1 Reyes 2:42 - Dios Iwene

⁴² ja̧danö yötjawiökwe, Siminö jwöinobe, öjobekwö ichobö. Ichibajo̧nö yöa̧linobe, —Damötjö Isabenö Jo̧ öba a'otjö, jweinö yöbawö kwujunobö wetijatö, –Isabenö la'akatjöda Jerusalentjö latebökakwo̧sa, –jö̧ba̧lö yöbawö kwujunobö wetijatö, jö̧tö? Ja̧danö, ja̧ möle jweinö ökwönö lȩbebö yötawijatö, –Belö labebö, jelobekwö kwi̧'yitjö̧ma, kwöwaisobö jo̧be, isabenö ö'wö bakibakwo̧ja, –jö̧ba̧lö yötawijatö, jö̧tö? Ja̧danö, jejenö yötawiökwe, –Jau, otiwa, yökawaja̧ a̧ja̧kwö chö̧jakwo̧sa, –jö̧ba̧lö kwatadijatö, jö̧tö?

1 Reyes 2:42 ပူးပေါင်းရင်းမြစ်များ

1 Reyes 2:41

Ja̧ Jerusalentjö labebö, Gatbetjö ȩwa̧jaja̧ wene yötjawinobe Salomonnö,

1 Reyes 2:43

Jo̧kwajabetjö̧, tajawedö yöbawö kwujuninadanö ja̧bökönö, sulabenö wainö ja̧köbinada? Isabenö Jo̧ öba a'otjö yöbawö kwujuninadanö ja̧bökönö, tajawedö wetinöködanö sulabenö ja̧köbinada? —jö̧ba̧lö abebö a̧ja̧kwinobe.

Lucas 15:22

Jejenö yöa̧lijayonö, isabenö chitji̧ kwö̧joböma mikwawö̧kö̧ja jö̧ba̧löma atadinokobe abe'doma. Itji̧nö ösödö ömöayedönö weinobe: Juluwanö ichejebaduwi inesö otiwado̧ jeledo̧tjö bajalekwönönö otiwado̧ kamijido̧ma, ja̧danö ja̧do̧nö bite chitji̧nö 'dubataduwi. Ja̧danö tjötö'anö nönawakwawabi, ötö'anö nönaduwi, ja̧danö sapatu ömasapiyanö 'dubataduwi, isabenö bitema ötjöda chitji̧obetjö̧.

Lucas 19:22

Jejenö yöawökwe uluwo̧ma atadinobe: Isabenö chömöayo̧ sulabo̧ja. Jejenö yöba̧lö öwaetjöda kwi̧sekwajabe, sulabenö otidö kwö̧ji̧ma. Yöka̧latö, Chuluwo̧ma labinö webo̧, ja̧danö batjo otidinököyutjö̧ wa̧ji̧ emo̧, jö̧ba̧lö, ¿jö̧tö?