1 Reyes 3:27 - Dios Iwene

²⁷ Jejenö yötja̧liökwe, la'aka luwo̧ Salomonma öwaisachibinobe, —Tjemu a̧dekwanö ojo'doma ajayinö yöba̧lajuda, —jö̧ba̧lö̧, ja̧danö waisachibajo̧, weinobe: —Tjemunö kwabö lobökönö, ajayinö yöba̧lajunö kwiyaduwo, jobujuda tjemu a̧dekwanö ojo'do ju̧ju, —jö̧ba̧lö weinobe.

1 Reyes 3:27 ပူးပေါင်းရင်းမြစ်များ

1 Reyes 3:26

Jejenö weioko, tjemu a̧dekwanö ojo'doma, jwiinö jo̧'wo tjo̧achibinobe jitji̧nö, ja̧danö o̧'wo tjo̧achö yöja̧linobe, —Chuluwo, ja̧maökö, tjemunö kwabö lobökönö, wainö jelujunö kwiyo. Jau chuluwo̧, la'akatjöda kwabö loköboko, jelujunö kwiyo, —jö̧ba̧lö jo̧'wo tjo̧achö ajebinobe. Ja̧danö, jejenö yöja̧lonö, jelujuma yöja̧linobe, —Yöka̧laja̧ma jwea chuluwo̧, ö'wejenö kwubulato, ja̧danö ötjöbi, isujubi bakweminö ditji̧mu debadö dö̧jakwedösa, —jö̧ba̧lö yöja̧linobe.

1 Reyes 3:28

Jejenö waisanö omukwatö, lȩekwa yöawiawö̧, okobe deinö israel jojodöma tjaja̧kwinobe, jadanö a̧ja̧kwajadö, la'aka tjuluwo̧ Salomonö ösödö, otiwanö tjomukwatinobe jo̧banö, —Isabenö Diosda waisanö omukwatobö pjaatökwe, jweinö lȩekwa yöawobö waiso̧ duluwo̧ Salomonma, —jö̧ba̧lö.