1 Reyes 3:15 - Dios Iwene

¹⁵ Jemi ikenama, jejenö i̧'wi̧dinö edajo̧, wiluinobe Salomonma, ja̧danö wilubajo̧, öwaisachibinobe, —Aaa, chi̧'wi̧dinö Diosma ötjönö yöawajabeta, —jö̧ba̧lö. Ikenama Jerusalenbe ȩwa̧jinobe Salomonma, ja̧danö Isabenö Jo̧ wei̧ wȩyukwa öbiya döbölataja a̧ja̧pjo öba a'o ja̧nö, jwiinö ubinö iyawabi, Dioskwö ösökwö ja̧kwawa jawa iyawabi Diosnö iyinobe, jadanö ba'ali ujuninobe, okobe deinö ömöayedö tjukwobö.

1 Reyes 3:15 ပူးပေါင်းရင်းမြစ်များ

Génesis 28:16

Ikenama Jacobma wiluibö omukwatijetö ¡ayö! Isabenö Jo̧ Diosma benada ö̧jijayonö wajwitatö, jö̧ba̧lö.

Génesis 31:54

Ikenama Jacobma iteda a̧jwi̧mu̧tjö̧ bakwo̧nö kwabö juwö iyijetö Diosnö ösödö. Kwaajökwe ömöledönö tjukwobö, Ichaduwi kwukwaduwo, jö̧ba̧lö, jwöbijetö. Kwanö kabatö abijadötö jobe, mö'ösa'iju ba̧ba̧lawena.

Génesis 40:20

Ja̧danö, José yöawaja̧danö baledijetö wa̧pötakwa möle baibena. Ja̧ mölema faraón cumpleaños möleobetjö̧ fiesta nöinö junijadötö, faraón ömöayedö tjukwobö. Ja̧danö, ömöayo̧ owa'do̧ iyawa jojonöbi, ja̧danö ömöayo̧ pan otikwa jojonöbi ka̧lela tjöba̧jelö latjebobö webijetö. Labebö tjichejebobö webijetö, faraón ömöayedö fiesta tjukwobekwö.

Génesis 41:7

Ikenama ja̧ pjei̧ochobiya otiwi̧ ochoawi kwibobekwö. Faraónma jejenö 'wi̧di̧kwibö wiluibijetö. Wiluibö, ¡Ayö! ¡'Wi̧di̧kwöda chi̧'wi̧dikwajabe! jö̧ba̧lö waisachibijetö.

1 Reyes 3:16

Jemi ikenama, ju'wi möle ya̧dö duju̧taja, tji̧lȩkwamuböködökwö mikwanö 'da̧'da̧bakwawö ju̧kwadöma Salomon öba a'o ichibö tjö̧jinobe.

1 Reyes 8:63

Jwiinö ba̧jȩkwadö ajikwakwawedönö kwabö juwö tjiyinobe, Dioskwö ösökwö ja̧kwawa iyawa baibanö, pakayadötjö veintidos milbedönö kwabö juwö tjiyinobe, ja̧danö obejadötjö ciento y veinte milbedönö kwabö juwö, Dios öba a'o ba'ali tjukwinobe. Jobekwö laebobe Salomonbi, okobe deinö ju'wedö israel jojodöbi, ajayinö Salomon otidineju Isabenö Jo̧ ejutjö, ajayinö tjösödinama. Ja̧ möleda Isabenö Jo̧ eju baibanö, 'da̧batö tjujuninobe, Salomon otidinejuma.

1 Reyes 8:65

Ja̧ mölema, Salomonbi, ju'wedö israel jojodöbi dötölataja semana baledibanö, jobe duluwo̧ Isabenö Jo̧ öba a'o ba'ali tjujuninobe. Israel jojodötjö isabenö ba̧jȩkwadö ja̧ ba'ali tjujuninobe, okobe jwiinö israel niji ba̧kwemeachibanö ju̧kwadö ichö tjujuninobe, u'da ji̧ comunidad Lebo Jamattjö, a̧li̧kwösödö, Egipto niji ö'öbösödö ojwebe ichibanö.

1 Crónicas 16:3

Ja̧danö ju'wibi, okobe deinö jobe ju̧kwadö Israel jojodönö ömadönöbi, ya̧dönöbi bakwo̧nökwena kwakwawa iyabinobe, pansapja̧ bakwapja̧bi, itebiyabi, ubatjö dalö isa'o baibanö tjotidinabi iyinobe, tjukwobö.

Daniel 5:1

Ja'yubenö lekwajabetjö Nabucodonosor ö'wö baibaja̧ ikenama, Nabucodonosor itji̧ Belsasar mikwo̧ma Babilonia la'aka luwo̧ ö̧binobe. Ja̧danö, ju'wi möle pjiesta ujuninobe, iteda ömöaeyedö la'aka luwedö tjukwobö, ja̧danö jobadö milbedökwö nöinö ubasobu o̧'dobu owinobe.

Marcos 6:21

Ja̧danö, Herodíasma Juannö kwabö lotjonötö jö̧ba̧lö jösödijayonö Herodesma öpöjödijetö. Jejenöijayonö ju'wi möle Herodías jösödi̧danö, Juannö kwabö lotjo jö̧ba̧lö jösödi̧ma baledijetö. Baikwö baledijetö: Ju'wi möle, Herodes u̧kwa cumpliaños möle baibijetö. Yelösöda nöinö pjiesta junijetö Herodesma, iteda öba̧ja̧di̧ waisachadö la'aka luwedöbi, 'böawa jojodö tjuluwedöbi, Galilea nijinö ju̧kwadö balada juna̧ladöbi tjukwobö.