö, inawiya tjeminelö otiwanö jweinö löbö tjotidinobe, ja̧danö jwiinö otiwanö jelobetjö lötjinobetjö̧, ja'yubebi Dios ejutjö lötjobö jwiinobe. Jo̧kwajabetjö̧, jobe tjotidenama, martiyubi, picobi, ju'wi 'dii jawatjö otikwakabi ja'yubebi ökwöinokobe.

1 Reyes 7:9

Okobe jwiinö ja otidinama, nöinö mikwawi̧ inawiyatjö tjotidinobe. Ja̧ inawiya tjödakwa̧ abönö, otiwanö ba̧ja̧dajadö lötjinobe inawa löawakanö, bakwachobetenia otiwakobetjö̧. Okobe jwiinö Salomon itebo comunidad jejenö tjotidinobe, o̧do la'akabi, tjöekwemibi, a̧petu tjöekwemibi.

1 Crónicas 22:2

Jobekwö yöbawajo̧, Davidma weinobe, okobe deinö israel nijinö ju̧kwadö, israel jojodöböködönö tjo̧ko̧kodobö. Ja̧danö, tjo̧ko̧kodajawö̧nö weinobe, Dios eju tjotidakwa̧ inawiya öwiawi̧ löwö tjotidobö, tjotidakwa̧ möle badekwachenama ida̧ökö tjotidakwa̧ jawa tjujuna̧lakobetjö̧.

1 Crónicas 22:8

Jo̧kwaijayonö, jobekwö chomukwatinajayonö, Isabenö Jo̧ma yöawinobe ötjönö: –David, ökwöma cheju kwotidobö jwibo̧ja. Ökwöma ölakwabikwawa luwo̧ja, ja̧danö israel jojodö tjöpöjojodökwö nöinö ölakwabikwawö, ba̧jȩkwadö tjökwösobö ebawinö ölakwabikwawinaja. Ja̧danö, jobekwö chöba a'otjö ba̧jekwadö jojodö tjökwösobö ebawinö kwölakwabikwawinobetjö̧, ökwöda cheju, ötjönö otiwanö omukwatakwaweju kwotidobö jwibo̧ja.

Isaías 28:16

Ötjö Isabenö Jo̧ma baikwö yötawaduwakwö: Jerusalen mösa'o Sion mikwa'onö inawa chödocha, –Isabenö otiwawa, –jö̧ba̧lö badedö chedinawama. Jawa, o̧do la'aka baibanö, ajayinö lödawawa nöinö mikwawawa baibanö chödocha, o̧do la'aka 'diinö jakobetjö̧. Ja̧danö jawa ösödadöma, –Dakwö jatakwajö, –jö̧ba̧löma omukwatö tjö̧jökakwedö.