1 Reyes 3:12 - Dios Iwene

¹² akebaja̧danö chiyakwö. Jau Salomon, kwomajadenö okwa jawa jweinö waisanö kwomukwatobö chiyajabe. Isabenö waisanö kwomukwatobö chiyajobetjö̧, okobe deinö ökwötjö ajayinö ji̧nadötjö bajalekwönönö waisanö omukwato̧ kwö̧jakwo̧ja, ja̧danö debö kwi̧'yaja̧ okobe, bakwo̧bi ökwö waisanö kwomukwati̧danö omukwato̧ma deakobe.

1 Reyes 3:12 ပူးပေါင်းရင်းမြစ်များ

1 Reyes 2:6

Jo̧banö lȩkebakwa̧ma, ökwöda kwomukwati̧danö lȩkebonö chitji̧. Jo̧kwaijayonö sulabenö jainobetjö̧, lekwe möle wene jwiinö janö, wene jwiinö ö'wö baibobö weköboko, ju'wedönö sulabenö kwabö loinobetjö̧, balekwa mikwa jelo̧ kwabö löajökwe Joab ö'wö baibobö weköbo.

1 Reyes 2:9

Jo̧kwaijayonö ökwöma, isabenö jo̧ba sulabenö ja̧ina omukwatö jo̧banö lȩkebobö ja̧kobe Salomon. Ökwöma waisanö omukwato̧ja chitji̧, ja̧danö otiwanö jo̧banö lȩkebakwa̧ kwöwaisakwo̧ja. Baikwö wetakwö jo̧banö, wene jwiinö ö'wö baibobö weköboko, jelo̧ kwabö loajökwe, ökwösobu ku̧kwinö ebawö ö'wö baibobö weköbo, —jö̧ba̧lö yöa̧linobe Davidma, itji̧ Salomonnö.

1 Reyes 3:28

Jejenö waisanö omukwatö, lȩekwa yöawiawö̧, okobe deinö israel jojodöma tjaja̧kwinobe, jadanö a̧ja̧kwajadö, la'aka tjuluwo̧ Salomonö ösödö, otiwanö tjomukwatinobe jo̧banö, —Isabenö Diosda waisanö omukwatobö pjaatökwe, jweinö lȩekwa yöawobö waiso̧ duluwo̧ Salomonma, —jö̧ba̧lö.

1 Reyes 5:12

Isabenö Jo̧ ajayinö Salomonnö yöbawö ujuninadanö, Salomon waisanö omukwatobö pjaatinobe, ja̧danö waisanö omukwatö, Salomonma Hiramkwö dösö̧lö̧jinö pjabatakwawö tjö̧jakwa̧ wene yöbawö tjujuninobe, jadanö wene jwiinö tjö̧jinobe.

1 Reyes 5:9

Towibiya jubajadö, ötjö chömöayedöma o'obiya tjisuwedobö nu'yanö tjotidakobe, ja̧danö nu'ya̧lajadö, jwaibalawabenö tjisuwedakobe kwitebobe, omudawö kwujunemi tjolabe tjichibenanö. Ja̧danö jobe ichibajadö, ejatö tjiyakobe, jobetjö kwemobö. Ja̧danö ja jawa mikwawi̧ kwimidakwa̧ma, baikwö yöta̧la, jejenö chiyi̧tjö̧, ökwöma ötjö la'aka luwo̧ chejunö dukwakwa̧ kwakwawa kwiyakwo̧ja, —jö̧ba̧lö atadö weinobe Hiramma.

1 Crónicas 29:25

Ja̧danö, Isabenö Jo̧ otiwanö pjaatinobe Salomonnö. Otiwanö kabebö ujuninobe Salomonnö, okobe deinö israel jojodö otiwanö jo̧banö tjomukwatakobetjö̧, ja̧danö okobe deinö jo̧batjö ajayinö ji̧nadö la'aka luwedötjö bajalekwönönö, otiwanö Salomonnö tjomukwatobö pjaatinobe, jwaikwöda —Isabenö otiwanö domukwato jö̧da̧lökwe Salomonma, okobe deinö wei̧ a̧ja̧kwö dö̧jo, —jö̧ba̧lö omukwatö tjö̧jenanö.

Proverbios 2:6

Jao chitji̧, Isabenö Jo̧da ökwönö jweinö kwomukwatobö pjabato̧ma. Jo̧bada ökwönö ju'wi jawabi ju'wi jawa kwöwaisobö pjabato̧ma. Ja̧danö, Isabenö Jo̧da ju'wi jawabi ju'wi jawa ¿di̧ya sulojobö jö̧ba̧lö, di̧ya otiwojobö jö̧ba̧lö kwöwaisachibobö pjabato̧ma.

Isaías 65:24

Ötjönö atjebakwa̧ abönö, juluwanö teada̧lökönö jobadönö pjatatakwo̧sa, ina abebö, yöba̧lö katjatakwa̧ abönö, ida̧ökö atjebakwa̧ atadö, otiwanö pjatatakwo̧sa.

Daniel 1:17

Diosma isabenö otiwanö pjaatinobe Danielnöbi, wa̧medukwa ömöledönöbi, ju'wedötjö bajalekwönönö waisanö tjomukwatobö, ja̧danö ju'wedötjö bajalekwönönö Babilonia jojodö tjiwȩyudina jawabi, ju'wi tjöwaisachi̧ jawabi tjöwaisachibobö. Ja̧danö ju'wibi Danielnö pjaatinobe, tji̧'wi̧dinö tjedi̧ jawabi, tji̧'wi̧didanö tjedi̧ jawabi labebö lobö yöawobö.

Mateo 12:42

Ja̧danö, Dios lȩebakwa̧ möle baibenama, Seba jojodö la'aka tjuluwujuma jamatö ökwödö wene kwujuna̧laduwi̧ yöjawakwuju. Jau, Seba jojodö la'aka tjuluwujunö kwöwaisaduwa, jobujuma jelobe ödö jö̧jinajayonö, damötjö Israel jojodö la'aka tjuluwo̧ Salomón waisanö yöawi̧ ja̧ja̧kwobö ödötjö jichinobe, ¿jö̧tö? Jo̧kwaijayonö ötjö Salomóntjö bajalekwönönö waisanö yöbawo̧ ökwödönö yötawijayonö, a̧ja̧kwöködöja. Jo̧kwajabetjö̧ Dios lȩebakwa̧ möle baibenama, Seba jojodö la'aka tjuluwujuma jamatö yöjawakobe ökwödönö, Salomón yöawi̧ cha̧ja̧kwinadanö bidöma Jesús yöawi̧ tja̧ja̧kwo jö̧tja̧linobe. Jo̧kwaijayonö, bidöma isabenö a̧ja̧kwöködö, jo̧kwajabetjö̧ isabenö Dios lȩebobö jo̧be, jö̧ba̧lö yöjawakobe ökwödönö— jö̧ba̧lö yöawinobe Jesúsma.

Deuteronomio 34:9

Moises ö'wö baibakwa̧ abönö, ömamiju Josuenö 'bieba̧linobe, —Biteda israel jojodönö öbibö ö̧jakwo̧, —jö̧ba̧lö, ja̧danö Diosma pjaatinobe Josuenö, otiwanö waisanö omukwatobö. Jo̧kwajabetjö̧, Israel jojodöma otiwanö Josue wei̧ a̧ja̧kwö tjö̧jinobe, ja̧danö Isabenö Jo̧ weina Moises yöawina jawa ja̧bö tjö̧jinobe.

Colosenses 2:3

Jo̧ba Cristoda okobe jwiinö jojodö ajayinö wajwitjina jawa waiso̧ma, jo̧batjö waisanö omukwatakwawabi, ja̧danö waisakwawabi döwaisachibo jö̧ba̧lö.