1 Reyes 20:19 - Dios Iwene

¹⁹ Israel jojodö Samaria comunidadtjö latjebenama, bakwasokwena la'aka luwedö tjömöayedöma abönö latjebinobe, ja̧danö ju'wedö israel jojodötjö ölakwabikwawadöma, tjökömanö 'ya̧nö latjebinobe.

1 Reyes 20:19 ပူးပေါင်းရင်းမြစ်များ

1 Reyes 20:17

Acab ömöayedö ölakwabikwawadö tjölakwabikwawobö latjebenama, bakwasokwena la'aka luwedö tjömöayedöma ju'wedötjö abönö latjebinobe, ja̧danö latjebobe tjedinobe Ben-adad ömöayedötjö eda̧ladöma. Edajadö, tjuluwo̧nö yötjawinobe, —Ju'wedö ömadöma, Samaria comunidadtjö latjebobe, —jö̧ba̧lö.

1 Reyes 20:18

Yötjawökwe, —Jobadönö do̧bataduwi. Tjölakwabikwawobö tjichitjö̧bi, ölakwabikwawökönö tjichitjö̧bi, bakwainö jobadönö kwabawö lobökönö, ina 'yaba̧ladönö do̧kataduwodönö, —jö̧ba̧lö weinobe Ben-adadma.

1 Reyes 20:20

Ja̧danö, labebajadö Siria jojodö tjö̧jobekwö ichibö metjibenama, okobe deinö bakwo̧nökwena siria jojodönö mebibö, tjöpöjojokwena kwabawö lotjinobe. Jejenö balediawö̧, ju'wedö siria jojodöma dötjibajinobe, jadanö israel jojodöma jobadönö mebibö lutjinobe. Ba̧jȩkwadö siria jojodönö kwabawö lotjinobe, jo̧kwaijayonö siria jojodötjö inesö la'aka luwo̧ Ben-adadma, ajwi kabayunö wanö, ju'wedö kabayunö wanö ölakwabikwawa jojodökwö döbibajö ö̧jibinobe.

1 Crónicas 19:14

Jejenö yöba̧lajo̧, Joabma ömöayedönö öibinobe siria jojodö tjö̧jobekwö, ja̧danö jobadönö mebibö tjölakwabikwawinobe. Jejenö ölakwabikwawö, Joabma siria jojodönö ujuluwinobe, ja̧danö ujuluwiawö̧, öba a'otjö dötjibajinobe.