1 Reyes 20:20 - Dios Iwene

²⁰ Ja̧danö, labebajadö Siria jojodö tjö̧jobekwö ichibö metjibenama, okobe deinö bakwo̧nökwena siria jojodönö mebibö, tjöpöjojokwena kwabawö lotjinobe. Jejenö balediawö̧, ju'wedö siria jojodöma dötjibajinobe, jadanö israel jojodöma jobadönö mebibö lutjinobe. Ba̧jȩkwadö siria jojodönö kwabawö lotjinobe, jo̧kwaijayonö siria jojodötjö inesö la'aka luwo̧ Ben-adadma, ajwi kabayunö wanö, ju'wedö kabayunö wanö ölakwabikwawa jojodökwö döbibajö ö̧jibinobe.

1 Reyes 20:20 ပူးပေါင်းရင်းမြစ်များ

2 Samuel 2:16

Ja̧danö, tjölakwabikwawenama, okobe deinö tjöpöjojokwena uu'ye do̧batö, ometupanö kwölöte'onö dotjinobe, jo̧kwajabetjö̧ okobe deinö jobadö veinticuatrobedöma bakobe debö tji̧'yinobe. Ja̧danö, jobetjö jejenö tjölakwabikwawinobetjö̧, ja̧ mejema, babema Kwölöte'ijunö tjölakwabikwawina mejȩ, jö̧ba̧lö ötjabi̧ meje.

1 Reyes 15:18

Jejenö balediökwe, baikwö ja̧inobe Asama, iteda eju lödawȩko̧ okwa ji̧ orobi, platabi o̧ko̧kodinobe, jadanö okobe jwiinö Isabenö Jo̧ eju lödawȩko̧ ji̧ orobi, platabi o̧ko̧kodinobe, jadanö ko̧ko̧dajo̧ iteda ömöayedönö iyö weinobe, e'ewö tji̧'yobö Damasco comunidadbe, Siria niji la'aka luwo̧ Ben Adad itebo comunidadbe, jadanö ichibajadö, la'aka luwo̧ Ben Adadnö iyö Asa yöa̧li̧ jo̧banö yötja̧lobö baikwö:

1 Reyes 20:19

Israel jojodö Samaria comunidadtjö latjebenama, bakwasokwena la'aka luwedö tjömöayedöma abönö latjebinobe, ja̧danö ju'wedö israel jojodötjö ölakwabikwawadöma, tjökömanö 'ya̧nö latjebinobe.

1 Reyes 20:21

Ja̧ möle israel la'aka luwo̧ Acabma jwiinö ujuluwinobe Siria jojodönö. Comunidadtjö ölakwabikwawobö labebajo̧, kabayudönö wanö ölakwabikwawadönöbi, kolukiyanö ölakwabikwawadönöbi söbebö loinobe, isabenö jwiinö ujuluwinobe siria jojodönö.

2 Reyes 19:36

Jobekwö balediökwe, Asiria la'aka luwo̧ Senaqueribma labebö ȩwa̧jinobe iteda itebo Asiriabe, ja̧danö ichibajo̧, iteda itebo comunidad Ninevenö ö̧jinobe.

Jueces 7:23

Jejenö dötjibiawö̧, ju'wedö israel jojodönöbi jwötjinobe, pjabatö jobadönö lutjobö, ja̧danö Neftalisaso jojodötjöbi, Asersaso jojodötjöbi, Manassessaso jojodötjöbi, israel ölakwabikwawadö madianitas jojodönö lutjinobe.