1 Reyes 21:13 - Dios Iwene13 Ikenama du̧ju̧taja sulabedöma ichibö, öba a'o tjöbamatinobe, jadanö jojodö tjöba a'o yötja̧linobe Nabotnö, —Bite Nabotma jwiinö sulabenö yöa̧linobe Diosnöbi, inesö la'aka duluwo̧nöbi, —jö̧ba̧lö omöna yötjalinobe. Ikenama, Nabotnö tjötjebinobe comunidad apjude a'obe, ja̧danö comunidadtjö labebajadö, inawiya ikwawö lotjinobe Nabotnö. အခန်းကိုကြည့်ပါ။ |
1 Reyes 21:13
38 ပူးပေါင်းရင်းမြစ်များ
Ja̧danö yöba̧lajo̧, ömöayo̧ bakwo̧nö weinobe, Eliseonö do̧atobö. Ja̧ baledonö, Eliseoma comunidad luwedökwö ba̧nö ö̧jinobe, Eliseo ejunö. Ja̧danö, la'aka luwo̧ ömöayo̧ ichibakwa̧ abönö, jobadönö yöawinobe Eliseoma: —Jojodönö kwabawö lobo̧ israel la'aka luwo̧ma, iteda ömöayo̧nö weajabe, chuu bulatö loobö. Cheju apjudebe ichibenama, apjude tumatö, 'diinö tjökeba̧laduwo, teachapji jö̧ba̧lö. Ja̧danö, jo̧ba ichiba̧ja̧ ikena, uluwo̧ ömasapiya ökwöi̧bi juluwanö kwa̧ja̧kwaduwakobe, uluwo̧ Israel la'aka luwo̧bi juluwanö ichibakobetjö̧, —jö̧ba̧lö.
–Isabenö mada Nabot ökwösobubi, itji̧mu tjökwösobubi ku̧kwobe ötjö Isabenö Jo̧ma chedijatö, ja̧danö isabenö yöbawö chujunakwö, jobekwö sulabenö jobadönö kwabö loköbinobetjö̧, balekwa mikwa biyu öbatjoinemitjöda ökwönö lȩtebakwo̧sa, –jö̧ba̧lö yöawinobe. Jo̧kwajabetjö̧, ja̧ Isabenö Jo̧ yöawina badekwachinö, ja̧ Nabot öbatjo ji̧nena ikwö lobinö Acab itji̧ Joramnö, —jö̧ba̧lö weinobe Jehuma.
Jejenö pjakatökwe, isabenö ökwönö ösödo̧ Jobma, jo̧kwaijayonö ösödi̧ma sule wamenöda ösödo̧, baikwö yötawa: Babe otiwanö ujuna̧li̧ma, okobe jwiinö 'döbebö kwemitjö̧ma, ökwönö öpöjödena, ja̧danö ökwönö öpöjödö, kwöba a'otjö sulabenö yöawena, –Diosma sulabo̧, chöpöjödökwe, –jö̧ba̧lö. Ökwönö ösödi̧ma, okwa jawamaökö, sule wamenöda ösödo̧ Jobma, —jö̧ba̧lö atadinobe Awetjama.
Jejenö ja̧biatjinobe Job itji̧muma, ja̧danö ba̧kwelöjatebö ba'ali tjujuni̧ mölebiya 'dö̧ibajenama, ikena möle ina yeayi a̧la̧ibinobe Jobma, ja̧danö itji̧mu bakwo̧nökwena tjusula dichö lootö jö̧ba̧lö, iyawa bakwonökwena kwabö juwö, jwiinö ubinö iyawa baibanö iyinobe Diosnö. Jobma omukwatinobe itedada, —Chitji̧muma Dios öpöjödi̧nö sulabenö ja̧tja̧jena, ja̧danö tjomajadenö sulabenö Diosnö tjomukwatajena, —jö̧ba̧lö omukwatinobe, ja̧danö jejenö omukwatö, iyawa kwabö juwö iyiainobe Diosnö, —Chitji̧munö tjusula söbebö loköbobö atebakwö, —jö̧ba̧lö.
Jejenö usula emawö ö̧jioko, Job ilekwoma dameakwö yöja̧linobe jilekwenö, —Tajawedö ina jwaikwöda Diosnö kwösödobeda? Bejenö usula kwemawinö weobetjö̧, jo̧banö öpöjödö, –Sulabenö ja̧bo̧ Diosma, –jö̧ba̧lö yöka̧lo, ja̧danö yöba̧lajo̧ ö'wö bakibo. Jau Job, tupakwö Diosnö kwösödobö jwiobe, jo̧banö öpöjödö kakatibo, —jö̧ba̧lö yöja̧lökwe,
Ja̧danö, ju'wibi yötawaduwakwö chömöledö: Bakwo̧ lȩekwa yöbawo̧nö edina jawa yöa̧lobö atjebitjö̧ma jweinö yöa̧lobö jo̧be. Jweinö yöa̧litjö̧ma lȩekwa yöbawo̧ma öwaisakwo̧ jelo̧nö lȩebojobö, lȩebokojobö jö̧ba̧lö. Edina yöba̧lo̧ma lȩekwa yöbawo̧nö ö'öbönö yöawitjö̧ma ¿dakwö öwaisoböda? Jweinö lȩeboböma jwiena jo̧banö yöba̧lo̧ma jweinö yöa̧lokobetjö̧. Isabenö, jo̧ba omöna yöba̧lo̧ma jweinö lȩekwa yöawakwawama sulabenö obo̧, lȩekwa yöbawo̧ma jweinö yöawi̧ma mikwawökö jö̧ba̧lö. Ja̧danö ju'wibi yötawa: Sulabenö ja̧bo̧ma iteda sulabenö ja̧i̧ma ösödo̧. Isabenö, söi̧ kwakwawa ukwobö ösödi̧danö ösödobe iteda sulabenö ja̧i̧ma.
Ja̧danö, ju'wibi yötawa, wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Bakwo̧ lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.
Ja̧danö, ju'wibi yötawa wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Jo̧bama lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.
Ja̧danö, ju'wibi yötawa: Bakwo̧ lȩekwa yöbawo̧nö ömöledöso̧nöma omöna yöawena jwiinö sulobe. Wanedö yötawa: Jo̧ba omöna yöawi̧ma ömöledöso̧nö kwakwatji̧danö ji̧, i̧sö̧'a̧ nö'a̧nö kwakwatji̧danö. Ja̧danö, kwölöte'onö dȩi̧danö, ja̧danö na̧yu̧nu̧ 'böi̧danö ji̧, ömöledöso̧nö omöna yöawi̧ma, lȩekwa yöbawo̧nö. Jwiinö inia tjöi̧danö niobe.
Jemi ikena Isabenö Jo̧ öpöjödi̧ma baikwö laebobe: Bakwo̧ lȩekwa yöbawo̧nö omöna yöawobe, jelo̧nö lȩebobö. Jobekwö omöna yöba̧lo̧nöma jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Bakwo̧ omöna yöa̧lobetjö̧ ömöledötjö ju'wedökwö ju'wedökwö wene tjuju̧na̧lakwawobö jwöbebo̧nö jwiinö öpöjödobe Isabenö Jo̧ma. Ja̧ jelemutjö dötölataja jawa jojodö sulabenö omukwatö ja̧tji̧ jawa jwiinö öpöjödobe Isabenö Jo̧ma.
Ja̧danö Pilato öba a'o junajadö Jesúsnö wanedö yötja̧linobe: —Bite Jesúsnö lȩkebo Pilato, sulabo̧obetjö̧. Baikwö sulabenö ja̧obe dedijatö: Ditebo jojodönö sulabenö öbibö yöawinobe, inesö la'aka luwo̧ César mikwo̧nö impuesto jawa balada dimidoko, jö̧ba̧lö. Ja̧danö ju'wibi yöawinobe, Ötjödasa Dios weakwo̧ jö̧a̧linökwe Israel jojodö la'aka tjuluwo̧ma, jö̧ba̧lö. Jejenö yöbawö inesö la'aka luwo̧ César mikwo̧ wei̧ tjöpöjödobö sulabenö öibobe— jö̧ba̧lö Jesúsnö wanedö yötjawinobe Pilatonö.
Jejenö a̧ja̧kwaja̧ ikena Pilatoma Jesúsnö laebobö ösödijayonö judío jojodöma öpöjödö labinö jö̧tja̧linobe Pilatonö: —Jo̧banöma labebökönuwi. La'aka luwo̧ César öpöjödena— jö̧tja̧linobe—. Ja̧danö ökwöma Césarnö öpöjödo̧ bakibena jo̧banö lakebitjö̧ma. Bitema la'aka luwo̧bököjayonö, La'aka luwo̧sa, jö̧ba̧lö, yöa̧lobe. Ja̧danö, César a̧ja̧kwitjö̧ma öpöjödena jejenö yöa̧li̧ma iteda la'aka luwo̧obetjö̧—jö̧tja̧linobe judío jojodöma Pilatonö.
Jemi ikenama, jejenö yötjawiawö̧, okobe deinö itebo comunidad ömadöma jo̧banö inawiya ikwawö lotjobö ja̧kobe, ö'wö baibenanö kabatö, jo̧bajayo̧ kwö̧'da̧deduwitjö ö̧jobö jwiobetjö̧. Ja̧danö, jejenö jo̧bajayo̧nö kwabö lobö, inesö suli̧ kwö̧'da̧deduwitjö söbebö loköbaduwena, ja̧danö ju'wibi, ju'wedö israel jojodöma baledaja̧ tja̧ja̧kwena, ja̧danö a̧ja̧kwö yetjabena, –Jo̧ba ja̧bö ö̧jinadanöma ja̧bö dö̧joko, –jö̧ba̧lö.
jobujunö öbibö tji̧'yobö ja̧kobe, jabe'do eju apjudebe. Ja̧danö, jitebo comunidad ömadöma jobujunö inawiya ikwawö lotjobö ja̧kobe, –Bisu israel jojosujuma, jwiinö sulabenö ja̧buju, –jö̧ba̧lö. Jau chömöledö, ina jabe'do ejunö jö̧jayi, jilekwebö̧kö̧kwö sulabenö jö̧jenama, inesö suli̧ jawa israel jojodö la'akatjöda sulabenö ja̧tjökö jawa sulabenö ja̧jinobe, jo̧kwajabetjö̧ yötawaja̧danö jobujujayujunö lȩtjebobö ja̧kobe, inesö suli̧ kwö̧'da̧deduwitjö dichö loköbaduwakobetjö̧.
jobadö du̧ju̧tajanö comunidad apjude a'obe öbibö, inawiya ikwawö loköbaduwobö ja̧kobe. Ja̧ jobadönö kwabö loköbaduwakwa̧ jawa baikwö labebö lobö yötawa: Comunidad okwa ja̧nö, ju'wedö pjatjatobö jwöjeba̧lokobetjö̧, öwawobe, isujubi sulabenö ja̧buju, jö̧ba̧lö, ja̧danö jobujunöbi kwabö lotjobö ja̧kobe. Ja̧danö jojoso̧nö kwabö lotjobö ja̧kobe, jelo̧ ömöledöso̧ ilekwokwö sulabenö ö̧jinobetjö̧. Ja̧danö, jobadöjayedönö kwabö lobö, kwö̧'da̧deduwitjö inesö suli̧ dichö loköbaduwena.
Ja̧danö ju'wedönö, Diosnö tjo̧'wo̧ wana̧ladönöma inawiya tjikwawinobe. Ja̧danö, ju'wedö Diosnö tjo̧'wo̧ wana̧ladönöma bulabinö lotjinobe, ja'ösedönöbi. Ja̧danö, ju'wedö Diosnö tjo̧'wo̧ wana̧ladönöma kwölöte ödöötenö dodobö lotjinobe. Ja̧danö, ju'wedö Diosnö tjo̧'wo̧ wana̧ladöma yelösöda jwibinadö. Jobadöma usulasedöda kwetjachinobe obeja i̧sȩdo̧tjö, chiwo i̧sȩdo̧tjö otikwado̧da 'dubawö. Jejenö tjuju̧kwinobe usula emawö inia tjötjinö ja̧tjawö̧.
ကြော်ငြာတွေ