1 Reyes 22:10 - Dios Iwene

¹⁰ Israel la'aka luwo̧ Acabbi, Juda la'aka luwo̧ Josafatbi bakwonökwenö tjiteaka la'aka luwo̧ tjöbajitjakanö isakanö tjö̧binobe, Samaria comunidad tjeachakwawemi badeibö, trigo chabö loaweju jȩmima. Ja̧danö luwedö 'dubawajitjadanö, bakwo̧nökwena tjö̧kamiji̧do̧, la'aka luwedö 'dutjawa̧do̧ 'dubawö tjö̧jinobe. Jobe tjö̧bemi ja'ötjö, Dios yöawi̧ yöbawadöma, —Diosma isabenö pjaatakwo̧, —jö̧ba̧lö yöbawö tjö̧jinobe.

1 Reyes 22:10 ပူးပေါင်းရင်းမြစ်များ

1 Reyes 18:29

Möle ja'ö baledibanöbi, jemi tupakwöbi jobekwö tjo̧'wo jwibadö ja̧tji̧danö ja̧tjinobe, yi̧benakwö iyawa Diosnö iyatjenanö baibenanö, jo̧kwaijayonö Baal iwene ökwöinokobe, bakwo̧bi atadinokobe, ja̧danö bakwo̧bi a̧ja̧kwinokobe.

1 Reyes 22:30

Ja̧danö, israel la'aka luwo̧ Acabma Josafatnö yöa̧linobe, —Dölakwabikwawenama, ötjöma jelo̧ la'aka luwo̧bö̧kö̧danö 'dubawö ölakwabikwawö chö̧jakwo̧sa, ja̧danö ökwöda inesö la'aka luwo̧ 'duawaji̧ado̧ 'dubawö kwö̧jakwo̧ja, –jö̧ba̧lö. Ja̧danö yöba̧lajo̧, tjölakwabikwawenama, jelo̧danö ichejekwö ölakwabikwawö ö̧jinobe israel la'aka luwo̧ Acabma.

1 Reyes 22:6

Aebökwe, israel la'aka luwo̧ Acabma Dios yöawi̧ yöbawadönö o̧ko̧kodinobe, cuatro cientos jenanö ba̧jȩkwadö yöbawadönö. Ko̧ko̧dajo̧, jobadönö abebö a̧ja̧kwinobe: —Dakwö weobeda Diosma, Ramot Galaadbe ölakwabikwawö chi̧'yobö jo̧beji̧? Ölakwabikwawö chi̧'yobö jwiobeji̧? —jö̧ba̧lö. Abebö a̧ja̧kwawö̧, —Jau, ölakwabikwawö kwi̧'yo, ja̧danö duluwo̧ Diosma ökwö la'aka duluwo̧ kwujuluwobö pjaatakwo̧, —jö̧ba̧lö tjatadinobe.

1 Reyes 22:9

Ja̧danö, Israel luwo Acabma iteda ömöayedötjö bakwo̧nö weinobe, juluwanö Micaiasnö jwöobö, tjöba a'o ichibobö.

Mateo 11:8

¿Otiwado̧ 'dubawo̧nö edö kwi̧'yinaduwiji̧? Ja̧maökö. Otiwado̧ 'dubawadöma, la'aka luwedö tjejubiyanö ja̧dö, ¿jö̧tö?

Mateo 6:20

Ökwödöma mölejȩbetjöda ko̧ko̧dö kwujunaduwo nöinö mikwawi̧ jawama chömöledö. Jobetjöma pjȩlȩbö̧ma suli̧ tjöwaedökakobe, ja̧danö duwetjekwachöma suli̧ waekwökakobe, ja̧danö naukwabidöma sobö tjönaukwökakobe.

Hechos 12:21

Ikenama ju'wi möle, Herodesma jobadö atjebobe a̧ja̧kwi̧ möle ichibena Herodesma otiwanö 'dubawijetö, la'aka luwedö wame 'dubawaitjadanö. 'Dubawajo̧ la'aka luwedö ba̧jitjakanö ba̧nö, la'aka luwo̧ yöba̧lajitjadanö yöba̧lijetö jobadö Tironö ju̧kwadönöbi Sidónnö ju̧kwadönöbi .

Hechos 25:23

Jo̧kwaobetjö̧ ju'wi dewachö Agripama, öjawuju Berniciakwö weawa yöawakwawȩko̧ jobekwö 'yi̧jadötö. Jobadöma la'aka luwedö 'dubawajitja o̧do̧danö jwiinö otiwado̧ 'dubawö 'yi̧jadötö. Guardia la'aka luwedöbi, jobe comunidad la'aka luwedöbi jobadökwö ichijadötö. Jȩko̧nö tebachö okobe deinö jojodöma jobadönö edö, Edaduwi, inesö la'aka luwedö tjicha, jö̧ba̧lö, söinö edö ösödijadötö. Ikenama Festo Pablonö tjichejebobö wetjajawö̧ma Pablonö ichejebijadötö.