1 Reyes 2:36 - Dios Iwene

³⁶ Jemi ikenama, la'aka luwo̧ Salomonma Davidnö sulabenö yöba̧lina Siminö jwöinobe, ö̧jobekwö ichobö. Ja̧danö, ichibajo̧nö weinobe: —Simi, kweju kwotido Jerusalen comunidadnö. Ikenama, otidajo̧, bena Jerusalennöda kwö̧jo, jelobekwö labebökönö.

1 Reyes 2:36 ပူးပေါင်းရင်းမြစ်များ

2 Samuel 14:24

Jo̧kwaijayonö, Jerusalenbe tjichibenama, öba a'o Absalon ichibobö weinokobe Davidma, —Wainö, iteda ejunö ö̧jobö jo̧be, chöba a'o ichibobö jwibo̧, —jö̧ba̧lö. Jo̧kwajabetjö̧, iteda ejunö ö̧jinobe, ja̧danö la'aka luwo̧ David öba a'o ichibinokobe.

2 Samuel 14:28

Dötölataja o̧biya baledibanö, abe'do la'aka luwo̧ Davidnö edökönö Jerusalennö ö̧jinobe Absalonma.

1 Reyes 1:53

Yöba̧lajo̧, la'aka luwo Salomonma iteda ömöayedönö weinobe, Diosnö iyawötenö ö̧jelö Adoniasnö tjichejebobö, ja̧danö Salomon öba a'o ichibö, bȩachibinobe, —Chuluwoja, —jö̧ba̧lö. Ichibiökwe, —Kwejube da̧ji̧ chöpöe, —jö̧ba̧lö webö loinobe Salomonma.

Proverbios 20:26

Ja̧danö, ju'wibi yötawa: Inesö la'aka luwo̧, jweinö omukwato̧ma jojodötjö sulabenö omukwato̧nö waisachibo̧, bitema sulabenö omukwato̧ jö̧ba̧lö. Ja̧danö, jo̧ba jweinö omukwatö inesö la'aka luwo̧ma sulabenö omukwato̧nö lȩ lö̧jökönö lȩtjebobö weakwo̧.

Proverbios 20:8

Ja̧danö, ju'wibi yötawa, wanedö: Inesö la'aka luwo̧ma, wa̧kwawaka̧nö wa̧nö, jojodönö lȩbebö yöawi̧bi, jojodönö ji̧bakwawa yöawi̧bi yöbawo̧. Ja̧danö, jo̧banö yötjawi̧ omukwata̧lö, sulabenö ja̧inojobö, sulabenö ja̧inokojobö jö̧ba̧lö öwawinö öwaisaCHIBAkwo̧. Ja̧danö, jobekwö öwawinö waisö yöawakwo̧ sulabenö ja̧binanö lȩbebö, sulabenö ja̧binö̧kö̧nö ö̧jibinö pjabatö.