1 Reyes 22:25 - Dios Iwene

²⁵ Yöa̧lökwe, —Isabenö yötawakwö̧, isabenö kwöwaisachibakwo̧ja Isabenö Jo̧ma isabenö yötawaja̧danö yötawobö weajabe jö̧ba̧lö. Jau Sedequias, yötawaja̧danö baledenama, okwasȩko̧ okwa kwuju̧kwawobö tekachakwo̧ja, ja̧danö jenada kwöwaisachibakwo̧ja, –Ayö, isabenö jweinö yöbawina Micaiasma, –jö̧ba̧lö atadinobe Micaiasma.

1 Reyes 22:25 ပူးပေါင်းရင်းမြစ်များ

1 Reyes 20:30

Ja̧danö, jejenö kwabö lotjiawö̧, siria jojodötjö ji̧bajadöma Afec comunidadbe dötjibajinobe, tjöekwemi o̧pe tjö̧jibobö, jo̧kwaijayonö Afec comunidad tjöekwemi jobadönö kwaibinobe, ja̧danö veintisiete milbedönö 'dabebö loinobe. Siria la'aka luwo̧ Ben-adadbi Afec comunidadbe döibajinobe, jadanö comunidad okwa tebachajo̧, okwasȩko̧nö uju̧kwawinobe.

1 Reyes 22:26

Jemi ikenama israel la'aka luwo̧ Acabma ömöayedönö weinobe, —Bite Micaiasnö do̧bataduwi, ja̧danö do̧batajadö, bemi comunidad la'aka luwo̧ Amonbi, chitji̧ Joas mikwo̧bi tjö̧jobekwö e'ewaduwinö.

2 Reyes 9:2

Ja̧danö, jobe ichibajo̧, Jehu mikwo̧nö kwisakwo. Jehunö badekwajo̧, a̧la̧ibö, ju'wedö ömöledötjö 'da̧bachibö i̧'yobö ökibo, okwasȩko̧be.

2 Pedro 2:1

Jau chömöledö, Dios yöawi̧ yöbawadöma Dios O̧'wo̧ Luwo̧ yöawi̧da yötjawinobe, jo̧kwaijayonö, jobadö otiwanö yötjawonö, Dios yöawi̧ yöbawöködöbi yötjawinobe. Jobadöma Dios yöawi̧ yötjawököjayonö, Dios yöawi̧ yöbawadösa, jö̧ba̧lö omöna yötja̧linobe. Ja̧danö chömöledö, ökwödö kwö'da̧deduwitjö jobadöjayedö omöna yöbawadö tjö̧jakobe chömöledö, Dios iwene yöbawadösa, jö̧ba̧lö omöna yöba̧ladöma. Jobadöma isa̧ökö wene yötjawakobe, suli̧ tjöwaedotö jö̧ba̧lö. Ja̧danö ju'wibi, Duluwo̧nö, jobadö tjö̧jibobö midawinanö tjöpöjödakobe, la'aka luwo̧bö̧kö̧ jö̧ba̧lö. Jejenö suli̧ waedadöma, Dios juluwanö jobadönö lȩebobö ja̧badö chömöledö.

Apocalipsis 19:20

Jo̧kwaijayonö kabayu dewo̧ wamenö wo̧ma, iteda ömöayedökwö ojwe okwatjö labebinanö do̧a̧lobe chedijatö. Ja̧danö, böjȩ teebetjö labebinanö, Dios iwene yöbawo̧sa, jö̧ba̧lö, omöna yöba̧lo̧nöbi do̧a̧lobe chedijatö. Ja̧danö, jo̧ba böjȩ teebetjö labebinama, ujulu i̧sebö jojodönö jelobekwö tjomukwatinö öbibo̧, ojwe okwatjö labebinanöbi, jo̧ba o̧'wo̧ jawabi tjösödinö. Ja̧danö, jo̧bama, jojodönö jelobekwö tjomukwatinö, tjöbanöbi, tjömamiju tjöwaisobekwöchobesamunöbi ojwe okwatjö labebina imi seyu do̧bö wȩyukwa tjösödobö öbibo̧. Ja̧danö, kabayu dewo̧ wamenö wo̧ma, jobadö du̧ju̧tajanöma, ina 'yaba̧ladönöma, ökwöla nöola okwa loobe chedijatö, jwiinö tubinö azufre mikwi̧ ubolanö.