1 Reyes 2:33 - Dios Iwene

³³ Jau, jobadönö kwabö loina wene samaja̧ma, Joabnöda, jadanö Joab itji̧mu tupadanö jojodönöda samobö jo̧be, jo̧kwaijayonö ökwödönö samobö jwiakobe. Ja̧danö, Joabnö kwabö lobö, wene samaja̧ ökwödötjö söbekwö lodobetjö̧, Isabenö Jo̧ ba̧kwelöjatebö wene jwiinö dö̧ji̧nö pjaatobö chösöda, chabe'do Davidnöbi, itji̧mu tupadanö jojodönöbi, israel la'aka luwedö ja̧nö, wene jwiinö dö̧jakobetjö̧, —jö̧ba̧lö, Benaias Joabnö kwabö loobö weinobe.

1 Reyes 2:33 ပူးပေါင်းရင်းမြစ်များ

Génesis 42:22

Ja̧danö, Rubenma jö̧ba̧lijetö jobadönö: —Ja̧ mölema ötjö yötawi̧ kwa̧ja̧kwaduwijökötö. Sulabenöma ja̧köbaduwanö jwöteba̧lijayonö yelösöda kwa̧ja̧kwaduwijökötö. Babema döjawo̧nö kwabö lodina balekwa mikwa dimidawobe— jö̧ba̧lijetö Rubenma ö̧ja̧wo̧dönöma.

2 Samuel 14:9

—Atadoko, tupakwö yöja̧linobe, —Chuluwo̧, öjawo̧nö kwabö lobo̧nö lȩbebökönö dö̧jiökwe, Dios öba a'otjö wene dujuna̧litjöma, ja̧ wenema ötjönöda, ja̧danö chabe'do ömöledönöda baibobö jo̧be, ökwö la'aka chuluwo̧bi, kwömöledöbi wene jwiinö kwö̧jaduwakwedöja, ötjöda atebakwö pjakatobetjö̧, —jö̧ba̧lö.

1 Reyes 2:32

Joab isabenö ö'wö baibobö jo̧be, baikwö yöta̧la: Chabe'do David wajwionö, Joabma damötjö̧ du̧ju̧tajanö ölakwabikwawa luwedönö kwabö loinobe, Israel jojodötjö ölakwabikwawa luwo̧ Abner mikwo̧nöbi, Judasaso jojodötjö ölakwabikwawa luwo̧ Amasa mikwo̧nöbi. Jobadöma Joabtjö bajalekwönönö otiwadö, wene jwibadö tjö̧jinobe, jo̧kwaijayonö yayonö sulabenö kwabö loinobe jobadönö. Ja̧danö, jejenö sulabenö kwabö loiökwe, Isabenö Jo̧ma jobadö tjökwösobö Joabnö baibanö tjeatobö chösöda.

1 Reyes 2:44

Ikenama tupakwö yöa̧linobe la'aka luwo̧ Salomonma, Siminö: –Ökwöma waiso̧ja, chabe'do Davidnö sulabenö ja̧köbinama, jadanö jejenö sulabenö jaköbiökwe, Isabenö Jo̧ma ökwönö lȩebakwo̧.

1 Reyes 8:32

Jobekwö baledenama, otiwanö kwa̧ja̧kwobö atebakwö chuluwo̧, ja̧danö jweinö lȩekwa kwi̧sȩbobö atebakwö. Jau chuluwo̧, bakwo̧nökwena ja̧tja̧ja̧ mikwa tjemo jö̧tja̧lidanö weköbobö atebakwö, sulabenö ja̧bajo̧nö, sulabenö ja̧aja̧ mikwa baibanö, jo̧banö lȩkebobö atebakwö, ja̧danö sulabenö ja̧bö̧kö̧ wene jwibo̧nö, –Bitema otiwanö weti̧ a̧ja̧kwo̧, –jö̧ba̧lö, otiwanö pjakatobö atebakwö.

2 Reyes 5:27

Ja̧danö, jobekwö sulabenö kwemobö kwisakwajobetjö̧, baikwö yötawakwö Giezi, Naaman ö'wöchaja̧ leprama, ökwönöda samakobe, ja̧danö ökwöbi, kwitji̧mu tupadanö jojodöbi ba̧kwelöjatebö lepratjö ö'wöchadö kwö̧jaduwakwedöja, —jö̧ba̧lö yöawinobe Eliseoma. Ja̧danö, Giezi Eliseo ö̧jelö laebenama, i̧sȩdo̧ bakwainö dewo̧ laebinobe, Naaman ö'wöchaja̧ jo̧banö samobetjö̧.

1 Crónicas 17:27

Jau chuluwo̧, isabenö jejenö ötjönöbi chömöledönöbi pjakatobö kwösödajabeta, ba̧kwelöjatebö kwöba a'o israel jojodö tjuluwedö dö̧jakobetjö̧. Jau Chuluwo̧ Isabenö Jo̧, ökwöda ökwödönö pjakatajabe, ja̧danö pjakati̧tjö̧, ötjöbi chi̧tji̧mu tupadanö jojodöbi ba̧kwelöjatebö otiwanö pjakatawö̧ dö̧jakwedösa, —jö̧ba̧lö yöa̧linobe Davidma, Diosnö ösödö.

Proverbios 25:5

Ja̧ ji̧danö, inesö la'aka luwo̧ma iteda yö̧ne ömöayedötjö sulabenö ja̧badönö a'dewö loitjö̧ma otiwanö yöbawö webo̧ ö̧jena. Jao, sulabenö ja̧badö deobetjö̧ inesö la'aka luwo̧ma otiwanö yöbawö webo̧.

Mateo 27:25

Yöa̧lawö̧, okobe deinö tjatadinobe: —Jau, ökwödödasa jo̧banö kwabö lobadöma. Jo̧banö kwabö lodobetjö̧ lȩekwa ji̧tjö̧ma, ökwödönöbi, di̧tji̧mu tupadanö jojodönöbi lȩekwa baibobö jo̧be— jö̧ba̧lö tjatadinobe.

Lucas 2:14

—Mölejȩbe jo̧ Diosnö jwiinö tjösödobö jo̧be, ja̧danö böjȩtjö jojodö Dios o̧'wo̧ ösöwanö edawö̧ma wene jwiinö tjö̧jakobe— jö̧ba̧lö yötja̧linobe.

Hechos 18:6

Jo̧kwaijayonö judío jojodöma öpöjödijadötö. Pablo yöawi̧ a̧ja̧kwö, labinö atada̧lö öpöjödijadötö, Bitema jweinö yöba̧lö̧kö̧, jö̧ba̧lö. Jejenö tjöpöjödiökwe Pabloma, jobadönö edö, u̧kwa kamijido̧ pjusawijetö. Pjusawajo̧ jö̧ba̧lijetö jobadönöma: —Ökwödöma a̧ja̧kwö kwöpöjödaduwobetjö̧ ina Diostjö 'da̧bachibö ju̧kwadöja. Ja̧danö, ötjöda jawamaökö, ökwödöda jawaduwida, a̧ja̧kwö kwöpöjödaduwobetjö̧. Tjo̧wi̧ katatakwawaduwakwö. Judío jojodöböködönöda yötawakobe— jö̧ba̧lijetö Pabloma.