1 Reyes 20:37 - Dios Iwene

³⁷ Ja̧danö, jȩlo̧nö badekwajo̧, bakwainö weinobe Dios yöawi̧ yöbawo̧ma, —Isabenö Jo̧ma weobe, inia tjöbo̧ batibanö labinö ötjönö kwaköbobö, —jö̧ba̧lö weinobe. Weökwe, otiwanö a̧ja̧kwinobe, ja̧danö labinö jo̧banö kwainobe, Dios yöawi̧ yöbawo̧ inia tjöbo̧ baibanö.

1 Reyes 20:37 ပူးပေါင်းရင်းမြစ်များ

1 Reyes 20:35

Ja̧danö, Isabenö Jo̧ weökwe, Dios yöawi̧ yöbawadötjö bakwoma ömöledöso̧nö weinobe, —Isabenö Jo̧ma weobe, inia tjöbo̧ batibanö labinö ötjönö kwaköbo, —jö̧ba̧lö. Jo̧kwaijayonö, weökwe, ömöledösonö kwaobö öpöjödinobe.

1 Reyes 20:36

Jejenö öpöjödiökwe, yöawinobe Dios yöawi̧ yöbawo̧ma, —Isabenö Jo̧ ötjönö kwaköbobö wei̧ kwa̧ja̧kwokobetjö̧, isabenö lȩebakwo̧ ökwönö, chö̧jelö lakebenama, didibama juluwanö kwabö loakwo̧ja, —jö̧ba̧lö. Ja̧danö, yöa̧laja̧danö baledinobe, ö̧jelö laebenama, didibama juluwanö jobanö öbadekwajinobe, ja̧danö jo̧banö kwabö loinobe.

1 Reyes 20:38

Jemi ikenama Dios yöawi yöbawo̧ iniya tjöbo̧ma öba möchekwa̧do̧ 'duawinobe, jo̧banö tjöwaisapji jö̧ba̧lö, ja̧danö 'dubawajo̧, la'aka luwo̧ Acab öbaledakwa̧ mana ö'öböbe i̧'yinobe, la'aka luwo̧ öbaledakwa̧ itea'da̧lobö.

Éxodo 21:12

Ina, Isabenö Jo̧ma webijetö Moisésnöma: — Bi̧ya weawa wene kwujuno ökwödönö, Israel jojodönö, a̧ja̧kwö kwö̧jaduwobö: Wanedö yötawa: Bakwo̧ jelo̧nö o̧'wo sulinö edö, kwabö lotonö, jö̧ba̧lö, omukwatö ujunobe. Ikenama, omukwatö ujuninökwenö kwabö loobe. Isabenö, jo̧ba kwabö lobo̧nö kwabö loköbaduwobö jo̧be, ajayinö jelo̧nö kwabö loobö omukwatö ujuninobetjö̧. Jo̧bama, ötjönö juwö iyawapjo jobekwö ö̧jibobö döibajatjö̧bi jo̧banö kwabö loköbaduwobö jo̧be. Jo̧kwaijayonö bakwo̧ la'akatjö omukwatö ujuninököjayonö ikenama jo̧kwada jelo̧nö o̧'wo sulinö edö kwabö loitjö̧ma jo̧ba kwabö lobo̧nö kwabö loköbaduwobö jwiobe. Jo̧ba döbibajö i̧'yakwemima 'da̧batö chujunijatö, jo̧beda ö̧jobö.