1 Reyes 22:27 - Dios Iwene

²⁷ Tjöba a'o ichibajadö, weti̧ jobadönö yökawaduwo, baikwö: –Bite Micaiasnö ka̧lena kwödaduwo, ja̧danö sule ja'yubeda pan ukwobö, ja̧danö ojwiyo owobö kwiyaduwonö, ötjö Acab wene jwiinö Ramot Galaadbetjö chȩwa̧jenanö baibanö, –jö̧ba̧lö weti̧ yökawodönö, —jö̧ba̧lö weinobe Acabma.

1 Reyes 22:27 ပူးပေါင်းရင်းမြစ်များ

1 Reyes 13:4

La'aka luwo̧ Jeroboanma a̧ja̧kwinobe, Dios ömöayo̧ Betelnö ji̧ iyawöte jawa baledakwa̧ jwöbeba̧lö yöawaja̧ma, ja̧danö a̧ja̧kwajo̧, iyawöte badeibö ja̧nö Dios ömöayo̧ ö̧jobekwö debö i̧sebö weinobe ömöayedönö, —Itenö do̧bataduwinö, —jö̧ba̧lö. Jo̧kwaijayonö, jejenö debö i̧sebenama, Jeroboan ömamuma juluwanö kököbachibö 'diachibinobe, ömamu töekwökenanö.

1 Reyes 22:26

Jemi ikenama israel la'aka luwo̧ Acabma ömöayedönö weinobe, —Bite Micaiasnö do̧bataduwi, ja̧danö do̧batajadö, bemi comunidad la'aka luwo̧ Amonbi, chitji̧ Joas mikwo̧bi tjö̧jobekwö e'ewaduwinö.

Isaías 30:20

Jau chömöledö, babe ökwödönö lȩbebö, isabenö wene kwöbaledaduwobö webo̧ Diosma, ökwödönö ö̧ba̧jadakobetjö̧. Babe u̧ju̧kwawobedanö ichejekwa, jokwaijayonö tupakwö uju̧kwawökakwo̧ chömöledö, isabenö kwöbajaleduwinö kwedaduwakwedöja, ökwödönö ba̧ja̧do̧ Diosnö.

Lucas 3:20

Yöawiökwe, ödameakwinobe Herodesma, ja̧danö ajayinö sulabenö ja̧ajemitjö bajalekwönönö ju'wibi sulabenö ja̧inobe: Juan yöawi̧ öpöjödö Herodesma Juannö ka̧lena ö̧bobö ödinobe.

Hechos 26:10

Jo̧kwaobetjö̧ cho̧'wo̧ sulinö edö jwiinö inia tjötjinö ja̧biachijatö jobadönöma, Jerusalénnö ju̧kwadönöma. Jojodötjö Diostjö ö'weje pjabatadö tjuluwedönö ötjönö wetjobö atebijatö, Jesúsnö ösödadönö do̧batö ka̧lena ba̧kwaweju okwa tjödakwa̧ ja̧tobö. Ju'wibi ja̧tijatö. Weawa yöawakwawa jojodö, Kwabö lododönö, jö̧ba̧lö, yötjawena, ötjöbi, Jau, otiwa, jö̧ba̧lö, chösödijatö.

Hechos 5:18

Jo̧kwaobetjö̧ Jesús webawedö tjuju̧kwobekwö 'ya̧nö do̧batö e'ewijadötö ka̧lena ba̧kwaweju okwa tjödobö.

Efesios 3:1

Diosma jejenö ökwödö judío jojodöböködönö otiwanö pjaatinobetjö̧ ökwödönö omukwatö atebobe jo̧banöma. Chömöledö, ötjöma Cristo Jesús webawo̧sa iteda weina yötawobö. Ja̧danö, ökwödönö yötawobö weina yötawobetjö̧ ka̧lena ba̧kwaweju okwa tjödinökwesa.

Deuteronomio 16:3

Ja̧danö, ja̧ iyawa kwukwaduwenama, ye'yeachi̧ jawakwö kwukwaduwoko chömöledö. Ja̧ ba'ali kwukwaduwena, jelemutjö dötölataja möle baledibanö ye'yeachi̧ jawa jwi̧i panda kwukwaduwo. Ja̧ panma, usula emawa jawa pan ötjabobe, baikwö labebö lobö yötawa: Juluwanö teada̧lökönö Egipto nijitjö lakebinaduwobetjö̧, pan ye'yeachakwa̧ kwiteada̧loböma jwiinobe, juluwanö lakebaduwobetjö̧, jö̧tö? Ja̧danö ba̧kwelöjatebö Dios mönö öbaledina omukwatakwawa ba'ali kwukwaduwenama, ja̧ panbi kwukwaduwo, ba̧kwelöjatebö ja̧ Egipto nijitjö juluwanö lakebinaduwa kwomukwatibaduwakobetjö̧.

Hebreos 11:36

Ja̧danö ju'wedöbi tjuju̧kwinobe, Diosnö tjo̧'wo̧ wana̧ladöma. Jobadönö oböbi, kwakwaböbi kwakwatjinobe. Ja̧danö, di̧batö tjödinobe ka̧lena ba̧kwawejunö.

Apocalipsis 2:10

Yötawaduwakwö lekwokobetjö inia tjököbaduwinö baledakobe ökwödönöma. Jejenö baledi̧ma yekabiduwoko, chömöledö. Kwo̧'wo̧ 'dibachibö kwö̧jaduwo. A̧ja̧kwaduwitjö. Awetjama ökwödötjö ju'wedönö ka̧lena ba̧kwawejunö tjödobö weakobe, ötjönö kwo̧'wo̧ kwöwana̧laduwi̧ma kakatibaduwojobö edobö. Ja̧danö, jo̧bama inia tjököbaduwinö ja̧tjobö weakobe, ja'yubeda lekwe, domulataja möle baibanö. Ja̧danö, chömöledö, kabatibökönö kwo̧'wo̧ kwöwana̧laduwotjö, kwabö lotjobö jö̧tja̧lenabi. Yekabiduwoko chömöledö. Ö'wö bakibaduwaja̧ ikena, chöba a'o kwichibaduwena, ba̧kwȩlö̧jatebö ja̧kwawa chiyakwo̧sa, Otiwanö kwujuluwaduwajabe, jö̧ba̧lö.