1 Reyes 19:6 - Dios Iwene

⁶ Weökwe, wilubajo̧ edinobe Eliasma, ja̧danö uu pjeanö, ökwöla ubi̧ ö̧'iya wame pan balawobe edinobe, ja̧danö ojwiyosa̧pja̧ edinobe. Edajo̧, kwanöbi ukwinobe, jadanö owöbi owinobe. Ikenama, kwajo̧, yemidanö abibinobe.

1 Reyes 19:6 ပူးပေါင်းရင်းမြစ်များ

1 Reyes 17:4

Jobe ja̧nö, ojwetjö ojwiyo kwowakwo̧ja, ja̧danö ötjöma bo̧lö̧nö wetajabe, kwukwakwa̧ ökwönö tjichejebobö, —jö̧ba̧lö.

1 Reyes 17:6

Ja̧danö, jobe ö̧jonö, yȩayikwena bo̧lö̧ma panbi, itebiyabi tjichejebinobe, ja̧danö yi̧benakwena panbi, itebiyabi tjichejebinobe, Elias ukwobö, ja̧danö ojwetjö owö ö̧jinobe.

1 Reyes 19:5

Ikenama, jejenö abebajo̧, nijinö bamatö abibinobe. Jemi ikenama, abemi ja'ötjö, Dios weökwe angelma öwawachö, jo̧banö mabö iwiludinobe, ja̧danö wiludajo̧ Eliasnö weinobe, —A̧la̧ibö kwukwo, —jö̧ba̧lö.

1 Reyes 19:7

Jemi ikenama, Isabenö Jo̧ weökwe angelma yemidanö tjebachajö ichibinobe, ja̧danö yemidanö Eliasnö mabö iwiludinobe, —Elias, a̧la̧ibö kwukwo, kwukwökötjö̧ma, ödö kwekachakwa̧ dakwö kwekachobö? Jo̧kwajabetjö̧ a̧la̧ibö kwukwo, —jö̧ba̧lö wiludö weinobe.

Isaías 33:16

Jobadöjayedöma, otiwanö wene jwiinö tjö̧jakwedö. Wene baledenama, jobadöma mösa'otjö, inawa ötöla 'diinö tjöekwemi tjö̧jobö tjöbadekwakwedö, ja̧danö otiwanö kwakwawabi, owawabi tjujuna̧lakwedö, —jö̧ba̧lö yöawobe Isabenö Jo̧ma.

Mateo 26:7

Jobe ja̧nö ukwemi, bakwuju isujuma tebachö jichejebinobe, isa̧yu̧ otiwayu̧ nöinö mikwawi̧ omewi̧ jawasa̧yu̧, ja̧danö ja̧ omewi̧ jawa Jesús uu wame tojebinobe.

Mateo 4:11

Jejenö weökwe, Awetjama laebinobe. Ja̧danö jemi ikenama ángelesdöma ichö Jesúsnö te'ada̧lö pjatjatinobe.

Mateo 6:32

Jau chömöledö, ¿tajawedö ja̧ jawa omukwatö kwo̧'wo̧ tjo̧kekwaduwobö? Kwabe'doma ¿ökwödönö wajwienaji̧, ja̧ jawa tjujuna̧lobö jo̧be jö̧ba̧löma? Böjȩ bakwameachibanö jojodöma ja̧ jawa isakwadö chömöledö. Ja̧danö Kwabe'doduwima isabenö ökwödönö waiso̧, ju'wedö ja̧ jawa tjujuna̧lobö ji̧danö, chi̧tji̧mubi ja̧ jawa tjujuna̧lobö jo̧be jö̧ba̧lö.

Juan 21:5

Ja̧danö, Jesús, so̧bi̧ya̧pu̧ ö'öbö jo̧ma jobadönö jwöinobe: —Chi̧tji̧mu ¿ba̧i̧ jwoköbaduwaji̧?— abebö a̧ja̧kwiawö̧: —Jwodijökötö. Deatö— tjatadinobe.

Juan 21:9

Ja̧danö, tjolanö lamatö, isowitjö mebibö tjedemi ökwöla tjedinobe, ö̧kwö̧'i̧a̧tjöda ubola, ba̧i̧ söawola. Panbi tjedinobe.