1 Reyes 4:5 - Dios Iwene

⁵ Natan itji̧ Azarias mikwo̧ma, gobernadorbedötjö la'aka luwo̧ ö̧jinobe. Natan itji Zabud mikwo̧ma, Diostjö jojodötjö ö'weje pjabato̧ ö̧jinobe, jadanö ju'wibi la'aka luwo̧ waisanö omukwatobö pjabato̧ ö̧jinobe.

1 Reyes 4:5 ပူးပေါင်းရင်းမြစ်များ

2 Samuel 12:25

ja̧danö Dios yöawi̧ yöbawo̧ Natannö weinobe, Davidnö yöawobö, —Isabenö Jo̧ ösödökwe kwitji̧nöma, —jö̧ba̧lö. Jo̧kwajabetjö̧ ju'wi imi Jededias jö̧ba̧lö imidinobe, Isabenö Jo̧ ösödökwe jö̧ba̧lö.

2 Samuel 15:37

Jejenö weökwe, David ömöledöso̧ Husayma Jerusalenbe ȩwa̧jinobe, ja̧danö ȩwa̧jö, jobe ichibinobe, Absalonbi jobe ichibenanö.

2 Samuel 16:16

Ja̧danö, David ömöledöso̧ arquita jojo Husayma Absalon öba a'o ichibinobe, ja̧danö ichibö, —Chuluwo̧, lekwe möle duluwo̧ kwö̧jobö chösöda, —jö̧ba̧lö dötölatajanö yöa̧linobe Husayma.

2 Samuel 20:26

Ja̧danö ju'wibi, yairita jojo Ira mikwo̧ma, David öba a'o Diostjö jojodötjö tjö̧'da̧de pjabatö otidinobe.

2 Samuel 5:14

Jerusalentjö David i̧tji̧mu ömadö tjeminawö̧ tjimibiyama, baikwö laebobe: Samua mikwo̧bi, Sobab mikwo̧bi, Natan mikwo̧bi, Salomon mikwo̧bi,

2 Samuel 7:2

Davidma omukwatö yöa̧linobe Dios yöawi̧ yöbawo̧ Natan mikwo̧nö: —Natan, ötjöma beju otiweju, cedro towi ötebiyatjö otikwejunö otiwanö chö̧jobe, ¿jö̧tö? Jau, otiwejunö chö̧jobe, jo̧kwaijayonö otiwejunö chö̧jonö, Chuluwo̧ Isabenö Jo̧ iteapjoma otiwejunö jo̧kobe, löwötenöda, sabana'wotjö otikwejunöda jo̧be Chuluwo̧ iteapjoma. Chedemi sula, ötjö otiwejunö chö̧jonö, chuluwo̧ iteapjo sulabejunöda jo̧böma, —jö̧ba̧lö yöa̧linobe Davidma Natannö.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

1 Reyes 4:6

Abisar mikwo̧ma, Salomon eju jawa la'aka luwo̧ ö̧jinobe. Abda itji̧ Adoniran mikwo̧ma, tjotidobö wetjawö̧nö tjotidawa jawa la'aka luwo̧ ö̧jinobe.

1 Reyes 4:7

Ja̧danö, Salomon ömöayedötjö, a̧li̧nösamutjö du̧ju̧taja gobernadorbedö tjö̧jinobe, israel niji jelobekwena luwedöma. Jobadötjö bakwo̧kwena, jawo̧ bakwo̧kwena tjitebotjö la'aka luwo̧ Salomonbi, ejunö ju̧kwadöbi tjukwakwa̧ tjiyobö ji̧nobe.

1 Crónicas 27:33

Ahitofel mikwo̧ma la'aka luwo̧ David waisanö omukwatobö pjabatö lȩbebö yöbawina. Arquita jojo Husai mikwo̧ma, la'aka luwo̧ David yöne ömöledöso̧ ö̧jinobe.

Proverbios 22:11

Ja̧danö, ju'wibi yötawa: Inesö la'aka luwo̧ ösödökwema omajadenö otiwanö omukwato̧. Ja̧danö, inesö la'aka luwo̧ ösödökwema jojodö tjo̧'wo̧ ösöwanö tjö̧jinö yöba̧lo̧. Jobekwö omukwatö, otiwanö yöba̧lo̧danö jo̧ma inesö la'aka luwo̧ ösödökwe ö̧jakwo̧.

Juan 13:23

Ja̧danö, jobadötjö bakwo̧, Jesús ile niebökwema, Jesús ipjeanö ö̧binobe.

Santiago 2:23

Ja̧danö, Abrahamma jejenö Diosnö o̧'wo̧ wana̧lö ö̧ji̧bi, ja̧danö, Dios wei̧ a̧ja̧kwöbi ö̧jobema Dios ajayinö yöawina badekwachinö ö̧jinobe. Ja̧ ajayinö yöawinama baikwö laebobe Dios iwenetjö: Abrahamma Dios yöawi̧ ösödinobe, Diosma jweinö yöbawo̧, jö̧ba̧lö. Jejenö ösödiökwe Diosma jo̧banö jö̧a̧linobe, Chedemi bitema suli̧ jwibo̧, jö̧ba̧lö. Jejenö laebobe. Ja̧danö, ju'wi jawabi laebobe, Dios Abrahamnö yöawina, baikwö: Abrahamma ötjö chömöledöso̧. Jejenö laebobe Dios iwenetjö, Abraham ö̧jina iwȩyudinama— jejenö yöbawö chatadena ötjönö yöba̧lo̧nö, Ju'wedöma Jesúsnö tjo̧'wo̧ wana̧löda ja̧dö, i̧sekwökönö, yöba̧lo̧nöma.