1 Reyes 4:31 - Dios Iwene

³¹ Ezraita jojo Etan mikwo̧bi, Majol itji̧mu Heman mikwo̧bi, Calcol mikwo̧bi, Darda mikwo̧bi, okobe deinö yötja̧linawö̧, inesö waisanö omukwatadö, jö̧ba̧lö, jo̧kwaijayonö jobadötjöbi bajalekwönönö waisanö omukwato̧ ö̧jinobe Salomonma. Ja̧danö, jejenö waisanö omukwato̧ ö̧jiawö̧, okobe deinö israel niji ö'öbötenia tjitebotenia jojodöma, Salomonnö tja̧ja̧kwinobe, —Inesö jwiinö waisanö omukwato̧ma, Salomonda, —jö̧ba̧lö.

1 Reyes 4:31 ပူးပေါင်းရင်းမြစ်များ

1 Reyes 10:1

Ja̧danö, Saba niji inesö la'aka luwujuma Salomonnö ja̧ja̧kwinobe, —Isabenö Jo̧ pjaatökwe, jwiinö waisanö omukwato̧ Salomonma, —jö̧ba̧lö. Jejenö a̧ja̧kwaju, Salomon ö̧jobekwö israel nijibe jichinobe, waiyi̧ aekwa jo̧banö abebö ja̧ja̧kwobö, Salomon isabenö waisanö atadakwojobö jö̧balö.

1 Reyes 10:6

ja̧danö edaju, la'aka luwo̧ Salomonnö yöja̧linobe baikwö: —Ina ötjöda chitebonö chö̧jayi, ökwönö yötjawi̧ cha̧ja̧kwijatö, –Salomonma isabenö waisanö omukwato̧, ja̧danö inesö waisanö yöawakwawa jawa yöbawo̧, –jö̧ba̧lö yötjawi̧ cha̧ja̧kwijatö, jadanö isabenö jweinö yötjawinobe.

1 Reyes 3:12

akebaja̧danö chiyakwö. Jau Salomon, kwomajadenö okwa jawa jweinö waisanö kwomukwatobö chiyajabe. Isabenö waisanö kwomukwatobö chiyajobetjö̧, okobe deinö ökwötjö ajayinö ji̧nadötjö bajalekwönönö waisanö omukwato̧ kwö̧jakwo̧ja, ja̧danö debö kwi̧'yaja̧ okobe, bakwo̧bi ökwö waisanö kwomukwati̧danö omukwato̧ma deakobe.

1 Reyes 5:7

Salomon yöa̧li̧ yötjawiökwe, jwiinö o̧'wo ösöwachibanö a̧ja̧kwinobe Hiramma, ja̧danö a̧ja̧kwajo̧ yöa̧linobe, —Isabenö babe Isabenö Jo̧nö dösödobö jo̧be, Davidmine itji̧ waisanö omukwato̧nö la'aka luwo̧ baibanö kabebö ujuninobetjö̧. Jau, israel jojodöma inesö otiwadö juluwadö, ja̧danö jobadötjö inesö la'aka luwo̧ baibanö, David itji̧ waisanö omukwato̧nö kabebö ujuninobetjö̧, jo̧banö dösödobö jo̧be, —jö̧ba̧lö.

1 Crónicas 15:17

Ja̧danö, jobekwö weawö̧, Levisaso jojodöma Joel itji̧ Heman mikwo̧nö omudawö tjujuninobe, ja̧ lo̧awa jawa öbibö lo̧bebo̧ baibanö. Ja̧danö Hemankwö, ju'wedö ömöledö levisaso jojodönöbi omudawö tjujuninobe, yöne pjabatadö batjibanö, bidö: Berequias itji̧ Asaf mikwo̧nöbi, Merarisaso jojo Cusaias itji̧ Etan mikwo̧nöbi.

1 Crónicas 15:19

Ja̧danö omudawö tjujuninawö̧ bakwo̧nökwena tjotidawakwena baikwö laebobe: Lo̧awa luwedö Heman mikwo̧bi, Asaf mikwo̧bi, Etan mikwo̧bi omudawö tjujuninawö̧, broncetjö otikwa cimbalos jawa pjetjobö.

1 Crónicas 2:6

Ja̧danö Juda itji̧ Zerama itji̧mu ömadö bakwamubedönö itji̧kwinobe, bidö: Zimri mikwo̧bi, Etan mikwo̧bi, Heman mikwo̧bi, Calcol mikwo̧bi, Darda mikwo̧bi.

1 Crónicas 6:33

Jobekwö otidadö tjimibiyabi, tjitji̧mu tupadanö jojodö tjimibiyabi baikwö laebobe: Lo̧awa luwo̧ Heman mikwo̧ma, Coat itji̧mu tupdadanö jojodötjö bakwo̧. Jo̧ba a'dödö tjimibiya wȩyukwa'ye baikwö laebobe: Heman abe'doma Joel mikwo̧. Ja̧danö Joel abe'doma Samuel mikwo̧.

Daniel 1:20

Isabenö otiwanö waisanö tjomukwatinobe jobadöma. La'aka luwo̧ma nöinö abebö a̧ja̧kwinobe jobadönö, waisanö tjatadojobö jö̧ba̧lö. Waisanö omukwatakwawa ji̧ jawabi, waisakwawa ji̧ jawabi abebö a̧ja̧kwinobe, ja̧danö okobe deinö ju'wedötjö o̧penönö waisanö tjatadinobe. Okobe deinö Nabucodonosor ömöayedö mea boawa luwedötjöbi, yuawa luwedötjöbi jwiinö bajalekwönönö waisanö omukwatö tjatadinobe, domulatajanö baibanö jwiinö bajalekwönönö waisanö omukwatö tjatadinobe, Danielbi, ömöledöbi.

Mateo 12:42

Ja̧danö, Dios lȩebakwa̧ möle baibenama, Seba jojodö la'aka tjuluwujuma jamatö ökwödö wene kwujuna̧laduwi̧ yöjawakwuju. Jau, Seba jojodö la'aka tjuluwujunö kwöwaisaduwa, jobujuma jelobe ödö jö̧jinajayonö, damötjö Israel jojodö la'aka tjuluwo̧ Salomón waisanö yöawi̧ ja̧ja̧kwobö ödötjö jichinobe, ¿jö̧tö? Jo̧kwaijayonö ötjö Salomóntjö bajalekwönönö waisanö yöbawo̧ ökwödönö yötawijayonö, a̧ja̧kwöködöja. Jo̧kwajabetjö̧ Dios lȩebakwa̧ möle baibenama, Seba jojodö la'aka tjuluwujuma jamatö yöjawakobe ökwödönö, Salomón yöawi̧ cha̧ja̧kwinadanö bidöma Jesús yöawi̧ tja̧ja̧kwo jö̧tja̧linobe. Jo̧kwaijayonö, bidöma isabenö a̧ja̧kwöködö, jo̧kwajabetjö̧ isabenö Dios lȩebobö jo̧be, jö̧ba̧lö yöjawakobe ökwödönö— jö̧ba̧lö yöawinobe Jesúsma.

Mateo 4:24

Jejenö ja̧iawö̧, ba̧jekwadö tja̧ja̧kwinobe jo̧banöma, ja̧danö Siria niji bakwameachibanö jojodöbi jo̧banö tja̧ja̧kwinobe. Jo̧kwajabetjö̧, jo̧ba ö̧jobekwö tje'ewinobe okobe jwiinö tjö'wöchi̧tenia ja̧danö nitji̧tenia usula emawadönöbi, ja̧danö tjo̧'wo̧ luwo̧nö sulabedönö juna̧ladönöbi, ja̧danö nijinö mebö 'dö̧bachabidönöbi, ja̧danö 'wabadönöbi. Jejenö tjichejebiökwe, Jesúsma okobe deinö jobadönö tjö̧bibajinö otidö loinobe.

Lucas 11:31

Diosma isabenö babe möle ju̧kwadönö lȩebakobe, ja̧danö Dios lȩebakwa̧ möle baibenama, Seba jojodö la'aka tjuluwujuma jamatö ökwödö wene kwujuna̧laduwi̧ yöjawakwuju. Jau, Seba jojodö la'aka tjuluwujunö kwöwaisaduwa, jobujuma jelobe ödö jö̧jinajayonö, damötjö Israel jojodö la'aka tjuluwo̧ Salomón waisanö yöawi̧ ja̧ja̧kwobö ödötjö jichinobe, ¿jö̧tö? Jo̧kwaijayonö ötjö Salomóntjö bajalekwönönö waisanö yöbawo̧ ökwödönö yötawijayonö, a̧ja̧kwöködöja. Jo̧kwajabetjö̧ Dios lȩebakwa̧ möle baibenama, Seba jojodö la'aka tjuluwujuma jamatö yöjawakobe ökwödönö, Salomón yöawi̧ cha̧ja̧kwinadanö bidöma Jesús yöawi̧ tja̧ja̧kwo jö̧tja̧linobe. Jo̧kwaijayonö, bidöma isabenö a̧ja̧kwöködö, jo̧kwajabetjö̧ isabenö Dios lȩebobö jo̧be jö̧ba̧lö yöjawakobe ökwödönö.

Colosenses 2:3

Jo̧ba Cristoda okobe jwiinö jojodö ajayinö wajwitjina jawa waiso̧ma, jo̧batjö waisanö omukwatakwawabi, ja̧danö waisakwawabi döwaisachibo jö̧ba̧lö.