1 Reyes 22:6 - Dios Iwene

⁶ Aebökwe, israel la'aka luwo̧ Acabma Dios yöawi̧ yöbawadönö o̧ko̧kodinobe, cuatro cientos jenanö ba̧jȩkwadö yöbawadönö. Ko̧ko̧dajo̧, jobadönö abebö a̧ja̧kwinobe: —Dakwö weobeda Diosma, Ramot Galaadbe ölakwabikwawö chi̧'yobö jo̧beji̧? Ölakwabikwawö chi̧'yobö jwiobeji̧? —jö̧ba̧lö. Abebö a̧ja̧kwawö̧, —Jau, ölakwabikwawö kwi̧'yo, ja̧danö duluwo̧ Diosma ökwö la'aka duluwo̧ kwujuluwobö pjaatakwo̧, —jö̧ba̧lö tjatadinobe.

1 Reyes 22:6 ပူးပေါင်းရင်းမြစ်များ

1 Reyes 12:9

—Ökwödö kwedaduwemi, idö –Kwabe'do ömökanö dotidobö weinadanö webökönö, baikwönönö ejeanö weköbobö adebakwö, –jö̧balö atjebaja̧ma, dakwö chatadobö jo̧beda? —jö̧ba̧lö.

1 Reyes 18:19

—Babema baikwö wetakwö: Ötjöma Carmelo mösa'o chö̧jocha, ja̧danö kwömöayedönö weköbo, okobe deinö israel jojodönö ko̧ko̧dö, öbibö tjichejebobö chö̧jobekwö, Carmelo mösa'obe. Jadanö ju'wibi kwilekwo Jezabel jitea mesasötetjö kwadönöbi kwichejebo, tjösödökwe Baal yöawi̧ yöbawadö cuatrociento cincuentabedönöbi, tjösödoko Asera yöjawi̧ yöbawadö cuatrocientosbedönöbi, —jö̧ba̧lö weinobe Eliasma, Acabnö.

1 Reyes 18:20

Elias weaja̧danö weinobe Acabma, okobe deinö israel jojodönö Carmelo mösa'otjö tjo̧ko̧kokwobö weinobe, ja̧danö tjösödawö̧ o̧'wo jawa yötjawi̧ yöbawadönöbi Carmelo mösa'otjö tjo̧ko̧kokwobö weinobe.

1 Reyes 22:10

Israel la'aka luwo̧ Acabbi, Juda la'aka luwo̧ Josafatbi bakwonökwenö tjiteaka la'aka luwo̧ tjöbajitjakanö isakanö tjö̧binobe, Samaria comunidad tjeachakwawemi badeibö, trigo chabö loaweju jȩmima. Ja̧danö luwedö 'dubawajitjadanö, bakwo̧nökwena tjö̧kamiji̧do̧, la'aka luwedö 'dutjawa̧do̧ 'dubawö tjö̧jinobe. Jobe tjö̧bemi ja'ötjö, Dios yöawi̧ yöbawadöma, —Diosma isabenö pjaatakwo̧, —jö̧ba̧lö yöbawö tjö̧jinobe.

1 Reyes 22:15

Ja̧danö, Micaias la'aka luwo̧ öba a'o ichibenama, la'aka luwo̧ Acabma jo̧banö abebö a̧ja̧kwinobe: —Micaias, Ramot Galaad comunidad mebibö dölakwabikwawobö jo̧beji̧? Dölakwabikwawoböma jwiobeji̧? —jö̧ba̧lö. Abebö a̧ja̧kwökwe, —Jau, mebibaji, Isabenö Joma ökwö la'aka luwo̧nö iyakobe, kwujuluwobö, —jö̧ba̧lö obö atadinobe Micaiasma.

1 Reyes 22:5

Jemi ikenama, tupakwö yöa̧linobe Josafatma Acabnö, —Jobe di̧'yakwa̧ abönö, ökwönö ateba, abönö Isabenö Jo̧ yöawakwa̧ abebö da̧ja̧kwo, weojobö, weokojobö, —jö̧ba̧lö.

2 Reyes 10:19

Jo̧kwajabetjö̧, okobe deinö Baal yöawi̧ yöbawadönöbi, okobe deinö Baalnö ösödadönöbi, okobe deinö Baaltjö jojodötjö ö'weje pjabatadönöbi jwököbaduwo, bakwo̧bi deinö okobe deinö tjichobö jo̧be, inesö otiwi̧ iyawa Baalnö chiyakobetjö̧. Isabenö okobe deinö tjichobö jo̧be, ja̧danö Baalnö ösödadötjö bakwo̧ ichobö öpöjöditjö̧ma, ö'wö baibobö ja̧kobe, —jö̧ba̧lö yöbawö weinobe Jehuma. Jo̧kwaijayonö, jobekwö yöa̧li̧ma, isabenö wene yöa̧linokobe, 'daliwadanö omöna yöawinobe, okobe deinö Baalnö ösödadönö söbebö loakobetjö̧.

2 Reyes 3:13

Jobekwö tjichibiökwe, Eliseoma Israel la'aka luwo̧ Joramnö yöa̧linobe: —Ökwödöma bakwaiböködösa, ötjöma Diosnö ösödo̧ chö̧jonö, ökwöma ju'wedönö ösödo̧ja. Jo̧kwajabetjö ötjönö abebö a̧ja̧kwökönö, kwabe'do ja̧danö kwojo'do abebö tja̧ja̧kwinawö̧, tjösödawö̧ yötjawi̧ yöbawadönö abebö kwa̧ja̧kwo, —jö̧ba̧lö. Yöa̧liökwe, —Ja̧maökö Eliseo, Isabenö Jo̧ Diosda ökwödönö ko̧ko̧dö jwöbina, baikwö dichibanö iyö loobö, Moab la'aka luwo̧ ökwödönö ujuluwakobetjö̧. Ja̧danö jo̧bada ökwödönö iyö loobetjö̧, jo̧ba yöawi̧ abebö da̧ja̧kwakwö, —jö̧ba̧lö atadinobe Israel luwo̧ Joramma.

Isaías 36:10

—Ju'wibi yötawakwö, –Isabenö Jo̧ma pjaatakwo̧, –jö̧ba̧lö kwo̧'wo kwöwana̧loböma jwiobe, baikwö yöta̧la: Kwedemi Isabenö Jo̧ Dios weokonö, baikwö ökwödökwö dölakwabikwawobö dichinenaji̧? Ja̧maökö, Isabenö Jo̧ Diosda ökwödönö weinobe, –Juda nijibe 'ya̧nö, kwujuluwaduwo, –jö̧ba̧lö, isabenö ökwödö dujulutjö kwö̧jibobö pjaatökakwo̧, —jö̧ba̧lö yöa̧linobe Asiria la'aka luwo̧ ömöayo̧ yöawi̧ yöbawo̧ma.

Mateo 7:15

Tupakwö yöawinobe Jesúsma: —Chömöledö, ö'wiakwawönö edö kwö̧jaduwo sulabenö yöbawadönö. Jobadöma, Dios yöawi̧ yöbawadösa, jö̧ba̧lö yötja̧lijayonö, omöna yöba̧ladö. Ja̧danö wanedö yötawa: O̧bȩja̧dödanö ichejekwadö tjichejekwijayonö, o̧bȩja̧döböködö. Labidö. Tebo a̧wi̧li̧dödanöbedö chömöledö.

2 Timoteo 4:3

Jau Timoteo, isabenö kwo̧'wo̧ 'dibachibö yökawobö ja̧kobe, baikwö yötawa: Ja'yubenö lekwajabetjö jojodöma otiwanö ba̧ja̧dakwawa tja̧ja̧kwobö tjöpöjödachibakobe, tjo̧wi̧ta, da̧ja̧kwökö jö̧ba̧lö. Ja̧danö, jejenö öpöjödö, idöda tjösödi̧da yöbawadönö tjisakwakobe, tjösödi̧ jawada yöbawadönöma.

Apocalipsis 19:20

Jo̧kwaijayonö kabayu dewo̧ wamenö wo̧ma, iteda ömöayedökwö ojwe okwatjö labebinanö do̧a̧lobe chedijatö. Ja̧danö, böjȩ teebetjö labebinanö, Dios iwene yöbawo̧sa, jö̧ba̧lö, omöna yöba̧lo̧nöbi do̧a̧lobe chedijatö. Ja̧danö, jo̧ba böjȩ teebetjö labebinama, ujulu i̧sebö jojodönö jelobekwö tjomukwatinö öbibo̧, ojwe okwatjö labebinanöbi, jo̧ba o̧'wo̧ jawabi tjösödinö. Ja̧danö, jo̧bama, jojodönö jelobekwö tjomukwatinö, tjöbanöbi, tjömamiju tjöwaisobekwöchobesamunöbi ojwe okwatjö labebina imi seyu do̧bö wȩyukwa tjösödobö öbibo̧. Ja̧danö, kabayu dewo̧ wamenö wo̧ma, jobadö du̧ju̧tajanöma, ina 'yaba̧ladönöma, ökwöla nöola okwa loobe chedijatö, jwiinö tubinö azufre mikwi̧ ubolanö.