1 Reyes 20:13 - Dios Iwene

¹³ Ja̧ baledemi ja'ötjö, Dios yöawi̧ yöbawadötjö bakwo̧ma, israel la'aka luwo̧ Acab öba a'o ichibö yöawinobe, —Baikwö yöawobe Isabenö Jo̧ma, –Idö inesö ba̧jȩkwadö ölakwabikwawadönö kwedobe, jö̧tö? Baikwö yötawakwö, babe möle jobadönö kwujuluwobö chiyakwo̧sa, ja̧danö jejenö chiyiökwe, ötjönö kwöwaisachibakwo̧ja, ötjöma Isabenö Jo̧sa, —jö̧ba̧lö, Dios yöawi̧ yöawinobe Acabnö.

1 Reyes 20:13 ပူးပေါင်းရင်းမြစ်များ

2 Samuel 10:13

Jejenö yöba̧lajo̧, Joabma ömöayedönö öibinobe siria jojodö tjö̧jobekwö, ja̧danö jobadönö mebibö tjölakwabikwawinobe. Jejenö ölakwabikwawö, Joabma siria jojodönö ujuluwinobe, ja̧danö ujuluwiawö̧, öba a'otjö dötjibajinobe.

1 Reyes 18:39

Ja̧ baledi̧ edö, jojodöma tjöba nijakwö bȩba̧chibö nijakwö metjinobe, jadanö jwötjeba̧linobe, —Isabenö Jo̧ Diosda, Diosbo̧ma, Isabenö Jo̧ Diosda, Diosbo̧ma, —jö̧ba̧lö Diosnö ösödö jwötjeba̧linobe.

1 Reyes 20:14

Yöa̧lökwe, —Ökwödötjö didö tjölakwabikwawonö dujuluwobö pjaatakwa̧da? —jö̧ba̧lö Acab abebö a̧ja̧kwökwe, —Baikwö yöawobe Isabenö Jo̧ma, bakwasokwena la'aka luwedö tjömöayedö ölakwabikwawa jojodö ötjibonö, kwujuluwaduwakwedöja, —jö̧ba̧lö atadinobe Dios yöawi̧ yöbawo̧ma. Atadökwe, —Ja̧danö tida metjibobö weakwo̧ma? —jö̧ba̧lö abebö a̧ja̧kwinobe Acabma. Aebökwe, —Ökwö Acabda, —jö̧ba̧lö yöawinobe.

1 Reyes 20:22

Jemi ikenama, Dios yöawi̧ yöbawo̧ma Israel la'aka luwo̧ Acab öba a'o ichibö, jo̧banö yöbawö weinobe: —Babema kwujuluwachibanö kwotidobö jobe, ja̧danö yadakwö otiwanö kwölakwabikwawakwa̧ omukwatö kwujunobö jo̧be. Jau Acab, makösaba o̧ba baibenama, Siria la'aka luwo̧ma yemidanö ökwönö mebibö ölakwabikwawakobe, jo̧kwajabetjö̧ otiwanö kwölakwabikwawakwa̧ jawa omukwatö kwotido, —jö̧ba̧lö.

1 Reyes 20:28

Ja̧danö, Dios yöawi̧ yöbawo̧ma Israel la'aka luwo̧ öba a'o ichibö, yöawinobe: —Baikwö yöawobe Isabenö Jo̧ma, –Siria jojodöma ötjönö yötja̧lajabe, -Isabenö Jo̧ma mösa'iju jȩmi nijinöda ja̧nö juluwo̧, wabekoemi deobe Isabenö Jo̧ma, jobetjö ujuluwökena, -jö̧ba̧lö yötja̧linobe. Jo̧kwajabetjö̧, jejenö yötja̧linobetjö̧, jobadönö kwujuluwobö chiyakwo̧sa, bidö inesö bajȩkwadönö kwujuluwobö chiyakwo̧sa, ötjönö kwöwaisachibakobetjö̧, isabenö ötjödasa Isabenö Jo̧ma, —jö̧ba̧lö Isabenö Jo̧ yöawi̧ yöawinobe Acabnö.

2 Reyes 13:23

Jo̧kwaijayonö, Isabenö Jo̧ma lȩlöjinö edinobe Israel jojodönö, ja̧danö lȩlöjinö edö, otiwanö pjaatinobe. Ajayinö Abrahamnöbi, Isaacnöbi, Jacobnöbi yöbawö ujunina wene omukwatö, öba a'otjö israel jojodö sulabenö ja̧bö tjö̧jijayonö, jobadönö bakobe söbebö loobö öpöjödinobe Isabenö Jo̧ma, ja̧danö babe mölebi baibanö, ina öba a'otjö a'dewö lobö̧kö̧ israel jojodönö.

2 Reyes 3:18

Ja̧ isȩbakwa̧ma, Isabenö Jo̧ edemi waiyökö, ja̧danö ja̧da i̧sȩbökakwo̧. Ju'wibi iteda ujulu i̧sȩbö pjaatakwo̧ Isabenö Jo̧ma, ökwödönö iyakobe, Moabitas jojodönö kwujuluwaduwobö.

2 Reyes 7:1

Jobekwö yöa̧liökwe, Eliseoma yöawinobe: —Baikwö kwa̧ja̧kwo, Isabenö Jo̧ yöawi̧ma, baikwö yöawobe Isabenö Jo̧ma: –Itekwai babedajayenö, cinco kilos harinaso̧pja̧ otiwi̧ma, baladasa̧pi̧ platatjö otikwa̧pi̧ bakwapi̧nöda tjiyakobe. Jadanö diez kilos cebada jawama, baladasa̧pi̧ platatjö otikwa̧pi̧ bakwapi̧nöda tjiyakobe. Jobekwö mikwanö tjiyakobe itekwai mölema, Samaria comunidad apjudetjö, —jö̧ba̧lö yöawinobe Eliseoma.

Éxodo 14:18

Ja̧danö, jobadönö chujuluwobetjö̧ okobe deinö Egipto jojodöma ötjönö tjöwaisachibakobe, okobe jwiinö webo̧ma Isabenö Jo̧da, jö̧ba̧lö.

Éxodo 16:12

—Israel jojodö jwötjeba̧li̧ma cha̧ja̧kwajabe. Jo̧kwaobetjö̧ jobadönö baikwö yökawo: Makö yi̧bena itebiya kukwaduwakobe. Ja̧danö, itekwayi dewachö kwakwawa, pan kwukwaduwi̧danö kwukwaduwakobe, kwomeaduwinö. Jejenö baledobetjö̧ kwöwaisachibaduwakobe, isabenö, ökwödönö pjabato̧ma Isabenö Jo̧da, ökwödö Duluwo̧ Diosda, jö̧ba̧lö. Jejenö yökawodönö— yöba̧lijetö Isabenö Jo̧ma Moisésnöma.

Isaías 37:20

Jobadödanöbö̧kö̧ja chuluwo̧ Isabenö Jo̧ Dios, jo̧kwajabetjö̧ atebakwö, jo̧ba Senaquerib ujulutjö dö̧jibinö pjakatobö, okobe deinö tjitebotenia jojodöma edö ökwönö tjöwaisakobetjö̧, ökwödaja Isabenö Jo̧ma, jelo̧ma deobe jö̧ba̧lö, —Diosnö aebinobe Ezequiasma.

Josué 10:8

Ja̧danö, Isabenö Jo̧ma Josuenö yöawinobe, —Josue, jobadö amorreo jojodö ölakwabikwawa jojodönö yekaboko. Jau Josue, isabenö jobadönö kwujuluwobö chiyajabe, jo̧kwajabetjö jobadötjö bakwo̧bi kwöba a'o ö̧joböma jwiakobe, isabenö okobe deinö jobadönö kwujuluwakobe, —jö̧ba̧lö.