1 Reyes 22:30 - Dios Iwene

³⁰ Ja̧danö, israel la'aka luwo̧ Acabma Josafatnö yöa̧linobe, —Dölakwabikwawenama, ötjöma jelo̧ la'aka luwo̧bö̧kö̧danö 'dubawö ölakwabikwawö chö̧jakwo̧sa, ja̧danö ökwöda inesö la'aka luwo̧ 'duawaji̧ado̧ 'dubawö kwö̧jakwo̧ja, –jö̧ba̧lö. Ja̧danö yöba̧lajo̧, tjölakwabikwawenama, jelo̧danö ichejekwö ölakwabikwawö ö̧jinobe israel la'aka luwo̧ Acabma.

1 Reyes 22:30 ပူးပေါင်းရင်းမြစ်များ

2 Samuel 14:2

Jo̧kwajabetjö̧ weinobe, Tecoa comunidadtjö bajwuju waisuju jichobö. Ja̧danö, ichibajunö weinobe, —Tjö̧möledö wotjiawö̧ budekwadödanö kwichejekwinö ja̧bi, budekwadö 'dutjawa̧do̧ 'dubawö. Ja̧danö, budekwuju, jömöledö debö tji̧'yioko lekwe möle budekwuju kwichejekwi̧nö, omewasobu dubawökönö ja̧nö,

1 Reyes 14:2

Jejenö 'dö̧achiökwe, iteda ilekwonö weinobe Jeroboanma, —Jelujudanö jöbabiyawinö otikwi, ötjö Jeroboan chilekwo kwö̧ji̧ öwawökakobetjö̧. Ikenama, Silo comunidadbe kwi̧'yo, Dios yöawi̧ yöbawo̧ Ahiasnö abebö kwa̧ja̧kwobö. Jau chilekwo, damötjö̧ Dios yöawi̧ yöbawo̧ Ahiasda bemi niji la'aka luwo̧ batibakwa̧ yöbawinama, ja̧danö jo̧bama Silo comunidadnö ö̧jobe, jokwajabetjö̧ jobe abebö kwi̧'yo.

1 Reyes 20:38

Jemi ikenama Dios yöawi yöbawo̧ iniya tjöbo̧ma öba möchekwa̧do̧ 'duawinobe, jo̧banö tjöwaisapji jö̧ba̧lö, ja̧danö 'dubawajo̧, la'aka luwo̧ Acab öbaledakwa̧ mana ö'öböbe i̧'yinobe, la'aka luwo̧ öbaledakwa̧ itea'da̧lobö.

1 Reyes 22:10

Israel la'aka luwo̧ Acabbi, Juda la'aka luwo̧ Josafatbi bakwonökwenö tjiteaka la'aka luwo̧ tjöbajitjakanö isakanö tjö̧binobe, Samaria comunidad tjeachakwawemi badeibö, trigo chabö loaweju jȩmima. Ja̧danö luwedö 'dubawajitjadanö, bakwo̧nökwena tjö̧kamiji̧do̧, la'aka luwedö 'dutjawa̧do̧ 'dubawö tjö̧jinobe. Jobe tjö̧bemi ja'ötjö, Dios yöawi̧ yöbawadöma, —Diosma isabenö pjaatakwo̧, —jö̧ba̧lö yöbawö tjö̧jinobe.

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

1 Samuel 28:8

Yötjawökwe, Saulma jeledo̧ 'duawinobe, jo̧banö tjöwaisapji jö̧ba̧lö, ja̧danö 'dubawajo̧, jo̧babi, ömöayedö du̧ju̧tajabi yö̧te jobuju jejube tji̧'yinobe. Ichibajadö, Saul yöa̧linobe, —Atebakwö, bakwo̧ wobina o̧'wo luwo̧nö jwököbobö, jwököbakwo̧ imi yötawocha, jwököbobö, —jö̧ba̧lö.