1 Reyes 21:16 - Dios Iwene

¹⁶ Ja̧danö, —Nabotma ö̧'wö baibajabe, —jö̧ba̧lö a̧ja̧kwajo̧, a̧la̧ibö Nabot öbatjobe i̧'yinobe Acabma, iteda öbatjo baibanö emakobetjö̧.

1 Reyes 21:16 ပူးပေါင်းရင်းမြစ်များ

1 Reyes 21:1

Bakwo̧ Jesrel comunidad jojo, Nabot mikwo̧ma, uba batjo ujuna̧linobe Jezrel comunidadtjö. Ja̧danö, ja̧yu ö'öbönö Samaria la'aka luwo̧ Acabma, iteda eju comunidad ujuna̧linobe.

1 Reyes 21:15

Nabotnö inawiya ikwawö lotjaja̧ wene ja̧ja̧kwenama, jilekwe Acabnö yöja̧linobe, —Tjo̧wita. A̧laibö, Nabot ökwönö mikwanö iyobö öpöjödinayu batjo kwemajo. Jau, 'yaba̧lö̧kö̧ Jezrel jojo Nabotma, ö'wö baibajabe, jo̧kwajabetjö̧ wene jwiinö iteayu kwemobö jo̧be, —jö̧ba̧lö.

1 Reyes 21:17

Ja̧danö, Isabenö Jo̧ma iteda yöawi̧ yöawinobe Eliasnö, baikwö:

2 Reyes 5:24

Ja̧danö, mösa'o Eliseo ö̧ja'obe tjichibenama, tje'ewaja̧ emö eju okwa ödinobe Giezima, ja̧danö emajo̧ webö loinobe, yemidanö tjuluwo̧ Naamankwö tji̧'yobö.

2 Reyes 9:21

Yöawökwe, Joramma ömöayedönö weinobe, —Chiteaka koluka otidaduwi, tjö̧jobekwö edö chi̧'yakobetjö̧, —jö̧ba̧lö. Ja̧danö, weawö̧ tjotidinobe. Ikenama, Israel la'aka luwo̧ Jorambi, Juda la'aka luwo̧ Ocoziasbi, bakwo̧nökwena tjiteakakwena kwebachö, Jehunö tjöbadekwajobö latjebinobe. Ja̧danö, labebajadö, Jezreel jojo Nabotmine öbatjosayu jȩna, Jehunö tjöbadekwajinobe.

Isaías 33:15

—Baikwö yötawa, ötjökwö wene jwiinö ju̧kwadöma bidö: Weti̧ a̧ja̧kwö ja̧nö, yötja̧lo jö̧tja̧li̧danö yöba̧ladöda. Ja̧danö jojodönö usula tjemawinö webö, balada tjemotö jö̧ba̧lö isakwöködöda. Ja̧danö tjimidi̧ balada, –Sulabenö ja̧köbitjö̧ma dimidakwö, –jö̧ba̧lö tjimidobö jö̧tja̧li̧ balada emökönö, ja̧tjo̧ jö̧tja̧lidanö ja̧bö ju̧kwadöda. Ja̧danö ju'wedönö kwabö lotjoböma omukwatö junöködöda. Ja̧danö ju'wedönö suli̧ tjöwaedobö isakwö jö̧ködöda.

Romanos 1:32

Chömöledö, bidöma Dios jö̧a̧linama waisadö, Jejenö ja̧badöma wobalenöda tjimidawakwedö, jö̧ba̧lö. Ja̧ wene tjöwaisijayonö, jwaikwöda sulabenö ja̧bö ja̧kwawada ösödadö. Jemi tupakwöbi, ju'wedöbi sulabenö ja̧tjobö ösödadö.

2 Pedro 2:15

Jau chömöledö, otiwanö ja̧awatjö 'da̧bachibö, Balaam mikwo̧ ökömanö lutja̧libobedanö ichejekwa, jo̧ba ja̧inadanö ja̧bö. Jau chömöledö, kwöwaisaduwa, jo̧ba Beor mikwo̧ itji̧ Balaam mikwo̧ma, balada emotö jö̧ba̧lö sulabenö yöawobö ösödinobe, ¿jö̧tö?