1 Reyes 20:21 - Dios Iwene

²¹ Ja̧ möle israel la'aka luwo̧ Acabma jwiinö ujuluwinobe Siria jojodönö. Comunidadtjö ölakwabikwawobö labebajo̧, kabayudönö wanö ölakwabikwawadönöbi, kolukiyanö ölakwabikwawadönöbi söbebö loinobe, isabenö jwiinö ujuluwinobe siria jojodönö.

1 Reyes 20:21 ပူးပေါင်းရင်းမြစ်များ

1 Reyes 20:20

Ja̧danö, labebajadö Siria jojodö tjö̧jobekwö ichibö metjibenama, okobe deinö bakwo̧nökwena siria jojodönö mebibö, tjöpöjojokwena kwabawö lotjinobe. Jejenö balediawö̧, ju'wedö siria jojodöma dötjibajinobe, jadanö israel jojodöma jobadönö mebibö lutjinobe. Ba̧jȩkwadö siria jojodönö kwabawö lotjinobe, jo̧kwaijayonö siria jojodötjö inesö la'aka luwo̧ Ben-adadma, ajwi kabayunö wanö, ju'wedö kabayunö wanö ölakwabikwawa jojodökwö döbibajö ö̧jibinobe.

1 Reyes 20:22

Jemi ikenama, Dios yöawi̧ yöbawo̧ma Israel la'aka luwo̧ Acab öba a'o ichibö, jo̧banö yöbawö weinobe: —Babema kwujuluwachibanö kwotidobö jobe, ja̧danö yadakwö otiwanö kwölakwabikwawakwa̧ omukwatö kwujunobö jo̧be. Jau Acab, makösaba o̧ba baibenama, Siria la'aka luwo̧ma yemidanö ökwönö mebibö ölakwabikwawakobe, jo̧kwajabetjö̧ otiwanö kwölakwabikwawakwa̧ jawa omukwatö kwotido, —jö̧ba̧lö.

2 Reyes 3:18

Ja̧ isȩbakwa̧ma, Isabenö Jo̧ edemi waiyökö, ja̧danö ja̧da i̧sȩbökakwo̧. Ju'wibi iteda ujulu i̧sȩbö pjaatakwo̧ Isabenö Jo̧ma, ökwödönö iyakobe, Moabitas jojodönö kwujuluwaduwobö.

2 Reyes 3:24

Jo̧kwiajayonö, israel jojodö tjabekwobe tjichibenama, Israel jojodöma a̧la̧ibö Moabitas jojodönö metjibinobe, ja̧danö ölakwabikwawö tjujuluwinobe, Moabitas jojodö tjöba a'otjö dötjibajenanö. Ja̧danö, tjökömanö lubö, Moabitas jojodönö kwabawö lotjinobe, jwiinö tjujuluwenanö baibanö.

Josué 10:20

Josue weaja̧danö ja̧tjinobe, ja̧danö jwiinö jobadönö tjujuluwinobe. Jwiinö jobadönö söbebö lotjinobe, ja̧danö sule o̧bukwedöda israel jojodötjö döbibajö tjitebo comunidadbe tjichibinobe. Ja̧danö, ji̧bajadö döbibajö 'diinö tjöekwemi comunidad okwa tetjachaja̧ ikenama,

Jueces 11:33

Jwiinö amonitas jojodönö ujuluwinobe Jeftema, Aroer comunidadtjö jamatö, Minit comunidadbe ichibanö, ja̧danö Abel Queramin comunidadbe ichibanö. Amonitas jojodö tjitebo comunidadtjö, veinte comunidadbiya jojodönö ujuluwinobe, jwiinö amonitas jojodönö ululuwinobe, israel jojodö tjöba a'otjö amonitas jojodö tjujulu jwitjenanö baibanö.

Jueces 3:28

Ja̧danö, Aodma ju'wedönö weinobe, —Ötjökwö ichaduwi, Isabenö Jo̧ma döpöjojodö moabita jojodönö dujuluwobö iyajobetjö̧, —jö̧ba̧lö. Weawö̧, jo̧bakwö tji̧'yinobe, ja̧danö Jordan ojwe peikwemi tjötjeba̧linobe, moabita jojodö jobetjö dötjibapji jö̧ba̧lö, ja̧danö moabita jojodötjö bakwo̧bi ojwe peiboböma wetjinokobe.

1 Samuel 17:52

Ja̧danö ju'wedö israel jojodöbi, Judasaso jojodöbi baledaja̧ tjo̧'wo ösöwachibanö tjedinobe, ja̧danö labinö jwöbeba̧lö, filisteo jojodönö lutjinobe. Jobadönö lubö, ba̧jȩkwadönö kwabö lotjinobe, Gat comunidadbi, Ecron comunidadbi apjude tjichibenanö kabatö. Isabenö ba̧jekwadö filisteo jojodönö kwabawö lotjinobe, ja̧danö kwatjajawö̧ tjiteba'oma Saaraimbe ya̧kwawamanö tjö̧binobe, tjölakwabikwawelötjö Gatbebi, Ecronbebi ichibanö.

1 Samuel 19:8

Jemi ikenama, ja'yubenö lekwajabetjö̧, yemidanö filisteo jojodökwö ölakwabikwawa ji̧nobe. Jo̧kwajabetjö̧ ömöayedö ölakwabikwawa jojodökwö Davidma jobadökwö ölakwabikwawö i̧'yinobe, ja̧danö ba̧jekwadö filisteo jojodönö kwabawö lobö, jwiinö ujuluwinobe, öba a'otjö dötjibajenanö.