1 Reyes 21:27 - Dios Iwene

²⁷ Elias Dios yöawi̧ yöawiökwe, o̧'wo tjo̧ekwinobe Acabma. A̧ja̧kwajo̧, ökamiji̧do̧ kȩ'ekwö loinobe, ja̧danö kamiji̧do̧ epju̧yunö kalukaa̧do̧ 'dubawö, u̧kwa kwökönö ö̧tö̧chö ö̧jinobe. Yöte abenabi kamijido̧ epju̧yunö kalukaa̧do̧ 'dubawö abinobe, ja̧danö kweachenama, o̧'wo tjo̧achö kweachinobe, —Isabenö Dios öba a'otjö sulabenö ja̧binasa, —jö̧ba̧lö.

1 Reyes 21:27 ပူးပေါင်းရင်းမြစ်များ

Génesis 37:34

Ja̧danö, Israelma yelösöda o̧'wo̧ tjo̧ baibökwe ökamijido̧ kȩ'ekwijetö. Ikenama leluwo̧ babibajo̧ma, pjewökado̧ 'dubawijetö. Itji̧minenö omukwata̧lö o̧'wo̧ tjo̧bekwijetö lekwe möle.

2 Samuel 3:31

Ikenama Davidma Joabnöbi, okobe deinö ju'wedö jo̧bakwö ju̧kwadönöbi weinobe: —Abnernö o̧tjö̧ di̧'yonö, kwö̧ka̧mijido̧ kȩekwö, kamijido̧ epju̧yunö kalukaa̧do̧ 'dubawö, Abner iteba'o abönö kwebachö kwubudekwaduwo, —jö̧ba̧lö. Ja̧danö, Abnernö o̧tjö̧ tji̧'yena, Davidma iteba'o a̧ja̧pjo ökömanö kweachinobe, chömöledöso̧nö do̧tjo̧be jö̧ba̧lö.

1 Reyes 21:28

Ja̧danö, jejenö Isabenö Jo̧ öba a'otjö i̧sȩbiökwe, Isabenö Jo̧ma Eliasnö yöawinobe:

2 Reyes 18:37

Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

2 Reyes 19:1

Asiria luwo̧ yöa̧laja̧ yötja̧liökwe, inesö la'aka luwo̧ Ezequiasbi jwiinö o̧'wo tjo̧achinobe, ja̧danö o̧'wo tjo̧achö, ökamiji̧do̧ kȩ'ekwö loinobe. Ikenama o̧'wo tjo̧achadö 'dubawajitja̧do̧ epju̧yunö kalukaa̧do̧ 'duawinobe, ja̧danö 'dubawajo̧, Isabenö Jo̧ ejube i̧'yinobe.

2 Reyes 6:30

Jobekwö yöja̧liökwe, jwiinö o̧'wo tjo̧achinobe la'aka luwo̧ma, ja̧danö o̧'wo tjo̧achö, ö̧ka̧miji̧do̧ kȩ'ekwö loinobe. Jobekwö kȩ'ekwö loenama, jojodö tjöba a'o comunidad tjöekwemi wame ö̧jinobe la'aka luwo̧ma, ja̧danö ö̧ka̧miji̧do̧ kȩ'ekwö loenama, ida̧ökö epjuyunö kalukaado̧ 'duawobe tjedinobe. Kweachakwa̧ abönö, okwasa̧do̧ baibanö, la'aka luwo̧ma epjuyunö kalukaado̧ 'duawinobe, ja̧danö wamenö 'duawajiado̧ 'duawinobe, jo̧kwajabetjö ökamijido̧ kȩekwö loenama, jobe ju̧kwadö edö tjöwaisachibinobe, —Aaa, o̧'wo tjo̧achobetjö̧, la'aka luwo̧ 'duawajiado̧ okwa, ida̧ökö o̧'wo tjo̧achö ȩpju̧yunö kalukaa̧do̧ 'dubawo̧tö duluwo̧ma, —jö̧ba̧lö.

1 Crónicas 21:16

Ja̧danö, Jerusalennö ja̧nö, Davidma möakwö edinobe, ja̧danö Isabenö Jo̧ weökwe angelnö edinobe, mölejebi, bö̧jebi ö'wejenö jo̧nö. Angelma ömamunö kwölöte'o do̧ba̧lö, Jerusalen comunidad wame debatö ö̧jinobe, ja̧danö jobe ö̧ji̧ edö, Davidbi ju'wedö Jerusalen comunidad luwedöbi kamijido̧ epju̧yunö kalukaa̧do̧ 'dubawö, tjo̧'wo tjoachö tjöba nijakwö tjö̧bamatinobe.

Diosnö ösödo̧ Job mikwo̧ usula emawina jawa 16:15

—Jejenö baledi̧tjö, kamijido̧ epju̧yunö kalukaa̧do̧ 'dutawajabe, ja̧danö nijiso̧pja̧nö chö̧bobe, –Juluwö̧kö̧sa, jwiinö cho̧'wo tjo̧bekwo̧sa, –jö̧ba̧lö.

Isaías 22:12

—Inesö la'aka luwo̧, Isabenö Jo̧ Okobe Jwiinö Juluwo̧ Diosma sulabenö kwomukwataduwi̧ kabatibö, kwöbalewachaduwobö webo̧, ja̧danö o̧'wo tjo̧achö, kwubudekwaduwobö webo̧, ja̧danö kwuuduwi jwobawö, kamiji̧do̧ epju̧yunö kaluka̧ado̧ 'dukawaduwobö webo̧, –Dios öba a'ötjö sulabenö ja̧dinobetjö̧ o̧'wo tjo̧achadösa, –jö̧ba̧lö.

Isaías 38:15

ja̧danö inesö cho̧'wo tjo̧bekwö chö̧ji̧ma, 'döbebö loinobe, cho̧'wo ösöwachibanö.

Apocalipsis 11:3

Ikenama Diosma ötjönö yöawijatö: —Jobadö sulabenö ja̧badöma sulabenö webö tjö̧jonö, ju'wedö du̧ju̧tajama, ötjö yötawi̧ yötjawobö wetawö̧ma yötjawakobe, jejenö yötjawobö chujulu iyö wetakobetjö̧. Ja̧danö, jobadöma lekwe, mil doscientos sesenta möle baledibanö, jobetjö yötjawakwedö, ju'wedö, jobe ju̧kwadöma yelösöda sulabenö ja̧tjonö. Jobadö du̧ju̧taja yötawi̧ yöbawadöma, kamijido̧ pjelewado̧, tjömöledö wotjaiawö̧ 'dutjawi̧danö 'dubawö tjö̧jakwedö—yöawijatö Diosma ötjönöma.